ਵਾਲਮੀਕਿ ਸਮਾਜ ਵਲੋਂ ਅੱਜ ਅੰਮਿ੍ਤਸਰ ਬੰਦ ਦਾ ਫ਼ੈਸਲਾ ਮੁਲਤਵੀ

ਅੰਮਿ੍ਤਸਰ, 2 ਨਵੰਬਰ (ਸੁਰਿੰਦਰ ਕੋਛੜ)-ਵਾਲਮੀਕੀ ਸਮਾਜ ਵਲੋਂ 3 ਨਵੰਬਰ ਨੂੰ ਅੰਮਿ੍ਤਸਰ ਬੰਦ ਅਤੇ 4 ਨਵੰਬਰ ਨੂੰ ਪੰਜਾਬ ਭਰ ਵਿਚ ਪੰਜਾਬ ਸਰਕਾਰ ਦੇ ਪੁਤਲੇ ਸਾੜਨ ਦਾ ਜੋ ਪ੍ਰੋਗਰਾਮ ਉਲੀਕਿਆ ਗਿਆ ਸੀ, ਉਹ ਅੱਜ ਸਮਾਜ ਦੇ ਆਗੂਆਂ ਅਤੇ ਸੰਤਾਂ ਨੇ ਸ੍ਰੀ ਗੁਰੂ ਨਾਨਕ ਦੇਵ ਜੀ ਦੇ ਪ੍ਰਕਾਸ਼ ਪੁਰਬ ਅਤੇ ਸ੍ਰੀ ਵਾਲਮੀਕਿ ਵਿਜੇ ਦਿਵਸ ਨੂੰ ਧਿਆਨ ਵਿਚ ਰੱਖਦੇ ਹੋਏ ਅੱਗੇ ਪਾਉਣ ਦਾ ਫ਼ੈਸਲਾ ਕੀਤਾ | ਜਿਸ ਦੇ ਚੱਲਦਿਆਂ ਹੁਣ 3 ਨਵੰਬਰ ਨੂੰ ਆਮ ਦਿਨਾਂ ਵਾਂਗ ਬਾਜ਼ਾਰ ਖੁੱਲ੍ਹਣਗੇ ਅਤੇ ਆਵਾਜਾਈ ਵੀ ਬਹਾਲ ਰਹੇਗੀ | ਅੱਜ ਅੰਮਿ੍ਤਸਰ ਪ੍ਰਸ਼ਾਸਨ ਅਤੇ ਪੁਲਿਸ ਅਧਿਕਾਰੀਆਂ ਨਾਲ ਕੀਤੀ ਗੱਲਬਾਤ ਉਪਰੰਤ ਵਾਲਮੀਕੀ ਸਮਾਜ ਦੇ ਆਗੂਆਂ ਨੇ ਇਹ ਐਲਾਨ ਕੀਤਾ ਕਿ 9 ਨਵੰਬਰ ਨੂੰ ਰੱਖੀ ਪੰਜਾਬ ਪੱਧਰ ਦੀ ਬੈਠਕ 'ਚ ਅੰਮਿ੍ਤਸਰ ਬੰਦ ਜਾਂ ਪੰਜਾਬ ਭਰ ਵਿਚ ਪੰਜਾਬ ਸਰਕਾਰ ਦੇ ਪੁਤਲੇ ਸਾੜਨ ਸਮੇਤ ਹੋਰ ਫ਼ੈਸਲੇ ਲਏ ਜਾਣਗੇ |