ਫ਼ਤਹਿਗੜ੍ਹ ਚੂੜੀਆਂ, 25 ਸਤੰਬਰ (ਅਵਤਾਰ ਸਿੰਘ ਰੰਧਾਵਾ)-ਆਪਣਾ ਪੰਜਾਬ ਇੰਟਰਟੇਨਮੈਂਟ ਪ੍ਰੋਡਕਸ਼ਨ ਵਲੋਂ ਬਣੀ ਪੰਜਾਬੀ ਫਿਲਮ 'ਫੜ੍ਹ ਲੈ ਵਾਹਿਗੁਰੂ ਜੀ ਦਾ ਪੱਲਾ' 26 ਸਤੰਬਰ ਨੂੰ ਸਿਨੇਮਾ ਘਰਾਂ ਦਾ ਸ਼ਿੰਗਾਰ ਬਣਨ ਜਾ ਰਹੀ ਹੈ | ਫ਼ਿਲਮ ਦੇ ਹੀਰੋ ਤੇ ਪ੍ਰੋਡਿਊਸਰ ਡੀ.ਐੱਸ. ਖੁੰਡੀ, ਮਿਊਜ਼ਿਕ ਡਾਇਰੈਕਟਰ ਤੇ ਗਾਇਕ ਬੱਬਲੀ ਸਿੰਘ ਮੁੰਬਈ, ਡਾਇਰੈਕਟਰ ਸੰਦੀਪ ਸੋਲੰਕੀ, ਮੀਡੀਆ ਸਲਾਹਕਾਰ ਤੇ ਦਵਿੰਦਰ ਸਿੰਘ ਖਾਲਸਾ ਦੀ ਮਿਹਨਤ ਸਦਕਾ ਫ਼ਿਲਮ ਬਣੀ ਹੈ | ਸਿੱਖਿਆਦਾਇਕ ਬਣੀ ਫ਼ਿਲਮ ਜਿਸ ਦਾ ਹਲਕਾ ਇੰਚਾਰਜ ਬਲਬੀਰ ਸਿੰਘ ਪਨੂੰ ਵਲੋਂ ਪੋਸਟਰ ਜਾਰੀ ਕੀਤਾ ਗਿਆ | ਇਸ ਮੌਕੇ ਫ਼ਿਲਮ ਦੇ ਅਦਾਕਾਰ ਹੀਰੋ ਤੇ ਪ੍ਰੋਡਿਊਸਰ ਡੀ.ਐੱਸ. ਖੁੰਡੀ, ਮੀਡੀਆ ਸਲਾਹਕਾਰ ਦਵਿੰਦਰ ਸਿੰਘ ਖਾਲਸਾ, ਸਤਨਾਮ ਸਿੰਘ ਲੈਕਚਰਾਰ, ਗਰੀਬਾਂ ਦਾ ਸੰਜੇ ਦੱਤ ਕਾਮੇਡੀ ਕਲਾਕਾਰ, ਸੋਨੀ ਬਾਜਵਾ, ਸੁਖਜੀਤ ਸਿੰਘ ਰੰਧਾਵਾ, ਦਿਲਪ੍ਰੀਤ ਸਿੰਘ ਪ੍ਰੀਤ, ਪੀ.ਏ. ਕਰਮਜੀਤ ਸਿੰਘ ਬਰਾੜ, ਗੁਰਬਿੰਦਰ ਸਿੰਘ ਕਾਦੀਆਂ ਰਾਜਪੂਤਾਂ, ਬਲਾਕ ਪ੍ਰਧਾਨ ਸ਼ਮਸ਼ੇਰ ਸਿੰਘ ਸ਼ੇਰਾ ਫ਼ੌਜੀ, ਮਲਜਿੰਦਰ ਸਿੰਘ, ਹਰਦੀਪ ਸਿੰਘ ਦਮੋਦਰ, ਕਰਨ ਬਾਠ ਆਦਿ ਹਾਜ਼ਰ ਸਨ |
