ਨਵੀਂ ਦਿੱਲੀ, 9 ਨਵੰਬਰ - 'ਆਪ' ਦਿੱਲੀ ਦੇ ਪ੍ਰਧਾਨ ਸੌਰਭ ਭਾਰਦਵਾਜ ਨੇ ਕਿਹਾ, "ਸਰਕਾਰੀ ਅੰਕੜੇ ਧੋਖਾਧੜੀ 'ਤੇ ਅਧਾਰਤ ਹਨ। ਅਸੀਂ ਖ਼ੁਲਾਸਾ ਕੀਤਾ ਹੈ ਕਿ ਕਿਵੇਂ ਸਟੇਸ਼ਨ ਬੰਦ ਕੀਤੇ ਗਏ ਸਨ, ਦਿੱਲੀ ਵਿਚ ਦੂਰ-ਦੁਰਾਡੇ ਥਾਵਾਂ 'ਤੇ 20 ਏ.ਕਿਆਊ.ਆਈ. ਸਟੇਸ਼ਨ ਕਿਵੇਂ ਸਥਾਪਿਤ ਕੀਤੇ ਗਏ ਸਨ ਅਤੇ ਕਿਵੇਂ ਸਟੇਸ਼ਨਾਂ 'ਤੇ ਪਾਣੀ ਛਿੜਕਿਆ ਜਾ ਰਿਹਾ ਹੈ। ਇਸ ਲਈ, ਲੋਕ ਸਰਕਾਰੀ ਏ.ਕਿਆਊ.ਆਈ. 'ਤੇ ਭਰੋਸਾ ਨਹੀਂ ਕਰਦੇ; ਮੈਂ ਖ਼ੁਦ ਇਸ 'ਤੇ ਭਰੋਸਾ ਨਹੀਂ ਕਰਦਾ... ਕੱਲ੍ਹ ਰਾਤ, ਦਿੱਲੀ ਦੇ ਕਈ ਇਲਾਕਿਆਂ ਦਾ ਏ.ਕਿਆਊ.ਆਈ. 3000 ਤੋਂ ਵੱਧ ਸੀ... ਜੇਕਰ ਸਰਕਾਰ ਗਲਤ ਡੇਟਾ ਦਿਖਾਉਂਦੀ ਹੈ, ਤਾਂ ਜਾਨਾਂ ਨਾਲ ਖੇਡਿਆ ਜਾ ਰਿਹਾ ਹੈ। ਮੈਂ ਸਰਕਾਰ ਨੂੰ ਕਹਿਣਾ ਚਾਹੁੰਦਾ ਹਾਂ ਕਿ ਜੇਕਰ ਤੁਸੀਂ ਪਟਾਕੇ ਚਲਾ ਰਹੇ ਹੋ, ਤਾਂ ਇਹ ਕਰੋ, ਪਰ ਤੁਸੀਂ ਧੋਖਾਧੜੀ ਨਹੀਂ ਕਰ ਸਕਦੇ।"
