22-11-2026
ਅੱਖਰ:
Ad Position 18 No active advertisement
ਵਿਚਾਰ ਪ੍ਰਵਾਹ
ਪ੍ਰਕਾਸ਼ਿਤ: 19-12-2025

ਸੋਨਾਲੀਕਾ ਵਲੋਂ 'ਵਿਟਰ ਕੇਅਰ ਡਰਾਈਵ' ਤਹਿਤ 10 ਹਜ਼ਾਰ ਵਿਦਿਆਰਥੀਆਂ ਨੂੰ ਦਿੱਤੇ ਜਾਣਗੇ ਗਰਮ ਕੱਪੜੇ

Ad Position 21
No active advertisement
ਸੋਨਾਲੀਕਾ ਵਿੰਟਰ ਕੇਅਰ ਡਰਾਈਵ ਪ੍ਰੋਜੈਕਟ ਸੰਬੰਧੀ ਜਾਣਕਾਰੀ ਦਿੰਦੇ ਹੋਏ ਵਾਇਸ ਪੈ੍ਰਜ਼ੀਡੈਂਟ ਅਤੁੱਲ ਸ਼ਰਮਾ, ਨੀਰਜ ਮਨੋਚਾ, ਯਾਦਵਿੰਦਰ ਸਿੰਘ , ਸੰਗੀਤਾ ਹਾਂਡਾ | ਤਸਵੀਰ : ਹਮਸ਼ਾਇਨ ਸਟੂਡੀਓ <br/> 19-12-2025
ਹੁਸ਼ਿਆਰਪੁਰ, 18 ਦਸੰਬਰ (ਬਲਜਿੰਦਰਪਾਲ ਸਿੰਘ)-ਸੋਨਾਲੀਕਾ ਉਦਯੋਗ ਸਮੂਹ ਨੇ ਆਪਣੇ ਸੀ.ਐੱਸ.ਆਰ. ਪ੍ਰੋਜੈਕਟਸ ਦੀ ਲੜੀ 'ਚ ਇਕ ਹੋਰ ਮਹੱਤਵਪੂਰਨ ਕਦਮ ਚੱੁਕਦਿਆਂ ਕਾਰਪੋਰੇਟ ਸਮਾਜਿਕ ਜ਼ਿੰਮੇਵਾਰੀ ਦੇ ਅਧੀਨ ਸੋਨਾਲੀਕਾ ਗਰੁੱਪ ਵੱਲੋਂ ਇਸ ਸਰਦੀ ਦੇ ਮੌਸਮ ਦੀ ਸ਼ੁਰੂਆਤ ਵਿਚ ਹੀ ਸੋਨਾਲੀਕਾ 'ਵਿੰਟਰ ਕੇਅਰ ਡਰਾਈਵ' ਦੇ ਨਾਂ ਵਾਲੇ ਨਵੇਂ ਪ੍ਰੈਜੋਕਟ ਦੀ ਸ਼ੁਰੂਆਤ ਕੀਤੀ ਜਾ ਰਹੀ ਹੈ, ਜਿਸਦਾ ਉਦੇਸ਼ ਹੁਸ਼ਿਆਰਪੁਰ ਦੇ ਸਰਕਾਰੀ ਸਕੂਲਾਂ ਵਿਚ ਵਿੱਦਿਅਕ ਸਹੂਲਤਾਂ ਨੂੰ ਉਤਸ਼ਾਹਿਤ ਕਰਦੇ ਹੋਏ ਜ਼ਰੂਰਤਮੰਦ ਬੱਚਿਆਂ ਨੂੰ ਗਰਮ ਕੱਪੜੇ ਦੇਣਾ ਹੈ | ਇਸ ਪੋ੍ਰਜੈਕਟ ਦੇ ਤਹਿਤ ਸੋਨਾਲੀਕਾ ਵੱਲੋਂ ਹੁਸ਼ਿਆਰਪੁਰ ਦੇ ਸਰਕਾਰੀ ਸਕੂਲਾਂ ਦੇ ਕਰੀਬ 10 ਹਜ਼ਾਰ ਬੱਚਿਆਂ ਨੂੰ ਇਨਰ ਵੀਅਰ ਵਾਰਮਰਸ, ਬੂਟ, ਜੁਰਾਬਾਂ ਅਤੇ ਗਰਮ ਟੋਪੀਆਂ ਦਿੱਤੇ ਜਾਣ ਦੀ ਯੋਜਨਾ ਹੈ | ਸੋਨਾਲੀਕਾ ਸਮੂਹ ਦੇ ਵਾਇਸ ਚੇਅਰਮੈਨ ਅੰਮਿ੍ਤ ਸਾਗਰ ਮਿੱਤਲ ਦੇ ਮਾਰਗ ਦਰਸ਼ਨ 'ਚ ਸ਼ੁਰੂ ਕੀਤੇ ਜਾ ਰਹੇ ਇਹ ਪ੍ਰੋਜੈਕਟ ਕੜਾਕੇ ਦੀ ਸਰਦੀ ਵਿਚ ਬੱਚਿਆਂ ਲਈ ਬਹੁਤ ਫ਼ਾਇਦੇਮੰਦ ਹੋਵੇਗਾ ਅਤੇ ਜ਼ਰੂਰਤਮੰਦ ਬੱਚਿਆਂ ਨੂੰ ਗਰਮ ਕੱਪੜੇ ਮੁਹੱਈਆ ਹੋਣਗੇ | ਅੰਮਿ੍ਤ ਸਾਗਰ ਮਿੱਤਲ ਦੀ ਧਰਮ ਪਤਨੀ ਸੰਗੀਤਾ ਮਿੱਤਲ ਜੋ ਇਕ ਪ੍ਰਸਿੱਧ ਅਧਿਆਤਮਿਕ ਮਾਰਗ ਦਰਸ਼ਕ ਅਤੇ ਸਮਾਜ ਸੇਵੀ ਹਨ, ਇਸ ਪੋ੍ਰਜੈਕਟ ਦੀ ਬਰਾਂਡ ਅੰਬੈਸਡਰ ਹੋਣਗੇ | ਉਨ੍ਹਾਂ ਕਿਹਾ ਕਿ ਸਰਕਾਰੀ ਸਕੂਲਾਂ 'ਚ ਜਾਣ ਵਾਲੇ ਬੱਚਿਆਂ ਲਈ ਸਰਦੀ ਦੇ ਮੌਸਮ 'ਚ ਗਰਮ ਕੱਪੜਿਆਂ ਅਤੇ ਹੋਰ ਜ਼ਰੂਰੀ ਸਮਾਨ ਦੀ ਬੇਹੱਦ ਜ਼ਰੂਰਤ ਹੁੰਦੀ ਹੈ, ਜਿਸਦੇ ਚੱਲਦਿਆਂ ਇਹ ਪੋ੍ਰਜੈਕਟ ਸ਼ੁਰੂ ਕੀਤਾ ਗਿਆ ਹੈ | ਉਨ੍ਹਾਂ ਦੱਸਿਆ ਕਿ ਪ੍ਰੋਜੈਕਟ ਦੇ ਪਹਿਲੇ ਚਰਨ 'ਚ ਹੁਸ਼ਿਆਰਪੁਰ ਦੇ ਸ਼ਹਿਰੀ ਅਤੇ ਆਸ ਪਾਸ ਦੇ ਪਿੰਡਾਂ ਦੇ ਸਰਕਾਰੀ ਸਕੂਲਾਂ ਦੇ ਬੱਚਿਆਂ ਨੂੰ ਇਹ ਸਮਾਨ ਦਿੱਤਾ ਜਾਵੇਗਾ ਅਤੇ ਆਉਣ ਵਾਲੇ ਸਮੇਂ 'ਚ ਇਹ ਪੋ੍ਰਜੈਕਟ 'ਚ ਹੋਰ ਵਾਧਾ ਕੀਤਾ ਜਾਵੇਗਾ | ਪੋ੍ਰਜੈਕਟ ਦੇ ਆਈ.ਟੀ. ਅਧਿਕਾਰੀ ਵਾਇਸ ਪੈ੍ਰਜ਼ੀਡੈਂਟ ਅਤੁੱਲ ਸ਼ਰਮਾ, ਜਰਨੈਲ ਰਾਣਾ ਅਤੇ ਸੀ.ਐਸ.ਆਰ. ਵਿਭਾਗ ਦੇ ਅਧਿਕਾਰੀ ਰਜਨੀਸ਼ ਸੰਦਲ, ਸੰਗੀਤਾ ਹਾਂਡਾ, ਨੀਰਜ ਮਨੋਚਾ, ਯਾਦਵਿੰਦਰ ਸਿੰਘ ਵੱਲੋਂ ਇਸ ਪ੍ਰੋਜੈਕਟ 'ਚ ਵਿਸ਼ੇਸ਼ ਯੋਗਦਾਨ ਪਾਇਆ ਜਾ ਰਿਹਾ ਹੈ | ਪ੍ਰੋਜੈਕਟ ਦੀ ਟੀਮ ਮੈਂਬਰਾਂ ਨੇ ਦੱਸਿਆ ਕਿ ਇਸ ਤੋਂ ਪਹਿਲਾਂ ਗਰਮੀਆਂ ਦੇ ਮੌਸਮ 'ਚ ਸਕੂਲੀ ਬੱਚਿਆਂ ਲਈ ਸੋਨਾਲੀਕਾ ਗਰੁੱਪ ਵੱਲੋਂ ਵੱਖ-ਵੱਖ ਪ੍ਰੋਜੈਕਟ ਚਲਾਏ ਗਏ ਸਨ | ਉਨ੍ਹਾਂ ਕਿਹਾ ਕਿ ਸਿੱਖਿਆ ਦਾ ਖੇਤਰ ਹੋਵੇ ਜਾਂ ਕੋਈ ਸਮਾਜਿਕ ਕੰਮ ਸੋਨਾਲੀਕਾ ਨੇ ਹਮੇਸ਼ਾ ਅੱਗੇ ਹੋ ਕੇ ਆਪਣੀ ਅਹਿਮ ਭੂਮਿਕਾ ਨਿਭਾਈ ਹੈ | ਉਨ੍ਹਾਂ ਦੱਸਿਆ ਕਿ ਸਥਾਨਕ ਸਰਕਾਰੀ ਕੰਨਿਆ ਸੀਨੀਅਰ ਸੈਕੰਡਰੀ ਸਕੂਲ ਰੇਲਵੇ ਮੰਡੀ 'ਚ 19 ਦਸੰਬਰ ਨੂੰ 'ਵਿੰਟਰ ਕੇਅਰ ਡਰਾਈਵ' ਦੀ ਸ਼ੁਰੂਆਤ ਕੀਤੀ ਜਾ ਰਹੀ ਹੈ, ਜਿਸ ਵਿਚ ਬੱਚਿਆਂ ਨੂੰ ਜ਼ਰੂਰਤ ਦਾ ਸਮਾਨ ਦਿੱਤਾ ਜਾਵੇਗਾ | ਉਨ੍ਹਾਂ ਦੱਸਿਆ ਕਿ ਇਸ ਤੋਂ ਸੋਨਾਲੀਕਾ ਦੀਆਂ ਵੱਖ-ਵੱਖ ਟੀਮਾਂ ਹੋਰਨਾਂ ਸਕੂਲਾਂ 'ਚ ਜਾ ਕੇ ਵਿੰਟਰ ਕੇਅਰ ਕਿਟਸ ਵੰਡਣਗੇ |
Ad Position 22
No active advertisement
ਪਿਛਲੀ ਖ਼ਬਰ ਚਾਰ ਗੱਡੀਆਂ ਦੀਆਂ ਬੈਟਰੀਆਂ ਚੋਰੀ ਅਗਲੀ ਖ਼ਬਰ ਆਮ ਆਦਮੀ ਪਾਰਟੀ ਦੀਆਂ ਨੀਤੀਆਂ, ਵਿਕਾਸ ਮੁਖੀ ਸੋਚ ਅਤੇ ਲੋਕ-ਹਿਤੈਸ਼ੀ ਫ਼ੈਸਲਿਆਂ 'ਤੇ ਲੋਕਾਂ ਨੇ ਪੂਰਾ ਭਰੋਸਾ ਜਤਾਇਆ -...
Ad Position 24