ਭਾਰਤ ਡੋਨਾਲਡ ਟਰੰਪ ਤੇ ਰੂਸ ਵਿਚਾਲੇ ਹੋਈ ਸਿਖਰ ਮੀਟਿੰਗ ਦਾ ਕਰਦਾ ਹੈ ਸਵਾਗਤ - ਰਣਧੀਰ ਜੈਸਵਾਲ

ਨਵੀਂ ਦਿੱਲੀ, 16 ਅਗਸਤ-ਵਿਦੇਸ਼ ਮੰਤਰਾਲੇ ਦੇ ਬੁਲਾਰੇ ਰਣਧੀਰ ਜੈਸਵਾਲ ਨੇ ਕਿਹਾ ਕਿ ਭਾਰਤ ਅਮਰੀਕੀ ਰਾਸ਼ਟਰਪਤੀ ਡੋਨਾਲਡ ਟਰੰਪ ਅਤੇ ਰੂਸ ਦੇ ਰਾਸ਼ਟਰਪਤੀ ਵਲਾਦੀਮੀਰ ਪੁਤਿਨ ਵਿਚਕਾਰ ਅਲਾਸਕਾ ਵਿਚ ਹੋਈ ਸਿਖਰ ਮੀਟਿੰਗ ਦਾ ਸਵਾਗਤ ਕਰਦਾ ਹੈ। ਸ਼ਾਂਤੀ ਦੀ ਪ੍ਰਾਪਤੀ ਵਿਚ ਉਨ੍ਹਾਂ ਦੀ ਅਗਵਾਈ ਬਹੁਤ ਸ਼ਲਾਘਾਯੋਗ ਹੈ। ਭਾਰਤ ਸਿਖਰ ਸੰਮੇਲਨ ਵਿਚ ਹੋਈ ਪ੍ਰਗਤੀ ਦੀ ਸ਼ਲਾਘਾ ਕਰਦਾ ਹੈ। ਅੱਗੇ ਵਧਣ ਦਾ ਰਸਤਾ ਸਿਰਫ ਗੱਲਬਾਤ ਅਤੇ ਕੂਟਨੀਤੀ ਰਾਹੀਂ ਹੀ ਹੋ ਸਕਦਾ ਹੈ। ਦੁਨੀਆ ਯੂਕਰੇਨ ਵਿਚ ਟਕਰਾਅ ਦਾ ਜਲਦੀ ਅੰਤ ਦੇਖਣਾ ਚਾਹੁੰਦੀ ਹੈ।