ਹੁਸ਼ਿਆਰਪੁਰ, 3 ਜੂਨ (ਨਰਿੰਦਰ ਸਿੰਘ ਬੱਡਲਾ)-ਵਿਸ਼ਵ ਸਾਈਕਲ ਦਿਵਸ ਮੌਕੇ ਹੁਸ਼ਿਆਰਪੁਰ ਸਾਈਕਲਿਸਟਸ ਵਲੋਂ ਇੰਟਰਨੈਸ਼ਨਲ ਸਾਈਕਲਿਸਟ ਬਲਰਾਜ ਸਿੰਘ ਚੌਹਾਨ ਅੰਬੈਸਡਰ ਸਵੱਛ ਭਾਰਤ ਮਿਸ਼ਨ ਮਿਊਾਸੀਪਲ ਕਾਰਪੋਰੇਸ਼ਨ ਹੁਸ਼ਿਆਰਪੁਰ ਦੀ ਅਗਵਾਈ 'ਚ ਲੋਕਾਂ ਨੂੰ ਸਿਹਤ ਪ੍ਰਤੀ ਜਾਗਰੂਕ ਕਰਨ ਲਈ ਸ਼ਹਿਰ 'ਚ ਸਾਈਕਲ ਰੈਲੀ ਕੱਢੀ ਗਈ | ਇਸ ਮੌਕੇ ਚੌਹਾਨ ਨੇ ਸੰਬੋਧਨ ਕਰਦਿਆਂ ਨਸ਼ਿਆਂ ਤੋਂ ਦੂਰ ਰਹਿ ਕੇ ਸਾਰਿਆਂ ਨੂੰ ਆਪਣੀ ਸਿਹਤ ਨੂੰ ਤੰਦਰੁਸਤ ਰੱਖਣ ਲਈ ਰੋਜ਼ਾਨਾ 1 ਘੰਟਾ ਸਾਈਕਲਿੰਗ ਕਰਨ ਲਈ ਕਿਹਾ | ਉਨ੍ਹਾਂ ਕੇਂਦਰ ਤੇ ਪੰਜਾਬ ਸਰਕਾਰ ਨੂੰ ਵਿਦੇਸ਼ੀ ਤਰਜ਼ 'ਤੇ ਹਾਈਵੇਅ 'ਤੇ ਸਾਈਕਲ ਲਈ ਵੱਖਰੀ ਲੇਨ ਬਣਾਉਣ ਦੀ ਅਪੀਲ ਵੀ ਕੀਤੀ | ਇਸ ਮੌਕੇ ਸਾਈਕਲਿਸਟ ਮੁਨੀਰ ਨਜਰ ਤੇ ਦੌੜਾਕ ਯੋਗੇਸ਼ ਚੰਦਰ ਨੇ ਕਿਹਾ ਕਿ ਬਲਰਾਜ ਚੌਹਾਨ ਨੇ ਸਾਈਕਲਿੰਗ ਦੇ ਖੇਤਰ 'ਚ ਹੁਸ਼ਿਆਰਪੁਰ ਦਾ ਨਾਂਅ ਦੇਸ਼-ਵਿਦੇਸ਼ 'ਚ ਚਮਕਾਇਆ ਹੈ | ਇਸ ਮੌਕੇ ਰਮਨ ਵਰਮਾ, ਹਰਪ੍ਰੀਤ ਬੱਗਾ, ਵਿਸ਼ਾਲ ਪ੍ਰਾਸ਼ਰ, ਗੁਰਜੀਤ ਸਿੰਘ ਵਧਾਵਨ, ਡਾ: ਸੰਜੈ ਅਨੰਦ, ਰਮੇਸ਼ ਕੁਮਾਰ, ਅਸ਼ੋਕ ਕੁਮਾਰ, ਧੈਰਿਆ ਪੁਰੀ, ਭਵੇਸ਼ ਕੁਮਾਰ, ਅਧਿਆਪਕ ਰਾਜੀਵ ਜੈਨ, ਪੰਕਜ ਨੰਦਾ, ਸੁਖਰਾਜ ਸਿੰਘ ਚੌਹਾਨ, ਕਮਲੇਸ਼ ਕੁਮਾਰ, ਰਾਜੂ ਸਿੰਘ, ਕੁਲਜੀਤ ਧਾਮੀ, ਸੰਜੀਵ ਕੁਮਾਰ, ਰਣਜੀਤ, ਡਾ. ਸੁਰਿੰਦਰ ਕੁਮਾਰ, ਵਿੱਕੀ ਸ਼ਰਮਾ, ਪ੍ਰੇਮ ਨਾਥ ਆਦਿ ਹਾਜ਼ਰ ਸਨ |