ਰਾਜਾਸਾਂਸੀ, 2 ਸਤੰਬਰ (ਹਰਦੀਪ ਸਿੰਘਖੀਵਾ)-ਪਿੰਡ ਮੀਰਾਂਕੋਟ ਵਿਖੇ ਸੁਸ਼ੋਭਿਤ ਇਤਿਹਾਸਕ ਗੁਰਦੁਆਰਾ ਮਲਾ ਸਾਹਿਬ ਮੀਰਾਂਕੋਟ ਦਾ ਸ਼ਹੀਦੀ ਜੋੜ ਮੇਲਾ 5 ਤੇ 6 ਸਤੰਬਰ ਨੂੰ ਪਿੰਡ ਦੀ ਸਮੁੱਚੀ ਸੰਗਤ, ਸਮੂਹ ਇਲਾਕਾ ਨਿਵਾਸੀਆਂ ਅਤੇ ਐੱਨ.ਆਰ.ਆਈ. ਸੰਗਤਾਂ ਦੇ ਸਾਂਝੇ ਸਹਿਯੋਗ ਨਾਲ ਮਨਾਇਆ ਜਾ ਰਿਹਾ | ਇਸ ਸੰਬੰਧੀ ਸ਼ਹੀਦ ਬਾਬਾ ਮਹਿਤਾਬ ਸਿੰਘ ਭੰਗੂ ਮੀਰਾਂਕੋਟ ਦੀ ਸੇਵਾ ਸੁਸਾਇਟੀ ਦੇ ਸਮੂਹ ਸੇਵਾਦਾਰਾਂ ਵਲੋਂ ਹੜ ਪੀੜਤਾਂ ਦੇ ਹੱਕ 'ਚ ਵੱਡਾ ਉਪਰਾਲਾ ਕਰਦਿਆਂ ਹਰ ਸਾਲ ਧਾਰਮਿਕ ਜੋੜ ਮੇਲੇ 'ਤੇ ਲਗਾਈ ਜਾਣ ਵਾਲੀ ਠੰਡੇ ਮਿੱਠੇ ਜਲ ਦੀ ਸ਼ਰਦਾਈ, ਭਠੂਰੇ ਛੋਲਿਆਂ ਦੇ ਲੰਗਰ, ਇਸ ਵਾਰ ਰੱਦ ਕਰ ਦਿੱਤੇ ਗਏ | ਸੇਵਾਦਾਰਾਂ ਕਿਹਾ ਕਿ ਉਹ ਪੀੜਤ ਪਰਿਵਾਰਾਂ ਤੱਕ ਪਹੁੰਚ ਕਰਕੇ ਉਨ੍ਹਾਂ ਦੀ ਸਹਾਇਤਾ ਕਰਨਗੇ | ਇਸ ਮੌਕੇ ਉਕਤ ਸੇਵਾ ਸੁਸਾਇਟੀ ਦੇ ਮੈਂਬਰ ਹਾਜ਼ਰ ਸਨ |
