ਅਮਲੋਹ, 25 ਸਤੰਬਰ (ਕੇਵਲ ਸਿੰਘ)-ਵਸੀਕਾ ਨਵੀਸ ਅਤੇ ਵਕੀਲਾਂ ਵਲੋਂ ਹੜ੍ਹ ਪੀੜਤਾਂ ਦੀ ਮਦਦ ਲਈ 26 ਹਜ਼ਾਰ 300 ਰੁਪਏ ਦੀ ਰਕਮ ਚੀਫ਼ ਮਿਨਿਸਟਰ ਰੰਗਲਾ ਪੰਜਾਬ ਫ਼ੰਡ ਵਿਚ ਯੋਗਦਾਨ ਵਜੋਂ ਦਿੱਤੀ ਗਈ | ਇਹ ਰਕਮ ਐਸ.ਡੀ.ਐਮ. ਅਮਲੋਹ ਚੇਤਨ ਬੰਗੜ ਨੂੰ ਚੈੱਕ ਰਾਹੀਂ ਸੌਂਪੀ ਗਈ | ਇਸ ਮੌਕੇ 'ਤੇ ਐਡਵੋਕੇਟ ਕਮਲਜੀਤ ਸਿੰਘ ਬੜਿੰਗ ਅਤੇ ਐਡਵੋਕੇਟ ਬਬਲਜੀਤ ਕੁਮਾਰ ਨੇ ਕਿਹਾ ਕਿ ਪੰਜਾਬ ਵਿਚ ਹੜ੍ਹਾਂ ਕਾਰਨ ਭਾਰੀ ਨੁਕਸਾਨ ਹੋਇਆ ਹੈ | ਹੜ੍ਹ ਪੀੜਤਾਂ ਨੂੰ ਇਸ ਸਮੇਂ ਵਧੇਰੇ ਮਦਦ ਦੀ ਲੋੜ ਹੈ | ਉਨ੍ਹਾਂ ਆਮ ਲੋਕਾਂ ਨੂੰ ਅਪੀਲ ਕੀਤੀ ਕਿ ਆਪਣੀ ਆਮਦਨ 'ਚੋਂ ਕੁਝ ਹਿੱਸਾ ਇਨ੍ਹਾਂ ਪੀੜਤਾਂ ਦੀ ਭਲਾਈ ਲਈ ਯੋਗਦਾਨ ਵਜੋਂ ਦੇਣ | ਇਸ ਮੌਕੇ 'ਤੇ ਹੋਰਨਾਂ ਤੋਂ ਇਲਾਵਾ ਗੁਰਪਾਲ ਸਿੰਘ ਵਸੀਕਾ ਨਵੀਸ, ਮਨਦੀਪ ਪੁਰੀ, ਜਸਪਾਲ ਸਿੰਘ ਲੱਕੀ, ਅੰਕਿਤ ਬਾਂਸਲ, ਨੀਰਜ ਬਾਂਸਲ, ਨਰਿੰਦਰ ਸਿੰਘ ਨਿੰਦੀ ਭੱਦਲਥੂਹਾ ਆਦਿ ਹਾਜ਼ਰ ਸਨ |
