ਲੋਹਾਰਕਾ ਰੋਡ ਵਿਖੇ ਗੋਲੀਆਂ ਚੱਲਣ ਦੇ ਮਾਮਲੇ 'ਚ ਐਨ.ਆਰ.ਆਈ. ਨੇ ਲਾਈ ਇਨਸਾਫ ਦੀ ਗੁਹਾਰ <br/>

ਅੰਮਿ੍ਤਸਰ, 23 ਦਸੰਬਰ (ਰੇਸ਼ਮ ਸਿੰਘ)-ਲੋੋਹਾਰਕਾ ਰੋਡ ਵਿਖੇ ਸਕੂਲੀ ਬੱਚਿਆਂ ਦੀ ਲੜਾਈ ਉਪਰੰਤ ਗੋਲੀਆਂ ਮਾਰ ਕੇ ਇਕ ਲੜਕੇ ਨੂੰ ਜ਼ਖ਼ਮੀਂ ਕਰ ਦੇਣ ਦੇ ਮਾਮਲੇ 'ਚ ਪੁਲਿਸ ਵਲੋਂ ਭਾਵੇਂ ਪਰਚਾ ਦਰਜ ਕਰ ਲਿਆ ਗਿਆ ਹੈ ਪਰ ਸਿਆਸੀ ਆਗੂਆਂ ਦੇ ਦਬਾਅ ਹੇਠ ਹਾਲੇ ਤੱਕ ਕਿਸੇ ਨੂੰ ਵੀ ਗਿ੍ਫਤਾਰ ਨਹੀਂ ਕੀਤਾ ਗਿਆ | ਇਹ ਦੋਸ਼ ਅੱਜ ਕਰਵਾਏ ਪੱਤਰਕਾਰ ਸੰਮੇਲਨ 'ਚ ਇੱਥੇ ਐਨ.ਆਰ.ਆਈ. ਓਾਕਾਰ ਸਿੰਘ ਵਾਸੀ ਇੰਪਰੀਅਲ ਸਿਟੀ ਵਲੋਂ ਲਗਾਏ ਗਏ ਹਨ | ਉਸਨੇ ਪੁਲਿਸ ਪ੍ਰਸ਼ਾਸਨ ਕੋਲ ਗੁਹਾਰ ਲਾਉਂਦਿਆਂ ਕਿਹਾ ਕਿ ਉਹ ਸਵੀਡਨ ਤੋਂ ਇੱਥੇ ਆਇਆ ਹੋਇਆ ਹੈ ਅਤੇ ਗੋਲੀਆਂ ਵੱਜਣ ਨਾਲ ਜ਼ਖ਼ਮੀਂ ਹੋਇਆ ਲੜਕਾ ਅੰਸ਼ਪੀ੍ਰਤ ਸਿੰਘ ਉਸ ਦਾ ਭਾਣਜਾ ਹੈ | ਉਨ੍ਹਾਂ ਦੱਸਿਆ ਕਿ ਇਸ ਝਗੜੇ ਲੋਹਾਰਕਾ ਰੋਡ ਵਿਖੇ ਇਕ ਨਿੱਜੀ ਸਕੂਲ 'ਚ ਪੜ੍ਹਦੇ ਬੱਚਿਆਂ ਦਰਮਿਆਨ ਹੋਇਆ ਸੀ ਜਿਸ ਉਪਰੰਤ ਉਸਦਾ ਭਣੇਵਾਂ ਲੜਾਈ ਝਗੜਾ ਕਰਨ ਵਾਲੇ ਸਕੂਲੀ ਬੱਚਿਆਂ ਨੂੰ ਸਮਝਾਉਣ ਲਈ ਗਿਆ ਸੀ ਜਿਥੇ ਸ਼ਾਮ 5 ਵਜੇ ਦੇ ਕਰੀਬ ਇੰਪਰੀਅਲ ਸਿਟੀ ਦੇ ਬਾਹਰ ਗਏ ਸਨ ਜਿੱਥੇ ਇਕ ਕਾਂਗਰਸੀ ਆਗੂ ਵੰਸ਼ ਤੇ ਹੋਰ ਲੋਕ ਵੀ ਪੁੱਜੇ ਹੋਏ ਸਨ, ਉਥੇ ਇਕ ਵਿਅਕਤੀ ਨੇ ਸਿੱਧੀਆਂ ਗੋਲੀਆਂ ਚਲਾ ਦਿੱਤੀਆਂ ਤੇ ਉਸਦੇ ਦੋਸਤ ਸਰਤਾਜ ਸਿੰਘ ਦੀ ਗੱਡੀ ਫਾਰਚੂਨਰ 'ਤੇ ਵੀ ਇੱਟਾਂ ਰੋੜੇ ਮਾਰ ਕੇ ਤੋੜ ਦਿੱਤੀ | ਇਹ ਘਟਨਾ ਸੀ.ਸੀ.ਟੀ.ਵੀ. ਕੈਮਰਿਆਂ 'ਚ ਕੈਦ ਹੋ ਗਈ ਸੀ | ਪੁਲਿਸ ਵਲੋਂ ਇਸ ਸਬੰਧੀ ਹਰਿੰਦਰ ਸਿੰਘ ਭੁੱਲਰ ਵਾਸੀ ਨਿਜ਼ਾਮਪੁਰਾ, ਵੰਸ਼, ਕੁਨਾਲ ਤੇ 4-5 ਹੋਰ ਅਣਪਛਾਤੇ ਵਿਅਕਤੀਆਂ ਖਿਲਾਫ ਮਾਮਲਾ ਦਰਜ ਕਰ ਲਿਆ ਗਿਆ ਸੀ | ਉਨ੍ਹਾਂ ਕਿਹਾ ਕਿ ਇਕ ਪਾਸੇ ਸਰਕਾਰ ਇਥੇ ਐਨ.ਆਰ.ਆਈ. ਨੂੰ ਵੱਸਣ ਲਈ ਕਹਿ ਰਹੀ ਹੈ ਜਦੋਂ ਕਿ ਗੁੰਡਾਗਰਦੀ ਦਾ ਨੰਗਾ ਨਾਚ ਹੋਇਆ ਹੈ ਅਤੇ ਹਾਲੇ ਤੱਕ ਕਿਸੇ ਨੂੰ ਵੀ ਗਿ੍ਫਤਾਰ ਨਹੀਂ ਕੀਤਾ ਜਾ ਸਕਿਆ | ਉਨ੍ਹਾਂ ਖਦਸ਼ਾ ਜ਼ਾਹਿਰ ਕੀਤਾ ਕਿ ਪੁਲਿਸ ਦੀ ਕਥਿਤ ਮਿਲੀਭੁਗਤ ਨਾਲ ਕਿਸੇ ਹੋਰ ਥਾਣੇ 'ਚ ਉਨ੍ਹਾਂ ਖਿਲਾਫ ਵੀ ਪਰਚਾ ਦਰਜ ਕਰਵਾਉਣ ਦੀ ਕੋਸ਼ਿਸ਼ ਕੀਤੀ ਜਾ ਰਹੀ ਹੈ | ਦੂਜੇ ਪਾਸੇ ਇਸ ਸਬੰਧੀ ਏ.ਡੀ.ਸੀ.ਪੀ.-2 ਸ੍ਰੀ ਸਿਰੀਵੇਨਿਲਾ ਨੇ ਕਿਹਾ ਕਿ ਲੋਹਾਰਕਾ ਰੋਡ ਵਿਖੇ ਗੋਲੀਆਂ ਚੱਲਣ ਦੇ ਮਾਮਲੇ 'ਚ ਸਕੂਲੀ ਬੱਚਿਆਂ ਸਹਿਜ ਤੇ ਕੰਵਰ ਸਿੰਘ ਦਰਮਿਆਨ ਝਗੜਾ ਹੋਇਆ ਸੀ ਜਿਸ ਦੇ ਰਾਜੀਨਾਵੇ ਦਰਮਿਆਨ ਜਦੋਂ ਝਗੜਾ ਹੋਇਆ ਤਾਂ ਲਗਭਗ 5-6 ਗੋਲੀਆਂ ਚੱਲੀਆਂ ਸਨ ਜਿਸ ਦੌਰਾਨ ਅੰਸ਼ਪ੍ਰੀਤ ਸਿੰਘ ਜ਼ਖ਼ਮੀਂ ਹੋਇਆ ਸੀ ਜ਼ਖ਼ਮੀਂ ਦੀ ਹਾਲਤ ਖਤਰੇ ਤੋਂ ਬਾਹਰ ਹੈ | ਉਨ੍ਹਾਂ ਕਿਹਾ ਕਿ ਇਸ ਮਾਮਲੇ 'ਚ ਸੰਬੰਧਤ ਵਿਅਕਤੀਆਂ ਖਿਲਾਫ ਸਖਤ ਕਾਰਵਾਈ ਅਮਲ 'ਚ ਲਿਆਂਦੀ ਜਾ ਰਹੀ ਹੈ |