ਕੀ 33 ਬੀ.ਐਲ.ਓਜ਼ ਦੀ ਮੌਤ ਮਨਜ਼ੂਰ ਹੈ-ਸਿੱਬਲ ਦਾ ਕੇਂਦਰ ਨੂੰ ਸਵਾਲ

ਅ

ਅਜੀਤ ਡੈਸਕ 30-12-2025

ਨਵੀਂ ਦਿੱਲੀ, 29 ਦਸੰਬਰ (ਉਪਮਾ ਡਾਗਾ ਪਾਰਥ)-ਰਾਜ ਸਭਾ ਸੰਸਦ ਮੈਂਬਰ ਕਪਿਲ ਸਿੱਬਲ ਨੇ ਦੇਸ਼ 'ਚ ਵੱਖ-ਵੱਖ ਰਾਜਾਂ 'ਚ ਯੂਥ ਲੇਵਲ ਆਫਿਸਰਾਂ (ਬੀ.ਐਲ.ਓ.) ਦੀ ਮੌਤ 'ਤੇ ਕੇਂਦਰ ਸਰਕਾਰ ਨੂੰ ਨਿਸ਼ਾਨੇ 'ਤੇ ਲਿਆ | ਸਿੱਬਲ ਨੇ ਦੇਸ਼ 'ਚ ਹਾਲੇ ਤੱਕ ਹੋਈਆਂ 33 ਬੀ.ਐਲ.ਓਜ਼ ਦੀਆਂ ਮੌਤਾਂ ਦਾ ਅੰਕੜਾ ਦੱਸਦਿਆਂ ਕਿਹਾ ਕਿ ਜੇਕਰ 33 ਬੀ.ਐਲ.ਓ. ਮਰ ਜਾਂਦੇ ਹਨ, ਕੀ ਇਹ ਸਹੀ ਹੈ? ਸਿੱਬਲ ਨੇ ਸੋਸ਼ਲ ਮੀਡੀਆ ਮੰਚ ਐਕਸ 'ਤੇ ਪਾਏ ਸੰਦੇਸ਼ 'ਚ ਵਿਸ਼ੇਸ਼ ਵਿਆਪਕ ਮੁੜ ਨਿਰੀਖਣ (ਐਸ.ਆਈ.ਆਰ.) ਕਵਾਇਦ 'ਤੇ ਸਵਾਲ ਚੁੱਕਦਿਆਂ ਕਿਹਾ ਕਿ ਐਸ.ਆਈ.ਆਰ. ਬੰਗਾਲ 'ਚ ਇਕ ਹੋਰ ਬੀ.ਐਲ.ਓ. ਵਲੋਂ ਖੁਦਕੁਸ਼ੀ | ਪੂਰੇ ਦੇਸ਼ 'ਚ ਹੁਣ ਤੱਕ ਕੁੱਲ 33 ਮੌਤਾਂ | ਉਨ੍ਹਾਂ ਕਿਹਾ ਕਿ ਜੇਕਰ ਇਕ ਕਥਿਤ ਘੁਸਪੈਠੀਆ ਮਨਜ਼ੂਰ ਨਹੀਂ, ਤਾਂ ਕੀ 33 ਬੀ.ਐਲ.ਓਜ਼ ਦੀ ਮੌਤ ਮਨਜ਼ੂਰ ਹੈ? ਸਿੱਬਲ ਦਾ ਇਹ ਸੰਦੇਸ਼ ਪੱਛਮੀ ਬੰਗਾਲ ਦੇ ਬਾਂਕੁੜਾ ਜ਼ਿਲ੍ਹੇ 'ਚ ਬੀ.ਐਲ.ਓ. ਵਲੋਂ 28 ਦਸੰਬਰ ਨੂੰ ਕੀਤੀ ਖੁਦਕੁਸ਼ੀ ਦੇ ਪਿਛੋਕੜ 'ਚ ਆਇਆ | ਪੁਲਿਸ ਵਲੋਂ ਮੌਕੇ 'ਤੇ ਮਿਲੇ ਖੁਦਕੁਸ਼ੀ ਨੋਟ 'ਚ ਐਸ. ਆਈ. ਆਰ. ਦੇ ਕੰਮ ਦੇ ਦਬਾਅ ਦਾ ਜ਼ਿਕਰ ਹੈ |