17-11-2026
ਅੱਖਰ:
Ad Position 18 No active advertisement
ਵਿਚਾਰ ਪ੍ਰਵਾਹ
ਪ੍ਰਕਾਸ਼ਿਤ: 27-09-2025

ਵਿੱਤ ਅਤੇ ਠੇਕਾ ਕਮੇਟੀ ਦੀ ਬੈਠਕ ਨੇ ਮੇਅਰ ਤੇ ਸੀਨੀ: ਡਿਪਟੀ ਮੇਅਰ ਦੀ ਨਾਰਾਜ਼ਗੀ ਨੂੰ ਕੀਤਾ ਜੱਗ ਜ਼ਾਹਿਰ <br/>

Ad Position 21
No active advertisement
ਅਜੀਤ ਡੈਸਕ 27-09-2025
ਅੰਮਿ੍ਤਸਰ, 26 ਸਤੰਬਰ (ਹਰਮਿੰਦਰ ਸਿੰਘ)-ਨਗਰ ਨਿਗਮ ਦੀ ਵਿੱਤ ਅਤੇ ਠੇਕਾ ਕਮੇਟੀ ਦੀ ਬੈਠਕ ਮੇਅਰ ਜਤਿੰਦਰ ਸਿੰਘ ਮੋਤੀ ਭਾਟੀਆ ਦੀ ਅਗਵਾਈ ਹੇਠ ਹੋਈ ਜਿਸ 'ਚ ਕਮਿਸ਼ਨਰ ਬਿਕਰਮਜੀਤ ਸਿੰਘ ਸ਼ੇਰਗਿੱਲ, ਤੋਂ ਇਲਾਵਾ ਮੈਂਬਰ ਕੌਂਸਲਰ ਸੁਖਬੀਰ ਕੌਰ, ਕੌਂਸਲਰ ਜਗਮੀਤ ਸਿੰਘ ਸ਼ਾਮਲ ਹੋਏ | ਜਦੋਂ ਕਿ ਸੀਨੀ: ਡਿਪਟੀ ਮੇਅਰ ਪਿ੍ਅੰਕਾ ਸ਼ਰਮਾ ਨੇ ਬੈਠਕ ਨੂੰ ਲੈ ਕੇ ਅਸਹਿਮਤੀ ਪ੍ਰਗਟਾਉਂਦੇ ਹੋਏ ਬੈਠਕ ਤੋਂ ਦੂਰੀ ਬਣਾਈ ਰੱਖੀ, ਜਦੋਂ ਕਿ ਡਿਪਟੀ ਮੇਅਰ ਸਰਿਤਾ ਕੁਮਾਰੀ ਵਲੋਂ ਉਨ੍ਹਾਂ ਦਾ ਬੇਟਾ ਮੀਟਿੰਗ ਸ਼ਾਮਲ ਹੋਣ ਲਈ ਪਹੁੰਚਿਆ, ਜਿਸ ਨੂੰ ਬੈਠਕ 'ਚ ਬੈਠਣ ਦੀ ਇਜਾਜ਼ਤ ਨਹੀਂ ਦਿੱਤੀ ਗਈ | ਵਿੱਤ ਅਤੇ ਠੇਕਾ ਕਮੇਟੀ ਦੇ ਕੁਲ 6 ਮੈਂਬਰਾਂ 'ਚੋਂ ਮੇਅਰ ਸਮੇਤ ਚਾਰ ਮੈਂਬਰ ਸ਼ਾਮਲ ਸਨ ਜਿਨ੍ਹਾਂ ਨੇ ਕਰੋੜਾਂ ਰੁਪਏ ਦੇ ਵਿਕਾਸ ਕਾਰਜਾਂ ਨੂੰ ਹਰੀ ਝੰਡੀ ਦਿੱਤੀ | ਸੀਨੀ: ਡਿਪਟੀ ਮੇਅਰ ਦੀ ਬੈਠਕ 'ਚ ਗ਼ੈਰ ਹਾਜ਼ਰੀ ਉਸ ਦੀ ਮੇਅਰ ਨਾਲ ਨਾਰਾਜ਼ਗੀ ਜੱਗ ਜ਼ਾਹਿਰ ਕਰਦੀ ਹੈ | ਨਗਰ ਨਿਗਮ ਦੀ ਵਿੱਤ ਅਤੇ ਠੇਕਾ ਕਮੇਟੀ ਦੀ ਬੈਠਕ 'ਚ ਸਹਾਇਕ ਕਮਿਸ਼ਨਰ ਅਤੇ ਏਜੰਡਾ ਇੰਚਾਰਜ ਦਲਜੀਤ ਸਿੰਘ ਵਲੋਂ ਪੇਸ਼ ਕੀਤਾ ਗਿਆ ਜਿਸ 'ਚ ਕੁਲ 40 ਆਈਟਮਾਂ ਵਾਲੇ ਚਾਰ ਏਜੰਡੇ ਰੱਖੇ ਗਏ | ਇਸ ਤੋਂ ਇਲਾਵਾ 23 ਹੋਰ ਟੇਬਲ ਏਜੰਡੇ ਪੇਸ਼ ਕੀਤੇ ਗਏ | ਇਸ ਤਰ੍ਹਾਂ ਬੈਠਕ ਦੌਰਾਨ ਕੁਲ 27 ਏਜੰਡੇ ਰੱਖੇ ਗਏ ਸਨ | ਜਿਨ੍ਹਾਂ 'ਚੋਂ ਮੁੱਖ ਚਾਰ ਏਜੰਡਿਆਂ ਸਮੇਤ ਕੁਲ ਕਰੀਬ 15 ਕੁ ਏਜੰਡੇ ਪਾਸ ਕੀਤੇ ਗਏ ਹਨ | ਜਿਨ੍ਹਾਂ 'ਚੋਂ ਬਾਕੀ ਏਜੰਡੇ ਵਿਭਾਗੀ ਜਾਣਕਾਰੀ ਲਈ ਵਿਚਾਰ ਅਧੀਨ ਰੱਖੇ ਗਏ | ਮੁੱਖ ਏਜੰਡੇ ਵਿਚ ਸ਼ਹਿਰ ਦੇ ਪੰਜ ਸ਼ਹਿਰੀ ਵਿਧਾਨ ਸਭਾ ਹਲ਼ਕਿਆਂ 'ਚ ਸਿਵਲ ਦੇ ਕੰਮਾਂ ਨੂੰ ਕਰਵਾਉਣ ਅਤੇ ਸਿਟੀ ਬੱਸ ਅੱਡੇ ਦਾ ਨਵੀਨੀਕਰਨ ਕਰਨ ਦੇ ਕੰਮ ਨੂੰ ਪ੍ਰਵਾਨਗੀ ਦਿੱਤੀ ਗਈ | ਅਗਲੇ ਦਿਨਾਂ 'ਚ ਸ਼ਹਿਰ ਦੀ ਨੁਹਾਰ ਬਦਲੇਗੀ: ਮੇਅਰ -ਬੈਠਕ ਉਪਰੰਤ ਗੱਲਬਾਤ ਕਰਦੇ ਹੋਏ ਮੇਅਰ ਜਤਿੰਦਰ ਸਿੰਘ ਮੋਤੀ ਭਾਟੀਆ ਨੇ ਦੱਸਿਆ ਕਿ ਦੱਸਿਆ ਕਿ ਅੱਜ ਕਰੋੜਾ ਦੇ ਵਿਕਾਸ ਕਾਰਜਾਂ ਨੂੰ ਹੁਲਾਰਾ ਦਿੱਤਾ ਗਿਆ ਹੈ ਜਿਸ ਦੇ ਨਾਲ ਸ਼ਹਿਰ ਦੀ ਕਾਫ਼ੀ ਹੱਦ 'ਤੇ ਨੁਹਾਰ ਬਦਲੇਗੀ | ਉਨ੍ਹਾਂ ਕਿਹਾ ਕਿ ਪੰਜ ਵਿਧਾਨ ਸਭਾ ਹਲ਼ਕਿਆਂ 'ਚ ਪੈਂਦੀਆਂ ਸਾਰੀਆਂ ਹੀ ਵਾਰਡਾਂ 'ਚ ਸਿਵਲ , ਓ. ਐਂਡ ਐੱਮ ਦੇ ਕੰਮ ਕਰਵਾਏ ਜਾਣਗੇ | ਇਸ ਦੌਰਾਨ ਮੇਅਰ ਨੇ ਸੀਨੀਅਰ ਡਿਪਟੀ ਮੇਅਰ ਪਿ੍ਅੰਕਾ ਸ਼ਰਮਾ ਦੀ ਬੈਠਕ 'ਚ ਗ਼ੈਰ ਹਾਜ਼ਰੀ 'ਤੇ ਪਰਦਾ ਪਾਉਂਦੇ ਕਿਹਾ ਕਿ ਸੀਨੀਅਰ ਡਿਪਟੀ ਮੇਅਰ ਦੀ ਸਿਹਤ ਠੀਕ ਨਹੀਂ ਅਤੇ ਉਹ ਹਸਪਤਾਲ 'ਚ ਦਾਖਲ ਹੋਣ ਕਾਰਨ ਬੈਠਕ 'ਚ ਸ਼ਾਮਲ ਨਹੀਂ ਹੋਏ |
ਸੀਨੀਅਰ ਡਿਪਟੀ ਮੇਅਰ ਵਲੋਂ ਬੈਠਕ 'ਤੇ ਇਤਰਾਜ਼ : ਵਿੱਤ ਅਤੇ ਠੇਕਾ ਕਮੇਟੀ ਦੀ ਬੈਠਕ 'ਤੇ ਇਤਰਾਜ਼ ਪ੍ਰਗਟ ਕਰਦੇ ਹੋਏ ਡਿਪਟੀ ਮੇਅਰ ਪਿ੍ਅੰਕਾ ਸ਼ਰਮਾ ਨੇ ਕਿਹਾ ਕਿ ਇਸ ਬੈਠਕ ਕਰਨ ਦੀ ਕੋਈ ਲੋੜ ਨਹੀਂ ਸੀ, ਪਿਛਲੀ ਬੈਠਕ 'ਚ ਪ੍ਰਵਾਨ ਹੋਏ ਕੰਮ ਅਜੇ ਤੱਕ ਨਹੀਂ ਹੋਏ | ਉਨ੍ਹਾਂ ਸ਼ਹਿਰ ਦੇ ਮੌਜੂਦਾ ਹਾਲਾਤ ਦਾ ਜ਼ਿਕਰ ਕਰਦੇ ਹੋਏ ਕਿਹਾ ਕਿ ਸ਼ਹਿਰ ਦੀ ਸਫ਼ਾਈ ਅਤੇ ਸੀਵਰੇਜ਼ ਪ੍ਰਣਾਲੀ ਦੀ ਮੰਦੀ ਹਾਲਤ ਹੈ ਚੁਫੇਰੇ ਲੋਕਾਂ 'ਚ ਹਾਹਾਕਾਰ ਮੱਚੀ ਹੋਈ ਹੈ | ਚਾਰ ਪੰਜ ਕੌਂਸਲਰਾਂ ਦੀ ਬੈਠਕ ਸੱਦਣ ਦੀ ਜਗ੍ਹਾ ਨਿਗਮ ਦੇ ਹਾਊਸ ਦੀ ਬੈਠਕ ਸੱਦੀ ਜਾਂਦੀ ਜਿਸ 'ਚ 85 ਕੌਂਸਲਰ ਸ਼ਾਮਲ ਹੁੰਦੇ ਅਤੇ ਉਹ ਆਪਣੇ ਮਸ਼ਵਰੇ ਦਿੰਦੇ | ਇਸ ਦੌਰਾਨ ਉਨ੍ਹਾਂ ਆਪਣੀ ਪਾਰਟੀ ਦੇ ਮੇਅਰ ਦੀ ਕਾਰਜਪ੍ਰਣਾਲੀ 'ਤੇ ਵੀ ਕਈ ਸਵਾਲ ਚੁੱਕੇ |

Ad Position 22
No active advertisement
ਪਿਛਲੀ ਖ਼ਬਰ ਪਰਾਲੀ ਸੰਬੰਧੀ ਕਿਸਾਨਾਂ ਦੀ ਸਹਾਇਤਾ ਕਰਨ ਵਾਸਤੇ ਮੰਡੀਆਂ 'ਚ ਖੋਲੇ੍ਹ ਸਹਾਇਤਾ ਕੇਂਦਰ ਅਗਲੀ ਖ਼ਬਰ ਕੇਰਲਾ ਦੇ ਖੇਤੀਬਾੜੀ ਮੰਤਰੀ ਨੇ ਸ੍ਰੀ ਹਰਿਮੰਦਰ ਸਾਹਿਬ ਵਿਖੇ ਕੀਤੇ ਦਰਸ਼ਨ <br/>
Ad Position 24