ਕੋਲੰਬੋ ਜਾਣ ਵਾਲੀ ਉਡਾਣ ਦੀ ਐਮਰਜੈਂਸੀ ਲੈਂਡਿੰਗ ਤੋਂ ਬਾਅਦ 142 ਯਾਤਰੀ ਮੁੜ ਆਪਣੀ ਮੰਜ਼ਿਲ ਵੱਲ ਰਵਾਨਾ

ਚੇਨਈ, 24 ਸਤੰਬਰ (ਪੀ.ਟੀ.ਆਈ.)-ਮੰਗਲਵਾਰ ਰਾਤ ਨੂੰ 142 ਲੋਕਾਂ ਨਾਲ ਕੋਲੰਬੋ ਜਾਣ ਵਾਲੀ ਇਕ ਅੰਤਰਰਾਸ਼ਟਰੀ ਉਡਾਣ ਦੇ ਗੰਭੀਰ ਇੰਜਣ ਫੇਲ੍ਹ ਹੋਣ ਕਾਰਨ ਚੇਨਈ ਅੰਤਰਰਾਸ਼ਟਰੀ ਹਵਾਈ ਅੱਡੇ ’ਤੇ ਐਮਰਜੈਂਸੀ ਲੈਂਡਿੰਗ ਕਰਨ ਤੋਂ ਬਾਅਦ, ਫਸੇ ਹੋਏ ਯਾਤਰੀ ਬਦਲਵੇਂ  ਇੱਕ ਹੋਰ ਜਹਾਜ਼ ਰਾਹੀਂ ਆਪਣੀ ਮੰਜ਼ਿਲ ਵੱਲ ਰਵਾਨਾ ਹੋ  ਗਏ।ਹਵਾਈ ਅੱਡੇ ਦੇ ਬੁਲਾਰੇ ਨੇ ਵੀਰਵਾਰ ਨੂੰ ਕਿਹਾ ਕਿ ਹੋ ਚੀ ਮਿਨਹ ਸਿਟੀ ਤੋਂ ਕੋਲੰਬੋ ਜਾਣ ਵਾਲੀ ਵੀਅਤਜੈੱਟ ਉਡਾਣ ਨੂੰ ਇੰਜਣ ਖਰਾਬ ਹੋਣ ਦੀ ਸੂਚਨਾ ਤੋਂ ਬਾਅਦ ਇੱਥੇ ਮੋੜ ਦਿੱਤਾ ਗਿਆ।ਇਸ ਤੋਂ ਬਾਅਦ  22 ਸਤੰਬਰ ਨੂੰ ਰਾਤ 9.55 ਵਜੇ ਪੂਰੀ ਐਮਰਜੈਂਸੀ ਐਲਾਨ ਕੀਤੀ ਗਈ,ਅਤੇ ਹਵਾਈ ਅੱਡੇ ਦੀ ਐਮਰਜੈਂਸੀ ਯੋਜਨਾ ਅਨੁਸਾਰ ਸਾਰੀਆਂ ਲੋੜੀਂਦੀਆਂ ਕਾਰਵਾਈਆਂ ਕੀਤੀਆਂ ਗਈਆਂ।
ਜਹਾਜ਼ ਰਾਤ 10:27 ਵਜੇ ਸੁਰੱਖਿਅਤ ਢੰਗ ਨਾਲ ਉਤਰਿਆ ਅਤੇ ਆਪਣੇ ਆਪ ਆਪਣੇ ਨਿਰਧਾਰਤ ਪਾਰਕਿੰਗ ਸਟੈਂਡ ‘ਤੇ ਪਹੁੰਚ ਗਿਆ।ਸਾਰੇ 142 ਯਾਤਰੀਆਂ ਅਤੇ ਚਾਲਕ ਦਲ ਦੇ ਮੈਂਬਰਾਂ ਨੂੰ ਸੁਰੱਖਿਅਤ ਢੰਗ ਨਾਲ ਬਾਹਰ ਕੱਢ ਲਿਆ ਗਿਆ ਅਤੇ ਸਬੰਧਤ ਏਅਰਲਾਈਨ ਦੁਆਰਾ ਟਰਮੀਨਲ ਦੇ ਅੰਦਰ ਸਹਾਇਤਾ ਕੀਤੀ ਗਈ।ਬੁਲਾਰੇ ਨੇ ਅੱਗੇ ਕਿਹਾ ਕਿ ਵੀਅਤਜੈੱਟ ਏਅਰਲਾਈਨਜ਼ ਨੇ ਬਾਅਦ ’ਚ ਹੋ ਚੀ ਮਿਨਹ ਸਿਟੀ ਤੋਂ ਇੱਕ ਬਦਲਵੀਂ ਉਡਾਣ ਦਾ ਪ੍ਰਬੰਧ ਕੀਤਾ।ਦੂਜੀ ਉਡਾਣ 23 ਸਤੰਬਰ ਨੂੰ ਰਾਤ 8:22 ਵਜੇ ਚੇਨਈ ਹਵਾਈ ਅੱਡੇ ‘ਤੇ ਪਹੁੰਚੀ ਅਤੇ ਫਸੇ ਯਾਤਰੀਆਂ ਨੂੰ ਲੈ ਕੇ ਰਾਤ 10:23 ਵਜੇ ਕੋਲੰਬੋ ਲਈ ਰਵਾਨਾ ਹੋਈ।