ਉੜਾਪੜ/ਲਸਾੜਾ, 3 ਜੂਨ (ਲਖਵੀਰ ਸਿੰਘ ਖੁਰਦ)-ਬਲਾਕ ਸੰਮਤੀ ਦੇ ਮੈਂਬਰ ਜਗਦੀਸ਼ ਸਿੰਘ ਬੁਰਜ ਨੇ ਇੱਥੇ ਗੱਲਬਾਤ ਕਰਦਿਆਂ ਦੱਸਿਆ ਕਿ ਜਿਹੜੇ ਕਿਸਾਨਾਂ ਨੇ ਝੋਨਾ ਛੱਡ ਕਮਾਦ ਬੀਜਣ ਨੂੰ ਤਰਜੀਹ ਦਿੱਤੀ | ਉਹਨਾਂ ਨੂੰ ਵੀ ਡਾਇਆ ਖਾਦ ਦੀ ਭਾਰੀ ਕਿੱਲਤ ਆ ਰਹੀ ਹੈ | ਉਨ੍ਹਾਂ ਦੱਸਿਆ ਕਿ ਝੋਨੇ ਦੀ ਬਿਜਾਈ ਵੀ ਸ਼ੁਰੂ ਹੋਣ ਵਾਲੀ ਹੈ | ਬਹੁਤੇ ਕਿਸਾਨ ਝੋਨੇ ਦੀ ਲਵਾਈ ਸਮੇਂ ਹੀ ਡਾਇਆ ਖਾਦ ਦੀ ਵਰਤੋਂ ਕਰਦੇ ਹਨ | ਪਰ ਸਰਕਾਰ ਦਾ ਸਹਿਕਾਰਤਾ ਵਿਭਾਗ ਇਸ ਪੱਖੋਂ ਅਵੇਸਲਾ ਨਜ਼ਰ ਆ ਰਿਹਾ ਹੈ | ਉਹਨਾਂ ਸਰਕਾਰ ਤੋਂ ਮੰਗ ਕੀਤੀ ਕਿ ਕਿਸਾਨਾਂ ਦੀ ਇਸ ਸਮੱਸਿਆ ਦਾ ਤੁਰੰਤ ਕੋਈ ਹੱਲ ਕੀਤਾ ਜਾਵੇ | ਸਹਿਕਾਰੀ ਸਭਾ ਚੱਕਦਾਨਾ, ਫਾਂਬੜਾ ਦੇ ਸਕੱਤਰਾਂ ਨਾਲ ਗੱਲਬਾਤ ਕਰਨ 'ਤੇ ਉਹਨਾਂ ਦੱਸਿਆ ਕਿ ਸਾਰੀਆਂ ਸਹਿਕਾਰੀ ਸਭਾਵਾਂ ਵਲੋਂ ਆਪਣੇ ਮਹਿਕਮੇ ਨੂੰ ਆਪਣੀ ਡਿਮਾਂਡ ਲਿੱਖ ਕੇ ਭੇਜੀ ਹੋਈ ਹੈ | ਇਹ ਹੁਣ ਸਰਕਾਰ ਦਾ ਕੰਮ ਹੈ ਕਿ ਉਹਨਾਂ ਕਦੋਂ ਖਾਦ ਉਲਬੱਧ ਕਰਾਉਣੀ ਹੈ |