ਰੇਹੜੀਆਂ ਫੜੀਆਂ 'ਤੇ ਸ਼ਰੇਆਮ ਵਿੱਕ ਰਹੇ ਨੇ ਕੱਟੇ ਤੇ ਪੱਕੇ ਫਲ : ਬਿਮਾਰੀਆਂ ਫੈਲਣ ਦਾ ਖ਼ਤਰਾ
ਅਜੀਤ ਡੈਸਕ
03-06-2025
ਦੱਸਣਯੋਗ ਹੈ ਕਿ ਅਜਿਹੇ ਮੌਸਮ 'ਚ ਡਾਇਰੀਆ, ਡੇਂਗੁੂ ਤੇ ਪੀਲੀਆ ਆਦਿ ਬਿਮਾਰੀਆਂ ਤੇਜ਼ੀ ਨਾਲ ਫੈਲ ਰਹੀਆਂ ਹਨ ਤੇ ਮੌਸਮੀ ਬੁਖਾਰ ਦੇ ਮਰੀਜ਼ਾਂ ਦੀ ਗਿਣਤੀ 'ਚ ਵੀ ਇਜ਼ਾਫਾ ਹੋ ਗਿਆ ਹੈ | ਡਾਇਰੀਆ ਤੇ ਪੀਲੀਆ ਅਕਸਰ ਖਾਣ ਪੀਣ ਦੀਆਂ ਵਸਤੂਆਂ 'ਚ ਖ਼ਰਾਬੀ ਦਾ ਕਾਰਨ ਮੰਨਿਆ ਜਾਂਦਾ ਹੈ | ਪੀਲੀਆ ਖ਼ਰਾਬ ਪਾਣੀ ਕਾਰਨ ਹੁੰਦਾ ਹੈ ਜਿਸ 'ਚ ਹੈਪੀਟਾਈਟਸ ਏ ਅਤੇ ਬੀ. ਦੇ ਕੀਟਾਣੂ ਹੁੰਦੇ ਹਨ ਪੀਲੀਆ ਕਈ ਵਾਰ ਜਿਗਰ 'ਤੇ ਵੀ ਅਸਰ ਕਰਦਾ ਹੈ ਅਤੇ ਇਹ ਜਾਨਲੇਵਾ ਸਾਬਤ ਹੋ ਸਕਦਾ ਹੈ ਜਿਸ ਕਾਰਨ ਮਰੀਜ਼ ਨੂੰ ਹਸਪਤਾਲ ਵੀ ਭਰਤੀ ਕਰਵਾਉਣਾ ਪੈ ਸਕਦਾ ਹੈ | ਇਸੇ ਤਰ੍ਹਾਂ ਖਰਾਬ ਫਲ ਤੇ ਕੱਟੇ ਫਲਾਂ ਤੇ ਵੀ ਮੱਖੀਆਂ ਪੈਂਦੀਆਂ ਰਹਿੰਦੀਆਂ ਅਤੇ ਇਹ ਦੂਸ਼ਿਤ ਹੋ ਕੇ ਬਿਮਾਰੀਆਂ ਦਾ ਕਾਰਨ ਬਣਦਾ ਹੈ | ਪੀਲੀਆ, ਮਲੇਰੀਆ ਤੇ ਡਾਇਰੀਆ ਤੋਂ ਇਲਾਵਾ ਡੇਂਗੁੂ ਦੇ ਵੀ ਆਸਾਰ ਵੱਧ ਰਹੇ ਹਨ, ਜਿਸ ਕਾਰਨ ਸਿਹਤ ਮਾਹਿਰ ਡਾਕਟਰਾਂ ਦਾ ਕਹਿਣਾ ਹੈ ਕਿ ਉਬਲੇ ਹੋਏ ਪਾਣੀ ਦੀ ਵਰਤੋਂ ਕੀਤੀ ਜਾਵੇ, ਸਾਫ਼ ਖਾਣੇ ਦੀ ਵਰਤੋਂ ਕੀਤੀ ਜਾਵੇ | ਕੱਟੇ ਪੱਕੇ ਫਲ ਤੇ ਬਹਿਆ ਖਾਣਾ ਨਾ ਖਾਧੇ ਜਾਣ | ਬਰਸਾਤ ਦੇ ਮੌਸਮ 'ਚ ਫਲ ਖਾਣ ਤੋਂ ਗੁਰੇਜ਼ ਕੀਤਾ ਜਾਵੇ | ਆਲਾ ਦੁਆਲਾ ਸਾਫ-ਸੁਥਰਾ ਰਖਿਆ ਜਾਵੇ | ਦੱਸਣਯੋਗ ਹੈ ਕਿ ਬੱਸ ਅੱਡੇ ਦੇ ਨੇੜੇ ਹੋਰ ਸ਼ਹਿਰੀ ਖੇਤਰਾਂ 'ਚ ਅਕਸਰ ਵੱਡੀ ਤਾਦਾਦ 'ਚ ਅਜਿਹੀਆ ਰੇਹੜੀਆਂ ਨਜ਼ਰ ਆ ਰਹੀਆਂ ਹਨ ਜੋ ਪਪੀਤਾ, ਤਰਬੂਜ਼, ਅੰਬ ਆਦਿ ਫਲ ਕੱਟ ਕੇ ਵੇਚ ਰਹੇ ਹਨ ਅਜਿਹੇ ਫਲ ਸਸਤੇ ਹੋਣ ਕਾਰਨ ਲੋਕਾਂ ਨੂੰ ਆਕਰਸ਼ਿਤ ਕਰਦੇ ਹਨ ਪਰ ਲੋਕਾਂ ਨੂੰ ਪਤਾ ਨਹੀਂ ਕਿ ਉਹ ਬਿਮਾਰੀਆਂ ਨੂੰ ਸੱਦਾ ਦੇ ਰਹੇ ਹਨ ਅਤੇ ਆਪਣੀ ਸਿਹਤ ਨਾਲ ਖਿਲਵਾੜ ਕਰ ਰਹੇ ਹਨ |
