ਕਾਠਗੜ੍ਹ, 24 ਦਸੰਬਰ (ਹਰਸਿਮਰਨ ਜੋਤ ਸਿੰਘ ਕਲੇਰ)-ਸਰਕਾਰੀ ਪ੍ਰਾਇਮਰੀ ਸਕੂਲ ਸੁੱਧਾ ਮਾਜਰਾ ਵਿਖੇ ਸਕੂਲ ਸਟਾਫ ਨੇ ਸਾਂਝੇ ਤੌਰ 'ਤੇ ਉਦਮ ਕਰਦੇ ਹੋਏ ਸਕੂਲ ਦੇ ਸਾਰੇ ਬੱਚਿਆਂ ਨੂੰ ਇਗਜ਼ਾਮ ਕਾਰਡ ਬੋਰਡ ਵੰਡੇ ਹਨ | ਸਕੂਲ ਮੁੱਖੀ ਇੰਦਰਜੀਤ ਕੌਰ ਨੇ ਦੱਸਿਆ ਕਿ ਸਕੂਲ ਦੇ ਸਮੂਹ ਸਟਾਫ਼ ਵੱਲੋਂ ਇਹ ਦੇਖਿਆ ਗਿਆ ਹੈ ਕਿ ਕੁੱਝ ਬੱਚਿਆਂ ਕੋਲ ਐਗਜ਼ਾਮ ਕਾਰਡ ਬੋਰਡ ਉਪਲਬੱਧ ਨਹੀਂ ਹਨ, ਜਿਸ ਕਾਰਨ ਬੱਚਿਆਂ ਨੂੰ ਇਮਤਿਹਾਨਾਂ ਦੌਰਾਨ ਪਰੇਸ਼ਾਨੀ ਹੋ ਰਹੀ ਹੈ | ਇਸ ਲਈ ਸਮੂਹ ਸਟਾਫ਼ ਨੇ ਬੱਚਿਆਂ ਨੂੰ ਐਗਜ਼ਾਮ ਕਾਰਡ ਬੋਰਡ ਲੈ ਕੇ ਵੰਡੇ | ਇਹ ਸਾਂਝਾ ਉਦਮ ਚੰਦਰਦੇਵ ਸਿੰਘ, ਗੁਰਪਿੰਦਰ ਕੌਰ, ਸੁਰਭੀ ਸ਼ਾਰਦਾ, ਆਸ਼ਾ ਅਤੇ ਇੰਦਰਜੀਤ ਕੌਰ ਅਧਿਆਪਕਾਂ ਵੱਲੋਂ ਕੀਤਾ ਗਿਆ |
