ਜੰਮੂ-ਕਸ਼ਮੀਰ ਤੋਂ ਪੰਜਾਬ 'ਚ ਆਟੋ ਰੁਕਵਾਉਣ ਲਈ ਰਾਵਾਧਸ ਆਟੋ ਯੂਨੀਅਨ ਦਾ ਵਫ਼ਦ ਨਾਕਾ ਇੰਚਾਰਜ ਨੂੰ ਮਿਲਿਆ

ਅ

ਅਜੀਤ ਡੈਸਕ 07-12-2025

ਪਠਾਨਕੋਟ/ਮਾਧੋਪੁਰ 6 ਦਸੰਬਰ (ਵਿਨੋਦ/ਮਹਿਰਾ)- ਜੰਮੂ-ਕਸ਼ਮੀਰ ਤੋਂ ਪੰਜਾਬ ਵਿਚ ਗੈਰ-ਕਾਨੂੰਨੀ ਢੰਗ ਨਾਲ ਦਾਖਲ ਹੋਣ ਵਾਲੇ ਆਟੋਆਂ ਨੂੰ ਰੋਕਣ ਲਈ ਰਾਵਾਧਸ ਯੂਨੀਅਨ ਦਾ ਇਕ ਵਫ਼ਦ ਯੂਨੀਅਨ ਪ੍ਰਧਾਨ ਸੁਨੀਲ ਕੁਮਾਰ ਤੇ ਪੰਜਾਬ ਪ੍ਰਧਾਨ ਅਮਿਤ ਰਾਵਾਧਸ ਦੀ ਅਗਵਾਈ ਵਿਚ ਨਾਕਾ ਇੰਚਾਰਜ ਪਵਨ ਕੁਮਾਰ ਨੂੰ ਮਿਲਿਆ ਤੇ ਏ.ਡੀ.ਸੀ. ਕਮ ਆਰ.ਟੀ.ਓ. ਵਲੋਂ ਜਾਰੀ ਕੀਤੇ ਗਏ ਹੁਕਮਾਂ ਸਬੰਧੀ ਨਾਕਾ ਇੰਚਾਰਜ ਨੂੰ ਦੱਸਿਆ | ਯੂਨੀਅਨ ਪ੍ਰਧਾਨ ਸੁਨੀਲ ਕੁਮਾਰ ਤੇ ਪੰਜਾਬ ਪ੍ਰਧਾਨ ਅਮਿਤ ਰੰਧਾਵਾ ਨੇ ਦੱਸਿਆ ਕਿ ਜੰਮੂ-ਕਸ਼ਮੀਰ 'ਚੋਂ ਗੈਰ-ਕਾਨੂੰਨੀ ਢੰਗ ਨਾਲ ਆਟੋ ਸਵਾਰੀਆਂ ਲੱਦ ਕੇ ਪੰਜਾਬ ਵਿਚ ਦਾਖਲ ਹੁੰਦੇ ਹਨ | ਇਸ ਸੰਬੰਧੀ ਉਨ੍ਹਾਂ ਵਲੋਂ ਏ.ਡੀ.ਸੀ. ਨੂੰ ਇਕ ਸ਼ਿਕਾਇਤ ਕੀਤੀ ਗਈ ਸੀ ਜਿਸ ਤੋਂ ਬਾਅਦ ਏ.ਡੀ.ਸੀ. ਕਮ ਆਰ.ਟੀ.ਓ. ਵਲੋਂ ਇਸ ਸਬੰਧੀ ਡੀ.ਐੱਸ.ਪੀ. ਟਰੈਫ਼ਿਕ ਇੰਚਾਰਜ ਤੇ ਨਾਕਾ ਇੰਚਾਰਜ ਮਾਧੋਪੁਰ ਨੂੰ ਜੰਮੂ-ਕਸ਼ਮੀਰ ਦੇ ਆਟੋ ਨਾ ਗੁਜ਼ਰਨ ਸੰਬੰਧੀ ਹਦਾਇਤ ਜਾਰੀ ਕੀਤੀ ਗਈ ਸੀ, ਪਰ ਉਸ ਦੇ ਬਾਵਜੂਦ ਵੀ ਜੰਮੂ-ਕਸ਼ਮੀਰ ਤੋਂ ਆਟੋ ਪਠਾਨਕੋਟ ਜ਼ਿਲ੍ਹੇ ਵਿਚ ਗੁਜ਼ਰ ਰਹੇ ਹਨ ਜਿਸ ਸੰਬੰਧੀ ਉਨ੍ਹਾਂ ਵਲੋਂ ਨਾਕਾ ਇੰਚਾਰਜ ਪਵਨ ਕੁਮਾਰ ਨੂੰ ਆਰ.ਟੀ.ਓ. ਦੇ ਹੁਕਮਾਂ ਨਾਲ ਜਾਣੂ ਕਰਵਾਇਆ ਤੇ ਅਪੀਲ ਕੀਤੀ ਕਿ ਜੰਮੂ-ਕਸ਼ਮੀਰ ਤੋਂ ਆਉਣ ਵਾਲੇ ਆਟੋਆਂ ਨੂੰ ਰੋਕਿਆ ਜਾਵੇ |
ਜਦੋਂ ਇਸ ਸੰਬੰਧੀ ਨਾਕਾ ਇੰਚਾਰਜ ਪਵਨ ਕੁਮਾਰ ਨਾਲ ਗੱਲ ਕੀਤੀ ਗਈ ਤਾਂ ਉਨ੍ਹਾਂ ਦੱਸਿਆ ਕਿ ਐੱਸ.ਐੱਸ.ਪੀ. ਪਠਾਨਕੋਟ ਦੇ ਨਿਰਦੇਸ਼ਾਂ ਅਨੁਸਾਰ ਜੰਮੂ-ਕਸ਼ਮੀਰ ਤੋਂ ਆਉਣ ਵਾਲੀਆਂ ਹਰ ਗੱਡੀਆਂ ਦੀ ਚੈਕਿੰਗ ਕੀਤੀ ਜਾ ਰਹੀ ਹੈ | ਜਿਹੜੀ ਗੱਡੀ ਜਾਂ ਆਟੋ ਕੋਈ ਵੀ ਕਾਗ਼ਜ਼ ਪੱਤਰ ਨਹੀਂ ਹੁੰਦੇ ਉਨ੍ਹਾਂ ਦੇ ਚਲਾਨ ਕੱਟੇ ਜਾ ਰਹੇ ਹਨ | ਜਦੋਂ ਉਨ੍ਹਾਂ ਨੂੰ ਆਟੋ ਬੰਦ ਕਰਨ ਸੰਬੰਧੀ ਪੁੱਛਿਆ ਗਿਆ ਤਾਂ ਉਨ੍ਹਾਂ ਕਿਹਾ ਕਿ ਆਟੋਆਂ ਨੂੰ ਬੰਦ ਕਰਵਾਉਣ ਸੰਬੰਧੀ ਆਰ.ਟੀ.ਓ. ਹੀ ਕਰ ਸਕਦੇ ਹਨ, ਉਹ ਸਿਰਫ਼ ਚਲਾਨ ਹੀ ਕੱਟ ਸਕਦੇ ਹਨ |

ਪਿਛਲੀ ਖ਼ਬਰ ਆਮ ਆਦਮੀ ਪਾਰਟੀ ਵਲੋਂ ਬਲਾਕ ਸੰਮਤੀ ਤੇ ਜ਼ਿਲ੍ਹਾ ਪ੍ਰੀਸ਼ਦ ਚੋਣਾਂ ਸੰਬੰਧੀ ਮੀਟਿੰਗ ਅਗਲੀ ਖ਼ਬਰ ਫ਼ੌਜ ਵਲੋਂ ਕੈਪਟਨ ਗੁਰਬਚਨ ਸਲਾਰੀਆ ਨੂੰ ਸ਼ਰਧਾਂਜਲੀ ਭੇਟ

ਜੰਮੂ-ਕਸ਼ਮੀਰ ਤੋਂ ਪੰਜਾਬ 'ਚ ਆਟੋ ਰੁਕਵਾਉਣ ਲਈ ਰਾਵਾਧਸ ਆਟੋ ਯੂਨੀਅਨ ਦਾ ਵਫ਼ਦ ਨਾਕਾ ਇੰਚਾਰਜ ਨੂੰ ਮਿਲਿਆ

ਸੰਬੰਧਿਤ ਖ਼ਬਰਾਂ