UPI ਦੀ ਲੋਕਪ੍ਰਿਯਤਾ ਦਾ ਸਭ ਤੋਂ ਵੱਡਾ ਕਾਰਨ ਇਸ ਦੀ ਸੌਖੀ ਅਤੇ ਤੇਜ਼ ਭੁਗਤਾਨ ਪ੍ਰਣਾਲੀ ਹੈ। ਇਸ ਰਾਹੀਂ ਲੋਕ ਦੁਕਾਨਾਂ, ਰੈਸਟੋਰੈਂਟਾਂ, ਆਨਲਾਈਨ ਖਰੀਦਦਾਰੀ ਅਤੇ ਹੋਰ ਥਾਵਾਂ 'ਤੇ ਕੁਝ ਸਕਿੰਟਾਂ ਵਿਚ ਪੈਸੇ ਟ੍ਰਾਂਸਫਰ ਕਰ ਸਕਦੇ ਹਨ।
ਆਮ ਯੂਜ਼ਰਾਂ ਲਈ UPI ਭੁਗਤਾਨ ਮੁਫ਼ਤ
UPI ਦੀ ਵਰਤੋਂ ਕਰਨ ਵਾਲੇ ਆਮ ਗਾਹਕਾਂ ਲਈ ਵਿਅਕਤੀ ਤੋਂ ਵਿਅਕਤੀ (P2P) ਅਤੇ ਵਿਅਕਤੀ ਤੋਂ ਵਪਾਰੀ (P2M) ਭੁਗਤਾਨਾਂ 'ਤੇ ਆਮ ਤੌਰ 'ਤੇ ਕੋਈ ਵਾਧੂ ਟ੍ਰਾਂਜ਼ੈਕਸ਼ਨ ਚਾਰਜ ਨਹੀਂ ਲੱਗਦਾ। ਹਾਲਾਂਕਿ, ਵਪਾਰਕ ਲੈਣ-ਦੇਣ ਦੀਆਂ ਕੁਝ ਖਾਸ ਸ਼੍ਰੇਣੀਆਂ ਲਈ ਵੱਖਰੇ ਨਿਯਮ ਹੋ ਸਕਦੇ ਹਨ।
ਛੋਟੇ ਦੁਕਾਨਦਾਰਾਂ ਤੋਂ ਲੈ ਕੇ ਵੱਡੇ ਕਾਰੋਬਾਰਾਂ ਤੱਕ UPI ਦੀ ਵਰਤੋਂ
UPI ਨੇ ਦੇਸ਼ ਵਿੱਚ ਡਿਜੀਟਲ ਭੁਗਤਾਨ ਨੂੰ ਨਵੀਂ ਦਿਸ਼ਾ ਦਿੱਤੀ ਹੈ। ਹੁਣ ਸਬਜ਼ੀ ਵਿਕਰੇਤਾ, ਰੇਹੜੀ ਵਾਲੇ, ਛੋਟੇ ਦੁਕਾਨਦਾਰ ਅਤੇ ਵੱਡੇ ਕਾਰੋਬਾਰੀ ਵੀ QR ਕੋਡ ਰਾਹੀਂ ਭੁਗਤਾਨ ਸਵੀਕਾਰ ਕਰ ਰਹੇ ਹਨ। ਇਸ ਨਾਲ ਨਕਦੀ ਰੱਖਣ ਦੀ ਲੋੜ ਘਟੀ ਹੈ ਅਤੇ ਪੈਸਿਆਂ ਦੇ ਲੈਣ-ਦੇਣ ਦੀ ਪ੍ਰਕਿਰਿਆ ਪਹਿਲਾਂ ਨਾਲੋਂ ਆਸਾਨ ਹੋਈ ਹੈ।
UPI ਦੀ ਵਧਦੀ ਵਰਤੋਂ ਭਾਰਤ ਦੀ ਡਿਜੀਟਲ ਅਰਥਵਿਵਸਥਾ ਲਈ ਇਕ ਮਹੱਤਵਪੂਰਨ ਕਦਮ ਮੰਨੀ ਜਾ ਰਹੀ ਹੈ।
