ਨਵਾਂਸ਼ਹਿਰ ਪੁਲਿਸ ਵਲੋਂ ਨਸ਼ਾ ਕਰਦਾ ਕਾਬੂ
ਅਜੀਤ ਡੈਸਕ
02-09-2025
ਹੈਰੋਇਨ ਸਮੇਤ ਕਾਬੂ
ਨਵਾਂਸ਼ਹਿਰ-ਏ. ਐਸ. ਆਈ. ਨਿਰਮਲ ਸਿੰਘ ਅਨੁਸਾਰ ਉਹ ਥਾਣਾ ਤੋਂ ਪਿੰਡ ਬੁਰਜ ਟਹਿਲ ਦਾਸ ਤੋਂ ਹੁੰਦੇ ਹੋਏ ਮੇਨ ਜੀ. ਟੀ. ਰੋਡ ਵੱਲ ਨੂੰ ਜਾ ਰਹੇ ਸੀ ਤਾਂ ਜਦੋਂ ਪੁਲਿਸ ਪਾਰਟੀ ਗੰਦੇ ਪਾਣੀ ਵਾਲੀ ਡਰੇਨ ਪੁਲ ਪਿੰਡ ਉੜਾਪੜ ਤੋਂ 50 ਗਜ਼ ਪਿੱਛੇ ਸੀ ਤਾਂ ਗੰਦੇ ਪਾਣੀ ਵਾਲੀ ਡਰੇਨ ਦੇ ਨਾਲ-ਨਾਲ ਆਉਦੇ ਕੱਚੇ ਰਸਤੇ ਪਿੰਡ ਗੜੁਪੜ ਸਾਈਡ ਵਲੋਂ ਇਕ ਨੌਜਵਾਨ ਆਉਂਦਾ ਦਿਖਾਈ ਦਿੱਤਾ, ਜਿਸ ਨੇ ਸਾਹਮਣੇ ਤੋਂ ਆਉਂਦੀ ਪੁਲਿਸ ਪਾਰਟੀ ਦੀ ਸਰਕਾਰੀ ਗੱਡੀ ਦੇਖ ਕੇ ਘਬਰਾ ਕੇ ਆਪਣੇ ਹੱਥ 'ਚ ਫੜ੍ਹੀ ਕੋਈ ਚੀਜ਼ ਝਾੜੀਆਂ ਵਿਚ ਸੁੱਟ ਦਿੱਤੀ, ਜਿਸ ਨੇ ਆਪਣਾ ਨਾਂਅ ਅਮਨਦੀਪ ਸਿੰਘ ਉਰਫ਼ ਡੋਨ ਪੁੱਤਰ ਬਲਵੀਰ ਸਿੰਘ ਵਾਸੀ ਮੀਰਪੁਰ ਲੱਖਾ ਥਾਣਾ ਔੜ, ਜ਼ਿਲ੍ਹਾ ਸ਼. ਭ. ਸ. ਨਗਰ ਦੱਸਿਆ | ਅਮਨਦੀਪ ਸਿੰਘ ਉਰਫ਼ ਡੋਨ ਉਕਤ ਨੂੰ ਉਸ ਵਲੋਂ ਸੁੱਟੀ ਚੀਜ਼ ਬਾਰੇ ਪੁੱਛਿਆ ਜਿਸ ਨੇ ਦੱਸਿਆ ਕਿ ਮੈਂ ਹੈਰੋਇਨ ਪੀਣ ਦਾ ਆਦੀ ਹਾਂ ਇਸ ਸੁੱਟੀ ਹੋਈ ਲਿਫਾਫੀ ਵਿਚ ਹੈਰੋਇਨ ਹੈ | ਪਾਰਦਰਸ਼ੀ ਲਿਫਾਫੀ 'ਚੋਂ 6.30 ਗ੍ਰਾਮ ਹੈਰੋਇਨ ਬਰਾਮਦ ਹੋਈ |
ਨਾਜਾਇਜ਼ ਸ਼ਰਾਬ ਫੜੀ
ਨਵਾਂਸ਼ਹਿਰ-ਏ. ਐਸ. ਆਈ. ਰਘਵੀਰ ਸਿੰਘ ਅਨੁਸਾਰ ਉਹ ਪਿੰਡ ਥਾਂਦੀਆਂ, ਖਮਾਚੋਂ ਤੋਂ ਹੁੰਦੇ ਪੱਲੀ-ਝਿੱਕੀ ਵੱਲ ਨੂੰ ਜਾ ਰਹੇ ਸੀ, ਪਿੰਡ ਨੌਰਾ ਪੁਲੀ ਨਹਿਰ ਦੇ ਨਜ਼ਦੀਕ ਪੁੱਜੀ ਤਾਂ ਮੁੱਖਬਰ ਖਾਸ ਨੇ ਇਤਲਾਹ ਦਿੱਤੀ ਕਿ ਮਨਜੀਤ ਸਿੰਘ ਉਰਫ ਜੀਤਾ ਪੁੱਤਰ ਜਗਤ ਸਿੰਘ ਵਾਸੀ ਭੌਰਾ ਥਾਣਾ ਸਦਰ ਬੰਗਾ ਜ਼ਿਲ੍ਹਾ ਸਹੀਦ ਭਗਤ ਸਿੰਘ ਨਗਰ, ਬਾਹਰਲੇ ਇਲਾਕੇ ਤੋਂ ਸਸਤੀ ਸ਼ਰਾਬ ਲਿਆ ਕੇ ਪਿੰਡ ਭੌਰਾ ਤੇ ਆਸ-ਪਾਸ ਦੇ ਪਿੰਡਾਂ ਵਿੱਚ ਮਹਿੰਗੇ ਭਾਅ 'ਚ ਸਪਲਾਈ ਕਰਦਾ ਹੈ | ਜੋ ਅੱਜ ਵੀ ਪਿੰਡ ਭੌਰਾ ਤੋਂ ਸੁੱਜੇ ਨੂੰ ਜਾਂਦੇ ਰਸਤੇ ਵਿਚ ਬਾਬੇ ਮੀਆਂ ਦੀ ਜਗ੍ਹਾ ਦੇ ਨੇੜੇ ਥੈਲਾ ਪਲਾਸਟਿਕ ਵਿਚ ਭਾਰੀ ਮਾਤਰਾ ਵਿਚ ਸ਼ਰਾਬ ਰੱਖ ਕੇ ਗਾਹਕਾਂ ਦੀ ਉਡੀਕ ਕਰ ਰਿਹਾ ਹੈ ਉਸ ਪਾਸੋਂ 22 ਬੋਤਲਾਂ ਬਰਾਮਦ ਕੀਤੀਆਂ |
