ਪਠਾਨਕੋਟ, 2 ਜੂਨ (ਸੰਧੂ)-ਅੱਜ ਸਰਕਾਰੀ ਹਾਈ ਸਕੂਲ ਭੜੋਲੀ ਕਲਾਂ ਵਿਖੇ ਭਾਸ਼ਾ ਸਮਰ ਕੈਂਪ ਦਾ ਸਮਾਪਨ ਸਮਾਗਮ ਮੁੱਖ ਅਧਿਆਪਕਾ ਰਾਜ ਕੁਮਾਰੀ ਦੀ ਪ੍ਰਧਾਨਗੀ ਹੇਠ ਕੀਤਾ ਗਿਆ ਜਿਸ ਵਿਚ ਬੱਚਿਆਂ ਨੇ ਤੇਲਗੂ ਭਾਸ਼ਾ, ਹਫ਼ਤੇ ਦੇ ਨਾਮ, ਰੰਗਾਂ ਦੇ ਨਾਮ, ਗਤੀਵਿਧੀਆਂ ਕੀਤੀਆਂ ਅਤੇ ਤੇਲਗੂ ਲੋਕ ਨਾਚ ਪੇਸ਼ ਕੀਤੇ | ਮੁੱਖ ਅਧਿਆਪਕਾ ਰਾਜ ਕੁਮਾਰੀ ਵਲੋਂ ਆਏ ਹੋਏ ਐਸ. ਐਮ. ਸੀ. ਮੈਂਬਰ ਅਤੇ ਬੱਚਿਆਂ ਦੇ ਮਾਤਾ-ਪਿਤਾ ਧੰਨਵਾਦ ਕੀਤਾ | ਇਸ ਮੌਕੇ ਉਨ੍ਹਾਂ ਵਲੋਂ ਬੱਚਿਆਂ ਨੂੰ ਸਨਮਾਨਿਤ ਕੀਤਾ ਗਿਆ ਅਤੇ ਮੁੱਖ ਅਧਿਆਪਕਾਂ ਵਲੋਂ ਸਮਰ ਕੈਂਪ ਨੂੰ ਆਯੋਜਿਤ ਕਰਨ ਵਾਲੇ ਅਧਿਆਪਕ ਮੈਡਮ ਗੁਰਪ੍ਰੀਤ ਕੌਰ, ਨਵਜੋਤ ਬਾਲਾ, ਅਨੂਰੇ ਖਾ, ਨਿਧੀ ਸ਼ਰਮਾ, ਵਿਕਾਸ ਧਵਨ, ਪ੍ਰੇਮ ਭੜੋਲੀ ਅਤੇ ਐਸ.ਐਮ.ਸੀ. ਮੈਂਬਰਾਂ ਨੂੰ ਯਾਦਗਾਰੀ ਚਿੰਨ੍ਹ ਭੇਟ ਕਰਕੇ ਸਨਮਾਨਿਤ ਕੀਤਾ ਗਿਆ | ਅੰਤ ਵਿਚ ਮੁੱਖ ਅਧਿਆਪਕਾ ਵਲੋਂ ਇਸ ਕੈਂਪ ਵਿਚ ਯੋਗਦਾਨ ਪਾਉਣ ਲਈ ਨਾਨ ਟੀਚਿੰਗ ਸਟਾਫ਼ ਅਤੇ ਮਿਡ ਡੇ ਮੀਲ ਵਰਕਰ ਦਾ ਵੀ ਸਨਮਾਨ ਕੀਤਾ |
