ਆਮ ਆਦਮੀ ਨੂੰ ਵੱਡੀ ਰਾਹਤ ਆਟਾ, ਪੀਜ਼ਾ ਬਰੈੱਡ ਜੀ.ਐਸ.ਟੀ. ਮੁਕਤ

• ਕਿਸਾਨਾਂ ਲਈ ਖੇਤੀ ਮਸ਼ੀਨਰੀ ਹੋਵੇਗੀ ਸਸਤੀ
• ਛੋਟੀਆਂ ਕਾਰਾਂ ਤੇ ਮੋਟਰਸਾਈਕਲ ਵੀ ਹੋਣਗੇ ਸਸਤੇ
• 12 ਤੇ 28 ਫ਼ੀਸਦੀ ਵਾਲੇ ਸਲੈਬ ਖ਼ਤਮ
• ਸਿਹਤ ਤੇ ਜੀਵਨ ਬੀਮਾ ਕਰ ਮੁਕਤ
• ਹੁਣ ਦੋ ਹੀ ਹੋਣਗੇ ਸਲੈਬ 5 ਤੇ 18 ਫ਼ੀਸਦੀ-ਵਿੱਤ ਮੰਤਰੀ
ਨਵੀਂ ਦਿੱਲੀ, 3 ਸਤੰਬਰ (ਪੀ.ਟੀ.ਆਈ.)-ਜੀ.ਐਸ.ਟੀ. ਕੌਂਸਲ ਨੇ ਬੁੱਧਵਾਰ ਨੂੰ ਕੀਤੀ ਬੈਠਕ 'ਚ 5 ਅਤੇ 18 ਪ੍ਰਤੀਸ਼ਤ ਦੇ ਸਿਰਫ ਦੋ ਟੈਕਸ ਸਲੈਬ ਰੱਖਣ ਨੂੰ ਮਨਜ਼ੂਰੀ ਦਿੱਤੀ, ਜੋ 22 ਸਤੰਬਰ ਤੋਂ ਦੇਸ਼ ਭਰ 'ਚ ਲਾਗੂ ਹੋਵੇਗਾ | 12 ਫ਼ੀਸਦੀ ਅਤੇ 28 ਫ਼ੀਸਦੀ ਵਾਲੇ ਸਲੈਬ ਖਤਮ ਕਰ ਦਿੱਤੇ ਗਏ ਹਨ | ਇਸ ਨਾਲ ਕਈ ਵਸਤੂਆਂ ਦੀਆਂ ਕੀਮਤਾਂ 'ਤੇ ਸਿੱਧਾ ਅਸਰ ਪਵੇਗਾ | ਮੰਨਿਆ ਜਾ ਰਿਹਾ ਹੈ ਕਿ ਇਸ ਬਦਲਾਅ ਨਾਲ ਜੀ ਐਸ ਟੀ ਪ੍ਰਣਾਲੀ ਹੋਰ ਵੀ ਸਰਲ ਹੋ ਜਾਵੇਗੀ ਅਤੇ ਆਮ ਜਨਤਾ ਨੂੰ ਇਸ ਦਾ ਲਾਭ ਮਿਲੇਗਾ | ਜੀ.ਐਸ.ਟੀ. ਪ੍ਰੀਸ਼ਦ ਵਲੋਂ ਗੁੰਝਲਦਾਰ ਵਸਤੂਆਂ ਅਤੇ ਸੇਵਾਵਾਂ ਟੈਕਸ (ਜੀ. ਐਸ. ਟੀ.) ਪ੍ਰਣਾਲੀ 'ਚ ਬਦਲਾਅ ਨੂੰ ਮਨਜ਼ੂਰੀ ਦਿੱਤੇ ਜਾਣ ਬਾਅਦ ਵਾਲਾਂ ਦੇ ਤੇਲ ਤੋਂ ਲੈ ਕੇ ਮੱਕੀ ਦੇ ਫਲੈਕਸ, ਟੀਵੀ ਅਤੇ ਨਿੱਜੀ ਸਿਹਤ ਅਤੇ ਜੀਵਨ ਬੀਮਾ ਪਾਲਿਸੀਆਂ ਤੱਕ ਦੀਆਂ ਆਮ ਵਰਤੋਂ ਵਾਲੀਆਂ ਵਸਤਾਂ 'ਤੇ ਜੀ.ਐਸ.ਟੀ. ਟੈਕਸ ਦਰਾਂ 'ਚ ਕਟੌਤੀ ਕੀਤੀ ਗਈ ਹੈ | ਜੀ.ਐਸ.ਟੀ. ਪ੍ਰੀਸ਼ਦ ਨੇ 22 ਸਤੰਬਰ, ਨਰਾਤਿਆਂ ਦੇ ਪਹਿਲੇ ਦਿਨ, ਤੋਂ ਲਾਗੂ ਹੋਣ ਵਾਲੇ ਸਲੈਬਾਂ ਨੂੰ 5 ਪ੍ਰਤੀਸ਼ਤ ਅਤੇ 18 ਪ੍ਰਤੀਸ਼ਤ ਤੱਕ ਸੀਮਤ ਕਰਕੇ ਦਰ ਸੁਧਾਰ ਨੂੰ ਮਨਜ਼ੂਰੀ ਦਿੱਤੀ | ਸਰਕਾਰ ਘਰੇਲੂ ਖਰਚ ਨੂੰ ਵਧਾਉਣ ਅਤੇ ਅਮਰੀਕੀ ਟੈਰਿਫ ਦੇ ਆਰਥਿਕ ਪ੍ਰਭਾਵ ਨੂੰ ਘਟਾਉਣ ਲਈ ਲਗਭਗ ਸਾਰੀਆਂ ਨਿੱਜੀ ਵਰਤੋਂ ਦੀਆਂ ਵਸਤਾਂ 'ਤੇ ਟੈਕਸ ਦਰਾਂ 'ਚ ਕਟÏਤੀ ਕਰੇਗੀ | ਜੀ.ਐਸ.ਟੀ. ਪ੍ਰੀਸ਼ਦ ਦੀ ਮੈਰਾਥਨ ਦਿਨ ਭਰ ਚੱਲੀ ਮੀਟਿੰਗ ਤੋਂ ਬਾਅਦ ਪੱਤਰਕਾਰਾਂ ਨੂੰ ਸੰਖੇਪ 'ਚ ਜਾਣਕਾਰੀ ਦਿੰਦੇ ਹੋਏ ਕੇਂਦਰੀ ਵਿੱਤ ਮੰਤਰੀ ਨਿਰਮਲਾ ਸੀਤਾਰਮਨ ਨੇ ਕਿਹਾ ਕਿ ਸਾਰੇ ਫ਼ੈਸਲੇ ਸਰਬਸੰਮਤੀ ਨਾਲ ਲਏ ਗਏ | ਕਿਸੇ ਵੀ ਰਾਜ ਵਲੋਂ ਕੋਈ ਅਸਹਿਮਤੀ ਨਹੀਂ ਪ੍ਰਗਟਾਈ ਗਈ | ਕਮੇਟੀ ਨੇ ਵਸਤੂਆਂ ਅਤੇ ਸੇਵਾਵਾਂ ਕਰ (ਜੀ. ਐਸ. ਟੀ.) ਨੂੰ ਮÏਜੂਦਾ ਚਾਰ ਸਲੈਬਾਂ (5, 12, 18 ਅਤੇ 28 ਪ੍ਰਤੀਸ਼ਤ) ਤੋਂ ਸਰਲ ਕਰਕੇ ਦੋ ਸਲੈਬਾਂ ਵਾਲੇ ਢਾਂਚੇ (5 ਅਤੇ 18 ਪ੍ਰਤੀਸ਼ਤ) 'ਚ ਬਦਲਣ ਨੂੰ ਮਨਜ਼ੂਰੀ ਦਿੱਤੀ | ਕੁਝ ਚੋਣਵੀਆਂ ਵਸਤੂਆਂ, ਜਿਵੇਂ ਕਿ ਮਹਿੰਗੀਆਂ ਕਾਰਾਂ, ਤੰਬਾਕੂ ਤੇ ਸਿਗਰਟਾਂ ਲਈ 40 ਪ੍ਰਤੀਸ਼ਤ ਦੀ ਇਕ ਵਿਸ਼ੇਸ਼ ਸਲੈਬ ਦਾ ਵੀ ਪ੍ਰਸਤਾਵ ਹੈ | ਉਨ੍ਹਾਂ ਕਿਹਾ ਕਿ ਗੁਟਕਾ, ਤੰਬਾਕੂ ਅਤੇ ਤੰਬਾਕੂ ਉਤਪਾਦਾਂ ਅਤੇ ਸਿਗਰਟਾਂ ਨੂੰ ਛੱਡ ਕੇ ਬਾਕੀ ਸਾਰੇ ਉਤਪਾਦਾਂ ਲਈ ਨਵੀਆਂ ਦਰਾਂ 22 ਸਤੰਬਰ (ਨਵਰਾਤਰੇ ਦੇ ਪਹਿਲੇ ਦਿਨ) ਤੋਂ ਲਾਗੂ ਹੋਣਗੀਆਂ | ਜਦੋਂ ਕਿ ਰੋਜ਼ਾਨਾ ਵਰਤੋਂ ਦੀਆਂ ਖਾਣ-ਪੀਣ ਵਾਲੀਆਂ ਚੀਜ਼ਾਂ 'ਤੇ ਜ਼ੀਰੋ ਟੈਕਸ ਦਰ ਜਾਰੀ ਰਹੇਗੀ, ਜਦਕਿ ਮੱਖਣ ਅਤੇ ਘਿਓ ਤੋਂ ਲੈ ਕੇ ਸੁੱਕੇ ਮੇਵੇ, ਸੰਘਣੇ ਦੁੱਧ, ਸÏਸੇਜ ਅਤੇ ਮੀਟ, ਖੰਡ 'ਚ ਉਬਾਲੀਆਂ ਮਠਿਆਈਆਂ, ਜੈਮ ਅਤੇ ਫਲਾਂ ਦੀ ਜੈਲੀ, ਨਾਰੀਅਲ ਪਾਣੀ, ਨਮਕੀਨ, 20 ਲੀਟਰ ਦੀਆਂ ਬੋਤਲਾਂ 'ਚ ਪੈਕ ਕੀਤੇ ਪੀਣ ਵਾਲੇ ਪਾਣੀ, ਫਲਾਂ ਦਾ ਗੁੱਦਾ ਜਾਂ ਫਲਾਂ ਦਾ ਜੂਸ, ਦੁੱਧ ਵਾਲੇ ਤਰਲ ਪਦਾਰਥ, ਆਈਸ ਕਰੀਮ, ਪੇਸਟਰੀ ਅਤੇ ਬਿਸਕੁਟ, ਕਾਰਨਫਲੈਕਸ ਅਤੇ ਅਨਾਜ ਅਤੇ ਚੀਨੀ ਮਠਿਆਈਆਂ 'ਤੇ ਟੈਕਸ ਦਰ ਮÏਜੂਦਾ 18 ਪ੍ਰਤੀਸ਼ਤ ਤੋਂ ਘਟਾ ਕੇ 5 ਪ੍ਰਤੀਸ਼ਤ ਹੋਣ ਦੀ ਸੰਭਾਵਨਾ ਹੈ | ਸਾਰੇ ਤਰ੍ਹਾਂ ਦੀਆਂ ਰੋਟੀਆਂ ਅਤੇ ਪਰੌਂਠੇ 'ਤੇ ਟੈਕਸ ਦੀ ਦਰ ਜ਼ੀਰੋ ਹੋਵੇਗੀ, ਜੋ ਕਿ ਮÏਜੂਦਾ ਸਮੇਂ 5 ਪ੍ਰਤੀਸ਼ਤ ਹੈ | ਉਪਭੋਗਤਾ ਵਸਤੂਆਂ ਜਿਵੇਂ ਕਿ ਟੂਥ ਪਾਊਡਰ, ਦੁੱਧ ਦੀਆਂ ਬੋਤਲਾਂ, ਟੇਬਲਵੇਅਰ, ਰਸੋਈ ਦਾ ਸਾਮਾਨ, ਛਤਰੀਆਂ, ਭਾਂਡੇ, ਸਾਈਕਲ, ਬਾਂਸ ਦੇ ਫਰਨੀਚਰ ਅਤੇ ਕੰਘੀਆਂ ਵਰਗੀਆਂ ਵਸਤੂਆਂ ਦੀ ਦਰ 12 ਪ੍ਰਤੀਸ਼ਤ ਤੋਂ ਘਟਾ ਕੇ 5 ਪ੍ਰਤੀਸ਼ਤ ਕੀਤੀ ਜਾਵੇਗੀ | ਸ਼ੈਂਪੂ, ਟੈਲਕਮ ਪਾਊਡਰ, ਟੁੱਥਪੇਸਟ, ਟੁੱਥਬਰੱਸ਼ (ਦੰਦਾਂ ਦਾ ਬਰੱਸ਼), ਫੇਸ ਪਾਊਡਰ, ਸਾਬਣ ਅਤੇ ਵਾਲਾਂ ਦੇ ਤੇਲ ਦੀਆਂ ਦਰਾਂ 18 ਪ੍ਰਤੀਸ਼ਤ ਤੋਂ ਘਟਾ ਕੇ 5 ਪ੍ਰਤੀਸ਼ਤ ਕਰ ਦਿੱਤੀਆਂ ਗਈਆਂ ਹਨ | ਸੀਤਾਰਮਨ ਨੇ ਕਿਹਾ ਕਿ ਕਵਰੇਜ ਵਧਾਉਣ ਲਈ ਸਾਰੇ ਨਿੱਜੀ ਜੀਵਨ ਅਤੇ ਸਿਹਤ ਪਾਲਿਸੀਆਂ 'ਤੇ ਹੁਣ ਕੋਈ ਕਰ ਨਹੀਂ ਲੱਗੇਗਾ | ਸੀਮੈਂਟ ਦੀ ਕੀਮਤ ਘਟੇਗੀ ਕਿਉਂਕਿ ਟੈਕਸ ਦਰ 28 ਪ੍ਰਤੀਸ਼ਤ ਤੋਂ ਘਟ ਕੇ 18 ਪ੍ਰਤੀਸ਼ਤ ਹੋ ਜਾਵੇਗੀ | 1,200 ਸੀਸੀ ਤੋਂ ਘੱਟ ਅਤੇ 4,000 ਮਿਲੀਮੀਟਰ ਤੋਂ ਘੱਟ ਲੰਬਾਈ ਵਾਲੇ ਪੈਟਰੋਲ, ਐਲ.ਪੀ.ਜੀ. ਅਤੇ ਸੀ.ਐਨ.ਜੀ. ਵਾਹਨ ਅਤੇ 1,500 ਸੀਸੀ ਅਤੇ 4,000 ਮਿਲੀਮੀਟਰ ਤੱਕ ਲੰਬਾਈ ਵਾਲੇ ਡੀਜ਼ਲ ਵਾਹਨ ਵੀ 28 ਪ੍ਰਤੀਸ਼ਤ ਤੋਂ ਘਟਾ ਕੇ 18 ਪ੍ਰਤੀਸ਼ਤ ਕਰ ਦਿੱਤੇ ਜਾਣਗੇ | ਵਿੱਤ ਮੰਤਰੀ ਨੇ ਕਿਹਾ ਕਿ ਪੈਟਰੋਲ ਲਈ 1,200 ਸੀਸੀ ਅਤੇ ਡੀਜ਼ਲ ਲਈ 1,500 ਸੀਸੀ ਤੋਂ ਵੱਡੀਆਂ ਸਾਰੀਆਂ ਕਾਰਾਂ 'ਤੇ 40 ਪ੍ਰਤੀਸ਼ਤ ਟੈਕਸ ਲਗਾਇਆ ਜਾਵੇਗਾ | 350 ਸੀਸੀ ਤੱਕ ਦੇ ਮੋਟਰਸਾਈਕਲ, ਏਅਰ-ਕੰਡੀਸ਼ਨਰ, ਡਿਸ਼ਵਾਸ਼ਰ ਅਤੇ ਟੀਵੀ ਵਰਗੇ ਉਪਭੋਗਤਾ ਇਲੈਕਟ੍ਰਾਨਿਕਸ 'ਤੇ ਵੀ ਮੌਜੂਦਾ ਸਮੇਂ ਦੇ 28 ਫ਼ੀਸਦੀ ਦੀ ਤੁਲਨਾ 'ਚ 18 ਪ੍ਰਤੀਸ਼ਤ ਦੀ ਘੱਟ ਦਰ ਨਾਲ ਜੀ. ਐਸ. ਟੀ. ਲੱਗੇਗਾ | 1,200 ਸੀਸੀ ਤੋਂ ਵੱਧ ਅਤੇ 4,000 ਮਿਲੀਮੀਟਰ ਤੋਂ ਵੱਧ ਲੰਬੀਆਂ ਸਾਰੀਆਂ ਆਟੋਮੋਬਾਈਲਜ਼ ਦੇ ਨਾਲ-ਨਾਲ 350 ਸੀਸੀ ਤੋਂ ਵੱਧ ਦੀਆਂ ਮੋਟਰਸਾਈਕਲਾਂ, ਨਿੱਜੀ ਵਰਤੋਂ ਲਈ ਯਾਟ (ਕਿਸ਼ਤੀਆਂ) ਅਤੇ ਹਵਾਈ ਜਹਾਜ਼ ਅਤੇ ਰੇਸਿੰਗ ਕਾਰਾਂ 'ਤੇ 40 ਪ੍ਰਤੀਸ਼ਤ ਟੈਕਸ ਲਗਾਇਆ ਜਾਵੇਗਾ | ਇਲੈਕਟ੍ਰਾਨਿਕਸ ਵਾਹਨਾਂ 'ਤੇ ਪਹਿਲਾਂ ਦੀ ਤਰਾਂ 5 ਪ੍ਰਤੀਸ਼ਤ ਜੀ.ਐਸ.ਟੀ. ਲਗਾਇਆ ਜਾਂਦਾ ਰਹੇਗਾ | ਮਾਲੀਆ ਸਕੱਤਰ ਅਰਵਿੰਦ ਸ਼੍ਰੀਵਾਸਤਵ ਨੇ ਪੱਤਰਕਾਰਾਂ ਨੂੰ ਦੱਸਿਆ ਕਿ ਦਰ ਨੂੰ ਤਰਕਸੰਗਤ ਬਣਾਉਣ ਦਾ ਵਿੱਤੀ ਪ੍ਰਭਾਵ 48,000 ਕਰੋੜ ਰੁਪਏ ਹੋਵੇਗਾ ਤੇ ਇਹ ਵਿੱਤੀ ਤÏਰ 'ਤੇ ਟਿਕਾਊ ਹੋਵੇਗਾ | ਜੀ.ਐਸ.ਟੀ. ਪ੍ਰੀਸ਼ਦ ਦੇ ਫ਼ੈਸਲੇ ਨਾਲ ਕੁੱਲ ਪ੍ਰੀਮੀਅਮ 'ਚ ਕਮੀ ਆਵੇਗੀ ਕਿਉਂਕਿ ਟੈਕਸ ਹਿੱਸਾ ਕਾਫ਼ੀ ਘੱਟ ਹੋ ਗਿਆ ਹੈ | ਸਰਕਾਰ ਨੇ ਵਿੱਤੀ ਸਾਲ '24 'ਚ ਸਿਹਤ ਸੰਭਾਲ ਅਤੇ ਜੀਵਨ ਬੀਮੇ 'ਤੇ ਲਗਾਏ ਗਏ ਵਸਤੂਆਂ ਅਤੇ ਸੇਵਾਵਾਂ ਟੈਕਸ (ਜੀ. ਐਸ. ਟੀ.) ਤੋਂ 16,398 ਕਰੋੜ ਰੁਪਏ ਇਕੱਠੇ ਕੀਤੇ ਹਨ | ਇਸ 'ਚੋਂ ਜੀਵਨ ਬੀਮੇ ਤੋਂ 8,135 ਕਰੋੜ ਰੁਪਏ ਅਤੇ ਸਿਹਤ ਬੀਮੇ ਤੋਂ 8,263 ਕਰੋੜ ਰੁਪਏ ਇਕੱਤਰ ਕੀਤੇ ਗਏ | ਇਸ ਤੋਂ ਇਲਾਵਾ, ਪਿਛਲੇ ਵਿੱਤੀ ਸਾਲ 'ਚ ਜੀਵਨ ਅਤੇ ਸਿਹਤ ਬੀਮੇ 'ਤੇ ਮੁੜ-ਬੀਮਾ ਤੋਂ 2,045 ਕਰੋੜ ਰੁਪਏ ਜੀ.ਐਸ.ਟੀ. ਵਜੋਂ ਇਕੱਠੇ ਕੀਤੇ ਗਏ ਸਨ, ਜਿਸ ਵਿਚ ਜੀਵਨ 'ਤੇ ਮੁੜ-ਬੀਮੇ ਤੋਂ 561 ਕਰੋੜ ਰੁਪਏ ਅਤੇ ਸਿਹਤ ਸੇਵਾ 'ਤੇ 1,484 ਕਰੋੜ ਰੁਪਏ ਸ਼ਾਮਿਲ ਹਨ | ਟੈਕਸ ਪ੍ਰਣਾਲੀ ਨੂੰ ਸਰਲ ਬਣਾਉਣ ਦਾ ਕਦਮ (ਜਿਸਦਾ ਐਲਾਨ ਪਹਿਲੀ ਵਾਰ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਆਪਣੇ ਸੁਤੰਤਰਤਾ ਦਿਵਸ ਭਾਸ਼ਨ 'ਚ ਕੀਤਾ ਸੀ) ਉਦੋਂ ਆਇਆ ਹੈ ਜਦੋਂ ਭਾਰਤ ਦੇ ਅਮਰੀਕਾ ਨੂੰ ਨਿਰਯਾਤ ਕਰਨ ਵਾਲੇ ਨਿਰਯਾਤਕ 50 ਪ੍ਰਤੀਸ਼ਤ ਟੈਰਿਫ (ਜੋ ਕਿ ਦੁਨੀਆ 'ਚ ਸਭ ਤੋਂ ਵੱਧ ਹੈ) ਦਾ ਸਾਹਮਣਾ ਕਰ ਰਹੇ ਹਨ | ਸੀਤਾਰਮਨ ਨੇ ਅੱਗੇ ਕਿਹਾ ਕਿ ਤੰਬਾਕੂ, ਗੁਟਕਾ, ਤੰਬਾਕੂ ਉਤਪਾਦਾਂ ਅਤੇ ਸਿਗਰਟਾਂ 'ਤੇ ਮÏਜੂਦਾ 28 ਪ੍ਰਤੀਸ਼ਤ ਦੀ ਦਰ ਨਾਲ ਮੁਆਵਜ਼ਾ ਸੈੱਸ ਲਗਾਇਆ ਜਾਂਦਾ ਰਹੇਗਾ ਜਦੋਂ ਤੱਕ ਰਾਜਾਂ ਨੂੰ ਮਾਲੀਆ ਘਾਟੇ ਦੀ ਭਰਪਾਈ ਲਈ ਲਏ ਗਏ ਕਰਜ਼ੇ ਦਾ ਪੂਰੀ ਤਰ੍ਹਾਂ ਭੁਗਤਾਨ ਨਹੀਂ ਕਰ ਦਿੱਤਾ ਜਾਂਦਾ |