ਬਟਾਲਾ, 22 ਦਸੰਬਰ (ਹਰਦੇਵ ਸਿੰਘ ਸੰਧੂ)- ਸਟੀਲ ਕਰਾਫਟ ਇੰਡੀਆ ਪ੍ਰਾਈਵੇਟ ਲਿਮਟਿਡ ਵਲੋਂ ਇਕ ਵੱਡਾ ਉਪਰਾਲਾ ਕਰਦਿਆਂ ਲਾਇਨ ਕਲੱਬ ਫਤਹਿ ਦੇ ਸਹਿਯੋਗ ਨਾਲ ਸਟੀਲ ਕਰਾਫਟ ਇੰਡੀਆ ਦੀ ਫੈਕਟਰੀ ਅੰਦਰ ਖੂਨਦਾਨ ਕੈਂਪ ਲਗਾਇਆ ਗਿਆ | ਕੈਂਪ ਦੌਰਾਨ ਮੁੱਖ ਮਹਿਮਾਨ ਵਜੋਂ ਪੀ.ਡੀ.ਜੀ. ਹਰਦੀਪ ਸਿੰਘ ਖੜ੍ਹਕਾ ਤੇ ਨਵਨੀਤ ਸੇਠ ਵਿਸ਼ੇਸ ਤੌਰ 'ਤੇ ਸ਼ਾਮਿਲ ਹੋਏ | ਇਸ ਬਾਰੇ ਸਟੀਲ ਕਰਾਫਟ ਇੰਡੀਆ ਪ੍ਰਾਈਵੇਟ ਲਿਮਟਿਡ ਦੇ ਮਾਲਕ ਅਮਰਜੀਤ ਸਿੰਘ ਸਟੀਲ ਕਰਾਫਟ ਨੇ ਦੱਸਿਆ ਕਿ ਇਸ ਕੈਂਪ 'ਚ ਡਾ. ਪਿ੍ਯਾਗੀਤ ਕੌਰ ਕਲਸੀ ਤੋਂ ਉਨ੍ਹਾਂ ਦੀ ਟੀਮ ਵੱਲੋਂ ਵਿਸ਼ੇਸ਼ ਯੋਗਦਾਨ ਦਿੱਤਾ ਗਿਆ ਤੇ 50 ਦੇ ਕਰੀਬ ਵਿਅਕਤੀਆਂ ਵਲੋਂ ਜਿਨ੍ਹਾਂ ਵਿਚ ਔਰਤ ਤੇ ਮਰਦ ਸ਼ਾਮਿਲ ਸਨ, ਵਲੋਂ ਖੂਨਦਾਨ ਕੀਤਾ ਗਿਆ | ਅਮਰਜੀਤ ਸਿੰਘ ਦੇ ਸਾਰੇ ਸਟਾਫ ਤੇ ਉਨ੍ਹਾਂ ਦੇ ਪਰਿਵਾਰਕ ਮੈਂਬਰਾਂ ਵਲੋਂ ਖੂਨਦਾਨ ਕੀਤਾ ਗਿਆ | ਕੈਂਪ ਦੇ ਅਖੀਰ 'ਚ ਸਟੀਲ ਕਰਾਫਟ ਇੰਡੀਆ ਬਟਾਲਾ ਦੇ ਪ੍ਰਬੰਧਕਾਂ ਵਲੋਂ ਮੁੱਖ ਮਹਿਮਾਨ ਤੇ ਕਲੱਬ ਮੈਬਰਾਂ ਦਾ ਸਨਮਾਨ ਤੇ ਧੰਨਵਾਦ ਕੀਤਾ | ਇਸ ਮੌਕੇ ਕਮਲਜੀਤ ਸਿੰਘ ਮਠਾਰੂ, ਵਰਿੰਦਰ ਮਹਾਨ, ਪ੍ਰਤੀਕ ਬਾਂਸਲ, ਪ੍ਰੇਮ ਕੁਮਾਰ, ਰਾਜਨ ਭਾਟੀਆ, ਵਰਿੰਦਰ ਅਸ਼ਟ, ਹੈਪੀ ਟੋਕੇ ਵਾਲਾ, ਹੀਰ ਕ੍ਰਿਸ਼ਨ ਮਹਾਜਨ, ਰਵਿੰਦਰ ਸੋਨੀ, ਭਾਰਤ ਭੂਸ਼ਨ, ਸ਼ਮੀ ਕਪੂਰ, ਯੁਮਨ, ਜਸਪਾਲ ਸਿੰਘ, ਗੁਰਪ੍ਰੀਤ ਸਿੰਘ, ਗਰੁਮੱਖ ਸਿੰਘ, ਅਮਨਦੀਪ ਕੌਰ, ਰਾਜਬੀਰ ਸਿੰਘ, ਜਸਪ੍ਰੀਤ ਸਿੰਘ ਆਦਿ ਹਾਜ਼ਰ ਸਨ |
