ਖਮਾਣੋਂ, 19 ਅਕਤੂਬਰ (ਜੋਗਿੰਦਰ ਪਾਲ)-ਐਨ.ਆਈ.ਐਮ.ਏ (ਨਿੰਮਾ) ਐਸੋਸੀਏਸ਼ਨ ਫ਼ਤਹਿਗੜ੍ਹ ਨੇ ਧਨਵੰਤਰੀ ਦਿਵਸ ਮਨਾਇਆ ਅਤੇ ਜਾਣਕਾਰੀ ਦਿੰਦਿਆਂ ਡਾ: ਸੰਜੀਵ ਕੁਮਾਰ ਸ਼ਰਮਾ ਨੇ ਦੱਸਿਆ ਕਿ ਇਸ ਮੌਕੇ ਖਮਾਣੋਂ ਵਿਖੇ ਇਕ ਵਿਸ਼ੇਸ਼ ਸਮਾਗਮ ਦਾ ਆਯੋਜਨ ਕੀਤਾ | ਇਹ ਸਮਾਗਮ ਸਾਰਿਆਂ ਦੀ ਸਿਹਤ, ਤੰਦਰੁਸਤੀ ਲਈ ਬ੍ਰਹਮ ਇਲਾਜ ਕਰਨ ਵਾਲੇ ਭਗਵਾਨ ਧਨਵੰਤਰੀ ਦੇ ਆਸ਼ੀਰਵਾਦ ਨੂੰ ਸਮਰਪਿਤ ਤੇ ਉਨ੍ਹਾਂ ਨੂੰ ਯਾਦ ਕਰਦਿਆਂ ਕਰਵਾਇਆ ਗਿਆ | ਇਸ ਸਮਾਗਮ ਵਿਚ ਸਭ ਤੋਂ ਪਹਿਲਾਂ ਹਵਨ ਪੂਜਾ ਕਰਵਾਈ ਗਈ ਜਿਸ ਉਪਰੰਤ ਲੰਗਰ ਦਾ ਪ੍ਰਬੰਧ ਕੀਤਾ ਗਿਆ | ਡਾ: ਸੰਜੀਵ ਸ਼ਰਮਾ ਨੇ ਦੱਸਿਆ ਕਿ ਇਸ ਸਮਾਗਮ ਦਾ ਉਦੇਸ਼ ਮੈਡੀਕਲ ਭਾਈਚਾਰੇ ਅਤੇ ਸਥਾਨਕ ਭਾਈਚਾਰੇ ਵਿਚ ਸੰਪੂਰਨ ਸਿਹਤ, ਅਧਿਆਤਮਿਕ ਸਦਭਾਵਨਾ ਅਤੇ ਏਕਤਾ ਨੂੰ ਉਤਸ਼ਾਹਿਤ ਕਰਨਾ ਸੀ | ਇਸ ਮੌਕੇ ਡਾ:ਦਵਿੰਦਰ ਪੁਰੀ, ਡਾ: ਹਿਤੇਂਦਰ ਸੂਰੀ, ਡਾ: ਆਰ.ਕੇ, ਡਾ: ਸਨਪ੍ਰੀਤ ਸ਼ਰਮਾ, ਡਾ: ਉੱਪਲ, ਡਾਮਨਜੀਤ, ਡਾ: ਮਹੇਸ਼, ਡਾ: ਜਤਿੰਦਰ, ਡਾ: ਸਚਿਨ ਅਰੋੜਾ, ਡਾ: ਪਰਵੀਨ ਪੁਰੀ, ਡਾ. ਸੀਮਾ ਬਾਲਾ, ਡਾ:ਪੂਨਮ ਆਦਿ ਤੋਂ ਇਲਾਵਾ ਐਸੋਸੀਏਸ਼ਨ ਦੇ ਮੈਂਬਰ ਤੇ ਅਹੁਦੇਦਾਰ ਹਾਜ਼ਰ ਸਨ |
