ਸੀ.ਬੀ.ਆਈ. ਨੇ ਰਿਲਾਇੰਸ ਏ.ਡੀ.ਏ. ਗਰੁੱਪ ਦੀਆਂ ਫਰਮਾਂ ਵਿਰੁੱਧ ਮਾਮਲਿਆਂ ਵਿਚ 15 ਥਾਵਾਂ ਦੀ ਤਲਾਸ਼ੀ ਲਈ

ਨਵੀਂ ਦਿੱਲੀ, 18 ਜੁਲਾਈ (ਪੀਟੀਆਈ) : ਅਧਿਕਾਰੀਆਂ ਨੇ ਦੱਸਿਆ ਕਿ ਸੀ.ਬੀ.ਆਈ. ਨੇ ਰਿਲਾਇੰਸ ਕਮਰਸ਼ੀਅਲ ਫਾਈਨੈਂਸ ਲਿਮਟਿਡ (ਆਰ.ਸੀ.ਐਫ.ਐਲ.) ਅਤੇ ਰਿਲਾਇੰਸ ਹੋਮ ਫਾਈਨੈਂਸ ਲਿਮਟਿਡ (ਆਰ.ਐਚ.ਐਫ.ਐਲ.) ਵਿਰੁੱਧ ਦਰਜ ਮਾਮਲਿਆਂ ਦੇ ਸਬੰਧ ਵਿਚ ਦਿੱਲੀ ਅਤੇ ਮੁੰਬਈ ਵਿਚ 15 ਥਾਵਾਂ ਦੀ ਤਲਾਸ਼ੀ ਲਈ । ਏਜੰਸੀ ਦੇ ਬੁਲਾਰੇ ਨੇ ਇੱਕ ਬਿਆਨ ਵਿਚ ਕਿਹਾ ਕਿ ਅਨਿਲ ਅੰਬਾਨੀ ਦੀ ਅਗਵਾਈ ਵਿਚ ਰਿਲਾਇੰਸ ਏ.ਡੀ.ਏ. ਗਰੁੱਪ ਨਾਲ ਜੁੜੀਆਂ 23 ਇਕਾਈਆਂ ਨੂੰ ਇਸ ਤਲਾਸ਼ੀ ਵਿਚ ਸ਼ਾਮਿਲ ਕੀਤਾ ਗਿਆ ਸੀ। ਇਹ ਥਾਵਾਂ ਦੋ ਸ਼ਹਿਰਾਂ ਮੁੰਬਈ ਤੇ ਦਿੱਲੀ ਵਿਚ ਸਥਿਤ ਹਨ । ਇਕਾਈਆਂ ਨੂੰ ਕਥਿਤ ਤੌਰ ’ਤੇ ਆਰ.ਸੀ.ਐਫ.ਐਲ. ਅਤੇ ਆਰ.ਐਚ.ਐਫ.ਐਲ .ਦੁਆਰਾ ਉਧਾਰ ਲਏ ਗਏ ਬੈਂਕ ਫੰਡਾਂ ਨੂੰ ਰਿਲਾਇੰਸ ਏ.ਡੀ.ਏ. ਗਰੁੱਪ ਦੀਆਂ ਹੋਰ ਕੰਪਨੀਆਂ ਵਿਚ ਭੇਜਣ ਲਈ ਵਰਤਿਆ ਗਿਆ ਸੀ, ਜਿਸ ਨਾਲ ਉਧਾਰ ਦੇਣ ਵਾਲੇ ਬੈਂਕਾਂ ਨੂੰ ਗਲਤ ਨੁਕਸਾਨ ਹੋਇਆ । ਮੁੰਬਈ ਦੀ ਇੱਕ ਵਿਸ਼ੇਸ਼ ਅਦਾਲਤ ਤੋਂ ਵਾਰੰਟ ਪ੍ਰਾਪਤ ਕਰਨ ਤੋਂ ਬਾਅਦ ਇਹ ਤਲਾਸ਼ੀ ਲਈ ਗਈ । ਇਸ ਵਿਚ ਕਿਹਾ ਗਿਆ ਹੈ ਕਿ ‘ਤਿੰਨ ਵਿਅਕਤੀਆਂ ਦੀਆਂ ਆਰ.ਐਚ.ਐਫ.ਐਲ. ਦੇ ਸਾਬਕਾ ਸੀ.ਐਫ.ਓ., ਰਿਲਾਇੰਸ ਏਡੀਏ ਗਰੁੱਪ ਦੇ ਸਾਬਕਾ ਸਕੱਤਰੇਤ ਮੁਖੀ, ਅਤੇ ਆਰ.ਐਚ.ਐਫ.ਐਲ. ਦੇ ਸਾਬਕਾ ਮੁੱਖ ਖਜ਼ਾਨਾ ਸਲਾਹਕਾਰ ਦੇ ਟਿਕਾਣਿਆਂ ਨੂੰ ਵੀ ਸ਼ਾਮਿਲ ਕੀਤਾ ਗਿਆ ਸੀ। ਸੀ.ਬੀ.ਆਈ. ਨੇ ਵੱਖ-ਵੱਖ ਜਨਤਕ ਖੇਤਰ ਦੇ ਬੈਂਕਾਂ ਅਤੇ ਐਲ.ਆਈ.ਸੀ. ਤੋਂ ਪ੍ਰਾਪਤ ਸ਼ਿਕਾਇਤਾਂ ਦੇ ਆਧਾਰ ’ਤੇ ਰਿਲਾਇੰਸ ਕਮਿਊਨੀਕੇਸ਼ਨਜ਼ ਲਿਮਟਿਡ (ਆਰ.ਕਾਮ), ਆਰ.ਐਚ.ਐਫ.ਐਲ., ਆਰ.ਸੀ.ਐਫ.ਐਲ. ਅਤੇ ਰਿਲਾਇੰਸ ਟੈਲੀਕਾਮ ਲਿਮਟਿਡ (ਆਰ.ਟੀ.ਐਲ.) ਵਿਰੁੱਧ ਸੱਤ ਐਫ.ਆਈ.ਆਰ. ਦਰਜ ਕੀਤੀਆਂ ਹਨ।