ਅੰਮਿ੍ਤਸਰ/ਰਾਜਾਸਾਂਸੀ, 3 ਸਤੰਬਰ (ਰਾਜੇਸ਼ ਕੁਮਾਰ ਸ਼ਰਮਾ, ਹਰਦੀਪ ਸਿੰਘ ਖੀਵਾ)-ਅੰਮਿ੍ਤਸਰ ਦੇ ਕੌਮਾਂਤਰੀ ਸ੍ਰੀ ਗੁਰੂ ਰਾਮਦਾਸ ਜੀ ਹਵਾਈ ਅੱਡੇ 'ਤੇ ਲੱਖਾਂ ਰੁਪਏ ਦਾ ਗਾਂਜਾ ਬਰਾਮਦ ਕਰਨ ਦੇ ਮਾਮਲੇ 'ਚ ਤਿੰਨ ਵਿਅਕਤੀਆਂ ਨੂੰ ਕਾਬੂ ਕੀਤਾ ਹੈ | ਹਵਾਈ ਅੱਡੇ 'ਤੇ ਤਇਨਾਤ ਕਸਟਮ ਅੰਮਿ੍ਤਸਰ ਦੇ ਅਧਿਕਾਰੀਆਂ ਨੇ ਦੱਸਿਆ ਕਿ ਬੀਤੇ ਦਿਨੀਂ ਦੋ ਵਿਅਕਤੀ ਬੈਂਕਾਕ ਤੋਂ ਫਲਾਈਟ ਨੰਬਰ-ਐਸ. ਐਲ. 214 ਤੋਂ ਇੱਥੇ ਪਹੁੰਚੇ ਸਨ | ਇਸ ਦੌਰਾਨ ਜਦੋਂ ਉਨ੍ਹਾਂ ਦੇ ਸਾਮਾਨ ਦੀ ਤਲਾਸ਼ੀ ਲਈ ਤਾਂ ਉਸ 'ਚੋਂ 840 ਗ੍ਰਾਮ ਵਿਦੇਸ਼ੀ ਗਾਂਜਾ ਬਰਾਮਦ ਹੋਇਆ, ਜਿਸਦੀ ਕੀਮਤ 84 ਲੱਖ ਰੁਪਏ ਬਣਦੀ ਹੈ | ਇਸਦੇ ਨਾਲ ਹੀ ਕਸਟਮ ਅੰਮਿ੍ਤਸਰ ਨੇ ਇਨ੍ਹਾਂ ਦੇ ਇਕ ਹੋਰ ਸਾਥੀ ਨੂੰ ਵੀ ਕਾਬੂ ਕੀਤਾ, ਜੋ ਹਵਾਈ ਅੱਡੇ ਦੀ ਪਾਰਕਿੰਗ 'ਚ ਉਕਤ ਵਿਅਕਤੀਆਂ ਦੀ ਉਡੀਕ ਕਰ ਰਿਹਾ ਸੀ |
