ਧਾਰੀਵਾਲ, 2 ਜੂਨ (ਸਵਰਨ ਸਿੰੰਘ)-ਸਥਾਨਿਕ ਸ਼ਿਵ ਕਾਲੋਨੀ ਨਹਿਰ ਕਿਨਾਰੇ ਧਾਰੀਵਾਲ ਵਿਖੇ ਇਕ ਲੋੜਵੰਦ ਪਰਿਵਾਰ ਦੇ ਲੜਕੇ ਸ਼ੰਭੂ ਦੇ ਆਪ੍ਰੇਸ਼ਨ ਲਈ 'ਮੈਸੀ ਐਂਡ ਸੰਨਜ ਯੂ.ਐੱਸ.ਏ.' ਸਮੇਜ ਸੇਵੀ ਸੰਸਥਾ ਵਲੋਂ ਕ੍ਰਿਸ਼ਚੀਅਨ ਨੈਸ਼ਨਲ ਫਰੰਟ ਯੂਥ ਵਿੰਗ ਪੰਜਾਬ ਪ੍ਰਧਾਨ ਬੱਬਾ ਗਿੱਲ ਦੇ ਰਾਹੀਂ 50 ਹਜ਼ਾਰ ਰੁਪਏ ਦੀ ਮਾਲੀ ਮਦਦ ਕੀਤੀ ਹੈ | ਇਸ ਮੌਕੇ ਬੱਬਾ ਗਿੱਲ ਨੇ ਕਿਹਾ ਕਿ ਸੰਸਥਾ ਅਮਰੀਕਾ ਵਿਚੋਂ ਹੀ ਭਾਰਤ ਅਤੇ ਖ਼ਾਸ ਕਰ ਕੇ ਧਾਰੀਵਾਲ ਇਲਾਕੇ ਦੇ ਲੋਕਾਂ ਪ੍ਰਤੀ ਸਮਾਜ ਭਲਾਈ ਦੇ ਕੰਮ ਕਰ ਰਹੀ ਹੈ, ਜਿਸ ਨਾਲ ਕਾਫ਼ੀ ਲੋਕਾਂ ਨੂੰ ਲਾਭ ਮਿਲਿਆ ਹੈ | ਇਸ ਮੌਕੇ ਗੋਪਾਲ ਦਾਸ, ਅਤੁੱਲ ਭੱਟੀ, ਵਿੱਕੀ ਪਾਸਟਰ, ਜੋਗਿੰਦਰਪਾਲ, ਪ੍ਰੇਮ ਨਾਥ, ਪਵਨ ਵੱਡਾ ਪ੍ਰਧਾਨ ਵਾਲਮੀਕ ਟਾਈਗਰ ਫ਼ੋਰਸ, ਪਾਸਟਰ ਬੀਬਾ, ਰਾਣੀ ਪ੍ਰਧਾਨ, ਚੰਦੂ, ਨੀਸੂ ਪ੍ਰਧਾਨ, ਕਾਕਾ ਆਦਿ ਵੀ ਹਾਜ਼ਰ ਸਨ |
