ਆਬਕਾਰੀ ਵਿਭਾਗ ਨੇ ਵੱਡੀ ਮਾਤਰਾ ਵਿਚ ਨਜਾਇਜ਼ ਦੇਸੀ ਸ਼ਰਾਬ ਅਤੇ ਲਾਹਨ ਬਰਾਮਦ ਕਰਕੇ ਕੀਤੀ ਨਸ਼ਟ

ਗੁਰਦਾਸਪੁਰ, 7 ਸਤੰਬਰ (ਰੋਹਿਤ ਗੁਪਤਾ)- ਸਹਾਇਕ ਕਮਿਸ਼ਨਰ ਆਬਕਾਰੀ ਗੁਰਦਾਸਪੁਰ ਰੇਂਜ ਕਰਮਬੀਰ ਮਾਹਲਾ, ਆਬਕਾਰੀ ਅਧਿਕਾਰੀ ਹੇਮੰਤ ਸ਼ਰਮਾ ਦੇ ਦਿਸ਼ਾ ਨਿਰਦੇਸ਼ਾਂ ਤੇ ਆਬਕਾਰੀ ਇੰਸਪੈਕਟਰ ਪੰਕਜ ਮਹਾਜਨ (ਸਰਕਲ ਧਾਰੀਵਾਲ) ਦੀ ਨਿਗਰਾਨੀ ਹੇਠ, ਆਬਕਾਰੀ ਪੁਲਿਸ ਨੇ ਰੇਲਵੇ ਲਾਈਨ ਸੋਹਲ ਅਤੇ ਟਿਊਬਵੈੱਲ ਦੇ ਨੇੜੇ ਤਲਾਸ਼ੀ ਮੁਹਿੰਮ ਚਲਾਈ।

ਤਲਾਸ਼ੀ ਮੁਹਿੰਮ ਦੌਰਾਨ 320 ਕਿਲੋਗ੍ਰਾਮ ਲਾਹਣ ਵਾਲੇ 22 ਛੋਟੇ ਪਲਾਸਟਿਕ ਦੇ ਡੱਬੇ, 150 ਕਿਲੋਗ੍ਰਾਮ ਲਾਹਣ ਵਾਲੇ 4 ਦਰਮਿਆਨੇ ਡੱਬੇ ਅਤੇ ਲਗਭਗ 180 ਕਿਲੋਗ੍ਰਾਮ ਲਾਹਣ ਵਾਲਾ 1 ਪਲਾਸਟਿਕ ਦਾ ਡੱਬਾ ਬਰਾਮਦ ਕੀਤਾ ਗਿਆ।

ਇਸ ਤੋਂ ਇਲਾਵਾ 1 ਪਲਾਸਟਿਕ ਦਾ ਡੱਬਾ ਅਤੇ ਲਗਭਗ 80 ਲੀਟਰ ਨਸ਼ੀਲੀ ਸ਼ਰਾਬ ਵਾਲੀਆਂ 10 ਪਲਾਸਟਿਕ ਦੀਆਂ ਬੋਤਲਾਂ ਵੀ ਬਰਾਮਦ ਕੀਤੀਆਂ ਗਈਆਂ। ਕੁੱਲ 650 ਕਿਲੋਗ੍ਰਾਮ ਲਾਹਣ ਅਤੇ 80 ਲੀਟਰ ਨਸ਼ੀਲੀ ਸ਼ਰਾਬ ਬਰਾਮਦ ਕੀਤੀ ਗਈ। ਬਰਾਮਦ ਕੀਤੀ ਗਈ ਸਮੱਗਰੀ ਲਾਵਾਰਿਸ ਹੋਣ ਕਾਰਨ ਮੌਕੇ 'ਤੇ ਹੀ ਨਸ਼ਟ ਕਰ ਦਿੱਤੀ ਗਈ।