ਰੱਤੇਵਾਲ, 3 ਜੂਨ (ਅਸ਼ੋਕ ਕੁਮਾਰ ਲੀਲ)-ਬਾਬਾ ਗਰੀਬ ਦਾਸ ਅਤੇ ਸਤਿਗੁਰ ਗੰਗਾ ਨੰਦ ਭੂਰੀ ਵਾਲਿਆਂ ਦੇ ਅਵਤਾਰ ਦਿਵਸ ਨੂੰ ਸਮਰਪਿਤ ਰੈਣ ਸਬਾਈ ਕੀਰਤਨ ਦਰਬਾਰ ਗੁਰੂ ਕੀ ਨਗਰੀ ਧਾਮ ਰੱਤੇਵਾਲ ਵਿਖੇ 10 ਜੂਨ ਨੂੰ ਸ਼ਰਧਾ ਨਾਲ ਜਨਮ ਸਥਾਨ ਨੇੜੇ ਸ਼ਿਵ ਮੰਦਰ ਰੱਤੇਵਾਲ ਵਿਖੇ ਪਰਮ ਸੰਤ ਜੋਗੀ ਰਾਜ ਸੁਆਮੀ ਸ਼ੰਕਰਾ ਨੰਦ ਭੂਰੀ ਵਾਲਿਆਂ ਦੀ ਰਹਿਨੁਮਾਈ ਹੇਠ ਮਨਾਇਆ ਜਾ ਰਿਹਾ ਹੈ | ਜਿਸ ਸਬੰਧੀ ਜਾਣਕਾਰੀ ਦਿੰਦੇ ਹੋਏ ਪ੍ਰਬੰਧਕਾਂ ਨੇ ਦੱਸਿਆ ਕਿ ਇਸ ਸਮੇਂ ਸਵਾਮੀ ਸ਼ੰਕਰਾ ਨੰਦ ਭੂਰੀ ਵਾਲੇ ਆਪਣੇ ਪ੍ਰਵਚਨਾਂ ਨਾਲ ਸੰਗਤਾਂ ਨੂੰ ਨਿਹਾਲ ਕਰਨਗੇ | ਰੈਣ ਸਬਾਈ ਕੀਰਤਨ ਦਰਬਾਰ ਦਾ ਸਮਾਂ ਸ਼ਾਮੀ ਚਾਰ ਵਜੇ ਤੋਂ ਰਾਤ ਇੱਕ ਵਜੇ ਤੱਕ ਦਾ ਹੋਵੇਗਾ |