'ਅਮਰ ਸਿੰਘ ਚਮਕੀਲਾ' ਫ਼ਿਲਮ ਕਈ ਪੁਰਸਕਾਰਾਂ ਲਈ ਨਾਮਜ਼ਦ

ਮੁੰਬਈ, 2 ਅਗਸਤ (ਪੀ.ਟੀ.ਆਈ.)-ਫਿਲਮ ਨਿਰਮਾਤਾ ਇਮਤਿਆਜ਼ ਅਲੀ ਦੀ ਬਹੁਤ ਪ੍ਰਸ਼ੰਸਾਯੋਗ ਫਿਲਮ ਅਮਰ ਸਿੰਘ ਚਮਕੀਲਾ ਨੂੰ 'ਸਕ੍ਰੀਨਰਾਈਟਰਜ਼ ਐਸੋਸੀਏਸ਼ਨ ਅਵਾਰਡਜ਼' (ਐਸ. ਡਬਲਿਊ. ਏ.) 'ਚ ਸਭ ਤੋਂ ਵਧੀਆ ਕਹਾਣੀ, ਸਕ੍ਰੀਨਪਲੇ, ਸੰਵਾਦ ਅਤੇ ਗੀਤਾਂ ਲਈ ਪ੍ਰਮੁੱਖ ਨਾਮਜ਼ਦਗੀਆਂ ਪ੍ਰਾਪਤ ਹੋਈਆਂ ਹਨ | 9 ਅਗਸਤ ਨੂੰ ਹੋਣ ਵਾਲੇ ਐਸ. ਡਬਲਿਊ. ਏ. ਅਵਾਰਡਾਂ ਦੇ 7ਵੇਂ ਐਡੀਸ਼ਨ 'ਚ 2024 ਦੀਆਂ ਉਨ੍ਹਾਂ ਫਿਲਮਾਂ, ਲੜੀਵਾਰਾਂ ਤੇ ਟੀਵੀ ਸ਼ੋਅ ਦਾ ਸਨਮਾਨ ਕੀਤਾ ਜਾਵੇਗਾ ਜਿਨ੍ਹਾਂ ਨੇ ਕਹਾਣੀ ਸੁਣਾਉਣ ਦੀ ਕਲਾ ਨੂੰ ਨਵੀਆਂ ਉਚਾਈਆਂ 'ਤੇ ਪਹੁੰਚਾਇਆ ਹੈ | 2024 ਦੀ ਫਿਲਮ 'ਅਮਰ ਸਿੰਘ ਚਮਕੀਲਾ' 'ਚ ਦਿਲਜੀਤ ਦੋਸਾਂਝ ਮੁੱਖ ਭੂਮਿਕਾ 'ਚ ਸਨ ਤੇ ਪਰਿਣੀਤੀ ਚੋਪੜਾ ਨੇ ਉਨ੍ਹਾਂ ਦੀ ਪ੍ਰੇਮਿਕਾ ਦੀ ਭੂਮਿਕਾ ਨਿਭਾਈ ਸੀ | ਗੀਤਕਾਰ ਇਰਸ਼ਾਦ ਕਾਮਿਲ ਨੂੰ 'ਅਮਰ ਸਿੰਘ ਚਮਕੀਲਾ' ਦੇ ਪੰਜ ਗੀਤਾਂ 'ਬਾਜਾ', 'ਬੋਲ ਮੁਹੱਬਤ', 'ਇਸ਼ਕ ਮਿਟਾਏ', 'ਨਰਮ ਕਲਾਜਾ' ਤੇ 'ਵਿਦਾ ਕਰੋ' ਲਈ ਨਾਮਜ਼ਦ ਕੀਤਾ ਗਿਆ ਹੈ |