ਭਾਰਤ ਦੀ ਅਨੁਪਰਣਾ ਰਾਏ ਨੇ ਰਚਿਆ ਇਤਿਹਾਸ, ਵੇਨਿਸ ਫ਼ਿਲਮ ਫੈਸਟੀਵਲ ਵਿਚ ਜਿੱਤਿਆ ਸਰਵੋਤਮ ਨਿਰਦੇਸ਼ਕ ਦਾ ਪੁਰਸਕਾਰ

ਵੇਨਿਸ (ਇਟਲੀ), 7 ਸਤੰਬਰ - ਫ਼ਿਲਮ ਨਿਰਮਾਤਾ ਅਨੁਪਰਣਾ ਰਾਏ ਨੇ ਵੇਨਿਸ ਫ਼ਿਲਮ ਫੈਸਟੀਵਲ ਦੇ 82ਵੇਂ ਐਡੀਸ਼ਨ ਵਿਚ ਇਤਿਹਾਸ ਰਚਿਆ ਹੈ, ਆਪਣੀ ਫ਼ਿਲਮ 'ਸਾਂਗਸ ਆਫ ਫਾਰਗੌਟਨ ਟ੍ਰੀਜ਼' ਲਈ ਓਰੀਜ਼ੋਂਟੀ ਮੁਕਾਬਲੇ ਵਿਚ ਉਸ ਨੇ ਸਰਵੋਤਮ ਨਿਰਦੇਸ਼ਕ ਦਾ ਪੁਰਸਕਾਰ ਜਿੱਤਿਆ।
ਅਨੁਰਾਗ ਕਸ਼ਯਪ ਦੁਆਰਾ ਪੇਸ਼ ਕੀਤੀ ਗਈ, ਅਨੁਪਰਣਾ ਰਾਏ ਦੀ 'ਸਾਂਗਸ ਆਫ ਫਾਰਗੌਟਨ ਟ੍ਰੀਜ਼' ਵੇਨਿਸ ਦੇ ਓਰੀਜ਼ੋਂਟੀ ਭਾਗ ਵਿਚ ਇਕੋ ਇਕ ਭਾਰਤੀ ਫ਼ਿਲਮ ਬਣ ਗਈ। ਇਹ ਮੁੰਬਈ ਵਿਚ ਦੋ ਪ੍ਰਵਾਸੀ ਔਰਤਾਂ ਦੇ ਆਲੇ-ਦੁਆਲੇ ਘੁੰਮਦੀ ਹੈ।ਇਸ ਪੁਰਸਕਾਰ ਦਾ ਐਲਾਨ ਸ਼ਨੀਵਾਰ ਨੂੰ ਫੈਸਟੀਵਲ ਦੇ ਸਮਾਪਤੀ ਸਮਾਰੋਹ ਦੌਰਾਨ ਓਰੀਜ਼ੋਂਟੀ ਜਿਊਰੀ ਦੀ ਪ੍ਰਧਾਨ, ਫਰਾਂਸੀਸੀ ਫ਼ਿਲਮ ਨਿਰਮਾਤਾ ਜੂਲੀਆ ਡੁਕੋਰਨੌ ਦੁਆਰਾ ਕੀਤਾ ਗਿਆ। ਚਿੱਟੀ ਸਾੜੀ ਪਹਿਨੀ ਰਾਏ ਨੇ ਸਨਮਾਨ ਸਵੀਕਾਰ ਕੀਤਾ ਅਤੇ ਇਸ ਪਲ ਨੂੰ "ਅਸਲ" ਕਿਹਾ, ਜਿਊਰੀ, ਉਸਦੇ ਨਿਰਮਾਤਾਵਾਂ, ਉਸਦੇ ਕਲਾਕਾਰਾਂ ਅਤੇ ਫ਼ਿਲਮ ਨਿਰਮਾਤਾ ਅਨੁਰਾਗ ਕਸ਼ਯਪ ਦਾ ਧੰਨਵਾਦ ਕੀਤਾ।