ਮੁਕੰਦਪੁਰ, 2 ਜੂਨ (ਅਮਰੀਕ ਸਿੰਘ ਢੀਂਡਸਾ)-ਸਾਧੂ ਸਿੰਘ ਸ਼ੇਰਗਿੱਲ ਅਕੈਡਮੀ ਅਤੇ ਮੈਪਲ ਬਿਅਰ ਕੈਨੇਡੀਅਨ ਸਕੂਲ ਮੁਕੰਦਪੁਰ ਵਿਖੇ ਸੱਤ ਰੋਜ਼ਾ ਸਮਰ ਕੈਂਪ ਦੀ ਸ਼ੁਰੂਆਤ ਵਿਦਿਆਰਥੀਆਂ ਅਤੇ ਸਮੂਹ ਸਟਾਫ਼ ਦੁਆਰਾ ਬੜੇ ਹੀ ਉਤਸ਼ਾਹ ਸਹਿਤ ਕੀਤੀ ਗਈ | ਸਕੂਲ ਪਿ੍ੰਸੀਪਲ ਸ. ਭੁਪਿੰਦਰ ਸਿੰਘ ਨੇ ਜਾਣਕਾਰੀ ਦਿੰਦੇ ਹੋਏ ਦੱਸਿਆ ਕਿ ਸਮਰ ਕੈਂਪ ਤਹਿਤ ਫੁੱਟਬਾਲ, ਬਾਸਕਿਟ ਬਾਲ, ਬੈਡਮਿੰਟਨ, ਟੇਬਲ ਟੈਨਿਸ, ਚੈੱਸ, ਕਬੱਡੀ, ਵਾਲੀਬਾਲ, ਯੋਗਾ, ਸੈਲਫ਼ ਡਿਫੈਂਸ, ਆਰਟ ਅਤੇ ਕਰਾਫਟ, ਪਬਲਿਕ ਸਪੀਕਿੰਗ, ਡਿਬੇਟ, ਕਿ੍ਏਟਿਵ ਰਾਈਟਿੰਗ, ਫਸਟ ਏਡ ਵਰਕਸ਼ਾਪ, ਰੋਬੋਟਿਕ ਤੇ ਕੋਡਿੰਗ, ਕੁਕਿੰਗ ਕਲਾਸਾਂ, ਡਰਾਮਾਂ ਤੇ ਸਕਿੱਟ, ਸੰਗੀਤ, ਸਾਇੰਸ ਤੇ ਮੈਥ ਐਕਟੀਵਿਟੀ ਅਤੇ ਮਾਈਾਡ ਗੇਮਜ਼ ਦੇ ਰਾਹੀਂ ਵਿਦਆਰਥੀਆਂ ਨੂੰ ਆਪਣੀ ਕਲਾ ਨੂੰ ਨਿਖਾਰਨ ਦੇ ਭਰਪੂਰ ਮੌਕੇ ਮਿਲਣਗੇ | ਵਿਦਿਆਰਥੀਆਂ ਵਿੱਚ ਸਮਰ ਕੈਂਪ ਦੀ ਸ਼ੁਰੂਆਤ ਮੌਕੇ ਹੀ ਭਾਰੀ ਉਤਸ਼ਾਹ ਦੇਖਣ ਨੂੰ ਮਿਲਿਆ ਇਸ ਸਮੇਂ ਵਿਦਿਆਰਥੀ ਅਤੇ ਸਮੂਹ ਸਟਾਫ਼ ਹਾਜ਼ਰ ਸੀ |
