ਘੁਬਾਇਆ ਪੁਲਿਸ ਨੇ 3 ਮੈਗਜ਼ੀਨ ਅਤੇ ਦੋ ਜ਼ਿੰਦਾ ਕਾਰਤੂਸ ਕੀਤੇ ਬਰਾਮਦ

ਮੰਡੀ ਘੁਬਾਇਆ (ਫ਼ਿਰੋਜ਼ਪੁਰ), 5 ਸਤੰਬਰ (ਅਮਨ ਬਵੇਜਾ) - ਸਰਹੱਦੀ ਖੇਤਰ ਵਿਚ ਪਿੱਛਲੇ ਲੰਮੇ ਸਮੇਂ ਤੋਂ ਜਿੱਥੇ ਸਰਹੱਦ ਪਾਰ ਤੋਂ ਨਸ਼ਾ ਤਸਕਰੀ ਦੀਆਂ ਘਟਨਾਵਾਂ ਸਾਹਮਣੇ ਆ ਰਹੀਆਂ ਹਨ, ਉਥੇ ਹੀ ਨਜਾਇਜ਼ ਹਥਿਆਰਾਂ ਦੀ ਸਪਲਾਈ ਵੀ ਕੀਤੀ ਜਾ ਰਹੀ ਹੈ ਙ ਥਾਣਾ ਘੁਬਾਇਆ ਪੁਲਿਸ ਨੇ ਇਕ ਕੱਚੇ ਰਸਤੇ ਤੋਂ ਮੈਗਜ਼ੀਨ ਅਤੇ ਕਾਰਤੂਸ ਬਰਾਮਦ ਕੀਤੇ ਹਨ ਙ 
ਜਾਣਕਾਰੀ ਦਿੰਦਿਆਂ ਚੌਂਕੀ ਘੁਬਾਇਆ ਦੇ ਇੰਚਾਰਜ ਅਭਿਸ਼ੇਕ ਸ਼ਰਮਾ ਨੇ ਦੱਸਿਆ ਕਿ ਪੁਲਿਸ ਪਾਰਟੀ ਗਸ਼ਤ ਦੌਰਾਨ ਜਦੋਂ ਪਿੰਡ ਚੱਕ ਖੀਵਾ ਦੇ ਕੋਲ ਪਹੁੰਚੀ ਤਾਂ ਸੂਚਨਾਂ ਮਿਲੀ ਕਿ ਸ਼ਮਸ਼ਾਨਘਾਟ ਨੂੰ ਜਾਂਦੇ ਕੱਚੇ ਰਸਤੇ ਤੇ ਰਘੁਬੀਰ ਸਿੰਘ ਪੁੱਤਰ ਰਜਿੰਦਰ ਸਿੰਘ ਵਾਸੀ ਪਿੰਡ ਚੱਕ ਖੀਵਾ ਦੇ ਖੇਤ ਵਿਚ ਸ਼ੱਕੀ ਹਾਲਤ ਵਿਚ ਇਕ ਲਿਫ਼ਾਫ਼ਾ ਪਿਆ ਹੋਇਆ ਹੈ । ਪੁਲਿਸ ਨੇ ਜਦੋਂ ਇਸ ਲਿਫ਼ਾਫ਼ੇ ਨੂੰ ਕਬਜੇ ਵਿਚ ਲੈ ਕੇ ਇਸ ਦੀ ਜਾਂਚ ਕੀਤੀ ਤਾਂ ਇਸ ਵਿਚੋਂ 3 ਮੈਗਜੀਨ 9 ਐਮ.ਐਮ. ਮੇਡ ਅਸਟ੍ਰੀਆ ਅਤੇ 2 ਜ਼ਿੰਦਾ ਕਾਰਤੂਸ ਬਰਾਮਦ ਹੋਏ । ਉਨ੍ਹਾਂ ਦੱਸਿਆ ਕਿ ਪੁਲਿਸ ਵਲੋਂ ਇਸ ਮਾਮਲੇ ਦੀ ਜਾਂਚ ਕੀਤੀ ਜਾ ਰਹੀ ਹੈ ਕਿ ਇਹ ਮੈਗਜੀਨ ਅਤੇ ਕਾਰਤੂਸ ਸਰਹੱਦੀ ਖੇਤਰ ਵਿਚ ਕਿੱਥੋਂ ਅਤੇ ਕਿਵੇਂ ਪਹੁੰਚੇ ਙਉਨ੍ਹਾਂ ਦੱਸਿਆ ਕਿ ਇਸ ਸੰਬੰਧੀ ਚੌਕੀ ਘੁਬਾਇਆ ਵਿਚ ਮਾਮਲਾ ਦਰਜ ਕਰ ਲਿਆ ਗਿਆ ਹੈ।