ਪਠਾਨਕੋਟ, 24 ਦਸੰਬਰ (ਵਿਨੋਦ)- ਵਿਸ਼ਵ ਹਿੰਦੂ ਪ੍ਰੀਸ਼ਦ ਦੀ ਕੇਂਦਰੀ ਅਤੇ ਸੂਬਾਈ ਲੀਡਰਸ਼ਿਪ ਦੀ ਅਗਵਾਈ ਹੇਠ ਬਜਰੰਗ ਦਲ ਜ਼ਿਲ੍ਹਾ ਪਠਾਨਕੋਟ ਨੇ ਜ਼ਿਲ੍ਹਾ ਕੋਆਰਡੀਨੇਟਰ ਵਿਸ਼ਾਲ ਚੌਹਾਨ ਦੀ ਪ੍ਰਧਾਨਗੀ ਹੇਠ ਬੰਗਲਾਦੇਸ਼ ਵਿਚ ਹਿੰਦੂਆਂ ਵਿਰੁੱਧ ਹੋ ਰਹੀਆਂ ਬੇਰਹਿਮ ਹੱਤਿਆਵਾਂ ਤੇ ਅੱਤਿਆਚਾਰਾਂ ਵਿਰੁੱਧ ਮੁਹੰਮਦ ਯੂਨਸ ਸਰਕਾਰ ਦਾ ਪੁਤਲਾ ਸਾੜ ਕੇ ਰੋਸ ਪ੍ਰਦਰਸ਼ਨ ਕੀਤਾ | ਵਿਸ਼ਵ ਹਿੰਦੂ ਪ੍ਰੀਸ਼ਦ ਜ਼ਿਲ੍ਹਾ ਪਠਾਨਕੋਟ ਦੇ ਪ੍ਰਧਾਨ ਅਜੈ ਸ਼ਰਮਾ, ਬਜਰੰਗ ਦਲ ਦੇ ਸੂਬਾ ਵਿਦਿਆਰਥੀ ਮੁਖੀ ਐਡਵੋਕੇਟ ਰਮਨ ਠਾਕੁਰ ਅਤੇ ਵਿਸ਼ਵ ਹਿੰਦੂ ਪ੍ਰੀਸ਼ਦ ਪ੍ਰਚਾਰ ਮੁਖੀ ਆਰ.ਕੇ. ਮਹਿਰਾ ਇਸ ਵਿਰੋਧ ਪ੍ਰਦਰਸ਼ਨ ਵਿਚ ਵਿਸ਼ੇਸ਼ ਤੌਰ 'ਤੇ ਸ਼ਾਮਿਲ ਸਨ | ਵਿਰੋਧ ਪ੍ਰਦਰਸ਼ਨ ਨੂੰ ਸੰਬੋਧਨ ਕਰਦੇ ਹੋਏ ਵਿਸ਼ਵ ਹਿੰਦੂ ਪ੍ਰੀਸ਼ਦ ਦੇ ਜ਼ਿਲ੍ਹਾ ਪ੍ਰਧਾਨ ਅਜੈ ਸ਼ਰਮਾ, ਬਜਰੰਗ ਦਲ ਦੇ ਸੂਬਾ ਵਿਦਿਆਰਥੀ ਮੁਖੀ ਰਮਨ ਠਾਕੁਰ ਤੇ ਜ਼ਿਲ੍ਹਾ ਕੋਆਰਡੀਨੇਟਰ ਵਿਸ਼ਾਲ ਚੌਹਾਨ ਨੇ ਕਿਹਾ ਕਿ ਉਹ ਬੰਗਲਾਦੇਸ਼ ਦੇ ਹਿੰਦੂਆਂ ਦੇ ਨਾਲ ਖੜ੍ਹੇ ਹਨ ਅਤੇ ਉਨ੍ਹਾਂ ਦੀ ਸੁਰੱਖਿਆ ਲਈ ਆਪਣੀ ਆਵਾਜ਼ ਬੁਲੰਦ ਕਰਦੇ ਰਹਿਣਗੇ | ਜ਼ਿਲ੍ਹਾ ਸੁਰੱਖਿਆ ਮੁਖੀ ਅਨਮੋਲ ਸ਼ਰਮਾ, ਸ਼ਹਿਰ ਕੋਆਰਡੀਨੇਟਰ ਬਜਰੰਗ ਦਲ ਪਿ੍ੰਸ, ਵਿਸ਼ਵ ਹਿੰਦੂ ਪ੍ਰੀਸ਼ਦ ਸ਼ਹਿਰ ਦੇ ਪ੍ਰਧਾਨ ਅੰਕਿਤ ਮਹਾਜਨ, ਰਣਦੀਪ ਸਿੰਘ ਡਡਵਾਲ, ਅਨੁਰੁੱਧ ਸਾਵਲ, ਮੁਕੇਸ਼ ਸ਼ਰਮਾ, ਯੋਗੇਸ਼ਵਰ ਸਿੰਘ, ਸ਼ਿਵਾ ਕਟਲ, ਮੋਹਿਤ ਕਟਲ, ਲਵ, ਅਕਸ਼ੈ ਸ਼ਰਮਾ, ਅਮਿਤ ਪਠਾਨੀਆ, ਸ਼ਿਵਰਾਜ, ਦੀਪਕ, ਅਨੁਜ, ਆਕਾਸ਼, ਸਾਹਿਲ ਅਤੇ ਹੋਰ ਬਜਰੰਗੀ ਭਾਈ ਮੌਜੂਦ ਸਨ |
