ਇਕ ਖ਼ਾਸ ਮਕਸਦ ਨਾਲ ਲਿਆਂਦਾ ਗਿਆ ਹੈ, ਵਿਦੇਸ਼ੀ ਯੋਗਦਾਨ ਨਿਯਮ ਸੋਧ ਬਿੱਲ - ਮਨੀਸ਼ ਤਿਵਾੜੀ

ਨਵੀਂ ਦਿੱਲੀ, 10 ਅਗਸਤ - ਕਾਂਗਰਸ ਦੇ ਸੰਸਦ ਮੈਂਬਰ ਮਨੀਸ਼ ਤਿਵਾੜੀ ਨੇ ਕਿਹਾ, "ਵਿਦੇਸ਼ੀ ਯੋਗਦਾਨ ਨਿਯਮ ਸੋਧ ਬਿੱਲ ਇਕ ਖ਼ਾਸ ਮਕਸਦ ਨਾਲ ਲਿਆਂਦਾ ਗਿਆ ਹੈ। ਜਦੋਂ ਇਹ ਢਾਂਚਾ 2010 ਵਿਚ ਪੇਸ਼ ਕੀਤਾ ਗਿਆ ਸੀ ਅਤੇ ਪਾਸ ਕੀਤਾ ਗਿਆ ਸੀ, ਤਾਂ ਇਹ ਭਾਰਤ ਵਿਚ ਆਉਣ ਵਾਲੇ ਵਿਦੇਸ਼ੀ ਯੋਗਦਾਨਾਂ ਲਈ ਇਕ ਕਾਨੂੰਨੀ ਢਾਂਚਾ ਤਿਆਰ ਕਰਨ ਅਤੇ ਹਲਕੇ ਨਿਯਮ ਬਣਾਉਣਾ ਸੀ। ਇਸ ਤੋਂ ਬਾਅਦ, ਇਸ ਐਕਟ ਦੀ ਹਰੇਕ ਸੋਧ ਨੇ ਇਸਨੂੰ ਇਕ ਸਖ਼ਤ ਸ਼ਾਸਨ ਵਿਚ ਬਦਲ ਦਿੱਤਾ ਹੈ
।ਮੌਜੂਦਾ ਸੋਧਾਂ ਵਿਚ ਇਕ ਅਜਿਹੀ ਮਨੋਨੀਤ ਅਥਾਰਟੀ ਬਣਾਉਣ ਦੀ ਗੱਲ ਹੈ ਜੋ ਵਿਦੇਸ਼ੀ ਯੋਗਦਾਨਾਂ ਤੋਂ ਬਣਾਈਆਂ ਗਈਆਂ ਜਾਇਦਾਦਾਂ ਨੂੰ ਜ਼ਬਤ ਕਰ ਸਕਦੀ ਹੈ ਅਤੇ ਫਿਰ ਉਸ ਨੂੰ ਵੇਚਕੇ ਜਾਂ ਉਸੇ ਖੇਤਰ ਵਿਚ ਹੋਰ ਸੰਸਥਾਵਾਂ ਨੂੰ ਦੇ ਕੇ ਉਸ ਦਾ ਮਾਲਕਾਨਾ ਹੱਕ ਫ਼ਤਮ ਕਰ ਸਕਦੀ ਹੈ।  ਭਾਰਤ ਦੇ ਸੰਵਿਧਾਨ ਦੇ ਅਨੁਛੇਦ 300ਏ ਦੇ ਪੂਰੀ ਤਰ੍ਹਾਂ ਵਿਰੁੱਧ ਹੈ ਜੋ ਤੁਹਾਨੂੰ ਜਾਇਦਾਦ ਦਾ ਸੰਵਿਧਾਨਕ ਅਧਿਕਾਰ ਦਿੰਦਾ ਹੈ। ਕਈ ਹੋਰ ਸੋਧਾਂ ਕਈ ਹੋਰ ਸੰਵਿਧਾਨਕ ਪ੍ਰਬੰਧਾਂ ਦੇ ਉਲਟ ਵੀ ਪੈਂਦੀਆਂ ਹਨ। ਇਸ ਲਈ, ਇਕ ਅਰਥ ਵਿਚ, ਇਹ ਕਾਨੂੰਨ, ਭਾਵੇਂ ਇਹ ਪਾਸ ਹੋ ਜਾਵੇ, ਨਿਆਂਇਕ ਜਾਂਚ ਦਾ ਸਾਹਮਣਾ ਨਹੀਂ ਕਰ ਸਕੇਗਾ।
ਇਹ ਤੱਥ ਕਿ ਤੁਹਾਡੇ ਕੋਲ ਇਕ ਮਨੋਨੀਤ ਅਥਾਰਟੀ ਹੈ ਜਿਸਦੀਆਂ ਸ਼ਕਤੀਆਂ ਅਤੇ ਜਿਨ੍ਹਾਂ ਦੇ ਕਾਰਜ ਕਾਨੂੰਨ ਦੇ ਅਧੀਨ ਹਨ, ਉਨ੍ਹਾਂ ਨੂੰ ਪਰਿਭਾਸ਼ਿਤ ਨਹੀਂ ਕੀਤਾ ਗਿਆ ਹੈ ਅਤੇ ਜਾਇਦਾਦ ਨੂੰ ਜ਼ਬਤ ਕਰਨ ਅਤੇ ਦੂਰ ਕਰਨ ਲਈ ਵਿਆਪਕ ਅਤੇ ਬੇਰੋਕ ਸ਼ਕਤੀਆਂ ਦਿੱਤੀਆਂ ਜਾਣਗੀਆਂ, ਮੁੱਖ ਤੌਰ 'ਤੇ ਕਿਉਂਕਿ ਇਕ ਵਿਦੇਸ਼ੀ ਯੋਗਦਾਨ ਸਰਟੀਫਿਕੇਟ ਜਾਂ ਤਾਂ ਰੱਦ ਕੀਤਾ ਜਾਂਦਾ ਹੈ ਜਾਂ ਨਵਿਆਇਆ ਨਹੀਂ ਜਾਂਦਾ, ਪੂਰੀ ਤਰ੍ਹਾਂ ਘਾਤਕ ਹੈ। ਇਹ ਬਿੱਲ ਉਸ ਬੁਨਿਆਦੀ ਮਕਸਦ ਦੀ ਉਲੰਘਣਾ ਕਰਦਾ ਹੈ ਜਿਸ ਲਈ ਵਿਦੇਸ਼ੀ ਯੋਗਦਾਨ ਨਿਯਮ ਐਕਟ ਨੂੰ ਪਹਿਲਾਂ ਕਾਨੂੰਨ ਵਿਚ ਸ਼ਾਮਲ ਕੀਤਾ ਗਿਆ ਸੀ।"