ਵਿਜੇ ਸਾਂਪਲਾ ਨੂੰ ਆਪਣੀ ਲੀਗਲ ਟੀਮ ਨੂੰ ਨਾਲ ਲੈ ਕੇ ਸਿਟ ਅੱਗੇ ਪੇਸ਼ ਹੋਣ ਦੀ ਮਿਲੀ ਇਜਾਜ਼ਤ

ਚੰਡੀਗੜ੍ਹ, 7 ਜੁਲਾਈ (ਸੰਦੀਪ ਮਾਹਨਾ)- ਭਾਜਪਾ ਦੇ ਸੀਨੀਅਰ ਆਗੂ ਅਤੇ ਐਸ. ਸੀ. ਕਮਿਸ਼ਨ ਦੇ ਸਾਬਕਾ ਚੇਅਰਮੈਨ ਵਿਜੇ ਸਾਂਪਲਾ ਐਸ. ਆਈ. ਟੀ. ਮੁਹਰੇ ਪੇਸ਼ ਹੋਣ ਲਈ ਚੰਡੀਗੜ੍ਹ ਦੇ ਸੈਕਟਰ 32 ਸਥਿਤ ਪੰਜਾਬ ਪੁਲਿਸ ਆਫਿਸਰ ਇੰਸਟੀਚਿਊਟ ਪਹੁੰਚੇ। ਵਿਜੇ ਸਾਂਪਲਾ ਨੂੰ ਇਕੱਲੇ ਅੰਦਰ ਜਾਣ ਦੀ ਗੱਲ ਆਖ ਗੇਟ ’ਤੇ ਹੀ ਰੋਕ ਦਿੱਤਾ ਗਿਆ ਸੀ, ਉੱਧਰ ਸਾਂਪਲਾ ਆਪਣੀ ਲੀਗਲ ਟੀਮ ਨੂੰ ਨਾਲ ਲਿਜਾਉਣ ਲਈ ਬਜਿੱਦ ਸਨ। ਵਿਜੇ ਸਾਂਪਲਾ ਨੂੰ ਆਪਣੀ ਲੀਗਲ ਟੀਮ ਨੂੰ ਨਾਲ ਲੈ ਕੇ ਸਿੱਟ ਅੱਗੇ ਪੇਸ਼ ਹੋਣ ਦੀ ਇਜਾਜ਼ਤ ਮਿਲ ਗਈ ਹੈ। ਸਾਂਪਲਾ ਦਾ ਕਹਿਣਾ ਹੈ ਕਿ ਸਿਟ ਵਲੋਂ ਉਨ੍ਹਾਂ ਨੂੰ 179 ਤਹਿਤ ਨੋਟਿਸ ਭੇਜਿਆ ਗਿਆ ਹੈ। ਜਿਸ ਤਹਿਤ ਸਿਟ ਵਲੋਂ ਪੁੱਛਗਿੱਛ ਦੌਰਾਨ ਪੁੱਛੇ ਜਾਣ ਵਾਲੇ ਸਵਾਲਾਂ ਦਾ ਜਵਾਬ ਦੇਣ ਲਈ ਉਨ੍ਹਾਂ ਦੀ ਲੀਗਲ ਟੀਮ ਦਾ ਨਾਲ ਹੋਣਾ ਲਾਜ਼ਮੀ ਹੈ ਤੇ ਕਾਨੂੰਨ ਵੀ ਇਸ ਦੀ ਇਜ਼ਾਜਤ ਦਿੰਦਾ ਹੈ।