ਪਠਾਨਕੋਟ, 4 ਸਤੰਬਰ (ਸੰਧੂ)-ਡਿਸਟਿ੍ਕ ਹੋਲਸੇਲ ਤੇ ਰਿਟੇਲ ਕੈਮਿਸਟ ਐਸੋਸੀਏਸ਼ਨ ਪਠਾਨਕੋਟ ਨੇ ਹੜ੍ਹ ਪੀੜਤਾਂ ਦੀ ਮਦਦ ਲਈ ਚੇਅਰਮੈਨ ਗੋਵਰਧਨ ਗੋਪਾਲ ਦੀ ਪ੍ਰਧਾਨਗੀ ਹੇਠ ਤੇ ਪ੍ਰਧਾਨ ਅਜੈ ਸੂਦ ਦੀ ਦੇਖ ਰੇਖ ਹੇਠ ਸਮਾਗਮ 'ਚ ਵਪਾਰ ਮੰਡਲ ਪਠਾਨਕੋਟ ਦੇ ਪ੍ਰਧਾਨ ਤੇ ਜਨਰਲ ਸਕੱਤਰ ਕੈਮਿਸਟ ਐਸੋਸੀਏਸ਼ਨ ਦੀਪੇਂਦਰ ਅਰੋੜਾ ਵਿਸ਼ੇਸ਼ ਤੌਰ 'ਤੇ ਮੌਜੂਦ ਸਨ | ਇਸ ਮੌਕੇ ਚੇਅਰਮੈਨ ਗੋਵਰਧਨ ਗੋਪਾਲ ਅਤੇ ਪ੍ਰਧਾਨ ਅਜੈ ਸੂਦ ਤੇ ਕੈਸ਼ੀਅਰ ਰਜਨੀਸ਼ ਮਹਾਜਨ ਨੇ ਸਾਂਝੇ ਤੌਰ 'ਤੇ ਦੱਸਿਆ ਕਿ ਹੜ੍ਹ ਪੀੜਤਾਂ ਦੀ ਮਦਦ ਲਈ ਜ਼ਿਲ੍ਹਾ ਪ੍ਰਸ਼ਾਸਨ ਨਾਲ ਸਲਾਹ-ਮਸ਼ਵਰਾ ਕਰਨ ਤੋਂ ਬਾਅਦ ਹੜ੍ਹ ਪੀੜਤਾਂ ਲਈ 100 ਮੈਡੀਕਲ ਕਿੱਟਾਂ ਭੇਜੀਆਂ ਗਈਆਂ ਹਨ | ਵਪਾਰ ਮੰਡਲ ਦੇ ਪ੍ਰਧਾਨ ਦੀਪੇਂਦਰ ਅਰੋੜਾ ਨੇ ਕਿਹਾ ਕਿ ਆਫ਼ਤ ਦੀ ਇਸ ਘੜੀ ਵਿਚ ਪੂਰਾ ਪੰਜਾਬ ਹੜ੍ਹ ਪੀੜਤਾਂ ਦੇ ਨਾਲ ਖੜ੍ਹਾ ਹੈ ਤੇ ਲੋਕਾਂ ਨੂੰ ਮਦਦ ਵੀ ਪਹੁੰਚਾਈ ਜਾ ਰਹੀ ਹੈ, ਜੋ ਕਿ ਸ਼ਲਾਘਾਯੋਗ ਹੈ | ਪਰ ਅਜੇ ਵੀ ਬਹੁਤ ਸਾਰੇ ਪਿੰਡ ਹਨ, ਜਿਨ੍ਹਾਂ ਤੱਕ ਅਜੇ ਤੱਕ ਮਦਦ ਨਹੀਂ ਪਹੁੰਚੀ ਹੈ ਤੇ ਐਸੋਸੀਏਸ਼ਨ ਦਾ ਉਦੇਸ਼ ਹੈ ਕਿ ਅਜੇ ਤੱਕ ਇੱਥੇ ਮਦਦ ਨਹੀਂ ਪਹੁੰਚੀ, ਉੱਥੇ ਪਹੁੰਚ ਕੇ ਮਦਦ ਕੀਤੀ ਜਾਵੇ | ਇਸ ਮੌਕੇ ਚੇਅਰਮੈਨ ਗੋਵਰਧਨ ਗੋਪਾਲ, ਕੈਸ਼ੀਅਰ ਰਜਨੀਸ਼ ਮਹਾਜਨ, ਸੀਨੀਅਰ ਵਾਈਸ ਪ੍ਰੈਜ਼ੀਡੈਂਟ ਇੰਚਾਰਜ ਸੁਰੇਂਦਰ ਮਹਾਜਨ, ਮੁੱਖ ਸਲਾਹਕਾਰ ਰਾਕੇਸ਼ ਗੁਪਤਾ ਲੱਟੂ, ਸੰਯੁਕਤ ਸਕੱਤਰ ਸ਼ਿਵਮ ਗੁਲਾਟੀ, ਗੁਰਪ੍ਰੀਤ ਸਿੰਘ ਮੋਂਟੂ ਕੈਬਨਿਟ ਮੈਂਬਰ ਆਦਿ ਮੌਜੂਦ ਸਨ |
