ਗੁਰਦਾਸਪੁਰ, 4 ਨਵੰਬਰ (ਅਸ਼ੋਕ ਸ਼ਰਮਾ)-ਗੁਰਦਾਸਪੁਰ-ਮੁਕੇਰੀਆਂ ਸੜਕ ਵਿਚਕਾਰ ਕਸਬਾ ਪੁਰਾਣਾ ਸ਼ਾਲਾ ਤੋਂ ਥੋੜ੍ਹੀ ਅੱਗੇ ਸੜਕ ਵਿਚਕਾਰੋਂ ਲੰਘਦੇ ਗੱਦੀ ਨਾਲੇ ਦੀ ਰੇਲਿੰਗ ਟੁੱਟਣ ਕਾਰਨ ਹਰ ਵੇਲੇ ਹਾਦਸੇ ਹੋਣ ਦਾ ਡਰ ਬਣਿਆ ਹੋਇਆ ਹੈ | ਇਸ ਸਬੰਧੀ ਜਾਣਕਾਰੀ ਦਿੰਦੇ ਹੋਏ ਇਲਾਕਾ ਵਾਸੀਆਂ ਨੇ ਦੱਸਿਆ ਕਿ ਇਹ ਗੱਦੀ ਨਾਲਾ ਕਾਫੀ ਡੂੰਘਾ ਅਤੇ ਚੌੜਾ ਹੈ ਅਤੇ ਇਸ ਵਿਚ ਲੰਬੀ ਘਾਹ ਬੂਟੀ ਉੱਗੀ ਹੋਈ ਹੈ, ਜਿਸ ਵੱਲ ਵਿਭਾਗ ਕੋਈ ਧਿਆਨ ਦਿਤਾ ਜਾ ਰਿਹਾ | ਰੇਲਿੰਗ ਟੁੱਟਣ ਕਾਰਨ ਕਈ ਵਾਰ ਬੱਸਾਂ, ਟਰੱਕ ਆਦਿ ਇਸ ਰੇਲਿੰਗ ਕਾਰਨ ਹਾਦਸਾ ਗ੍ਰਸਤ ਹੋ ਚੁੱਕੇ ਹਨ ਅਤੇ ਕਈ ਵਾਰ ਨਾਲੇ ਵਿਚ ਡਿੱਗ ਕੇ ਮਾਲੀ ਨੁਕਸਾਨ ਵੀ ਕਰਵਾ ਚੁੱਕੇ ਹਨ | ਲੋਕਾਂ ਦਾ ਕਹਿਣਾ ਹੈ ਕਿ ਇਸ ਨਾਲੇ ਦੀ ਰੇਲਿੰਗ ਆਏ ਦਿਨ ਟੁੱਟ ਭੱਜ ਜਾਂਦੀ ਹੈ, ਕਿਉਂਕਿ ਸੇਮ ਨਾਲੇ 'ਤੇ ਬਣੇ ਪੁੱਲ ਦੀ ਚੌੜਾਈ ਘੱਟ ਹੋਣ ਕਾਰਨ ਆਹਮੋਂ-ਸਾਹਮਣੇ ਤੋਂ ਵੱਡੇ ਵਾਹਨਾਂ ਨੂੰ ਲੰਘਣ ਵੇਲੇ ਕਾਫੀ ਮੁਸ਼ਕਿਲ ਪੇਸ਼ ਆਉਂਦੀ ਹੈ ਅਤੇ ਕਈ ਵਾਰ ਤੇਜ਼ ਰਫ਼ਤਾਰ ਅਤੇ ਰਾਤ ਤੇ ਹਨੇਰੇ ਵਿਚ ਵਾਹਨ ਰੇਲਿੰਗ ਨਾਲ ਟਕਰਾ ਕੇ ਨੁਕਸਾਨ ਵੀ ਕਰਵਾ ਲੈਂਦੇ ਹਨ | ਲੋਕਾਂ ਦੀ ਪੰਜਾਬ ਸਰਕਾਰ ਅਤੇ ਲੋਕ ਨਿਰਮਾਣ ਵਿਭਾਗ ਗੁਰਦਾਸਪੁਰ ਮੰਗ ਹੈ ਕਿ ਇਸ ਨਾਲੇ 'ਤੇ ਬਣੀ ਰੇਲਿੰਗ ਦੀ ਜਲਦ ਮੁਰੰਮਤ ਕਰਵਾਈ ਜਾਵੇ ਤਾਂ ਜੋ ਕੋਈ ਹਾਦਸਾ ਨਾ ਵਾਪਰ ਸਕੇ |
