ਚੋਹਲਾ ਸਾਹਿਬ, 24 ਸਤੰਬਰ (ਬਲਵਿੰਦਰ ਸਿੰਘ)-ਸਿੱਖ ਸਦਭਾਵਨਾ ਦਲ ਦੇ ਮੁੱਖ ਸੇਵਾਦਾਰ ਭਾਈ ਬਲਦੇਵ ਸਿੰਘ ਵਡਾਲਾ ਹੜ੍ਹ ਪ੍ਰਭਾਵਿਤ ਇਲਾਕਿਆਂ ਦਾ ਜਾਇਜ਼ਾ ਲੈਣ ਲਈ ਤਰਨ ਤਾਰਨ ਜ਼ਿਲ੍ਹੇ ਦੇ ਪਿੰਡ ਘੜਕਾ ਵਿਖੇ ਪਹੁੰਚੇ | ਭਾਈ ਵਡਾਲਾ ਵਲੋਂ ਪਿੰਡ ਵਾਸੀਆਂ ਦੀਆਂ ਮੁਸ਼ਕਿਲਾਂ ਨੂੰ ਸੁਣਿਆ ਗਿਆ ਅਤੇ ਗੱਲਬਾਤ ਕਰਦਿਆਂ ਕਿਹਾ ਕਿ ਹੜ੍ਹਾਂ ਕਾਰਨ ਮੁੰਡਾਪਿੰਡ, ਗੁਜਰਪੁਰਾ, ਘੜਕਾ ਦੀ ਹਜ਼ਾਰਾਂ ਏਕੜ ਫਸਲ ਤਬਾਹ ਹੋ ਗਈ ਹੈ, ਪਰ ਸਰਕਾਰ ਵਲੋਂ ਇਨ੍ਹਾਂ ਪੀੜਤ ਪਰਿਵਾਰਾਂ ਦੀ ਕੋਈ ਸਾਰ ਨਹੀਂ ਲਈ ਗਈ | ਉਨ੍ਹਾਂ ਕਿਹਾ ਕਿ ਇਹ ਹੜ੍ਹ ਕੁਦਰਤੀ ਨਹੀਂ ਹਨ ਸਗੋਂ ਗੈਰ ਕੁਦਰਤੀ ਹਨ, ਜੋ ਕਿ ਭਿ੍ਸ਼ਟ ਅਫਸ਼ਰਸ਼ਾਹੀ ਕਾਰਨ ਇਹ ਆਫਤ ਆਈ ਹੈ | ਉਨ੍ਹਾਂ ਪੰਜਾਬ ਸਰਕਾਰ ਪਾਸੋਂ ਮੰਗ ਕੀਤੀ ਕਿ ਹੜ੍ਹ ਪੀੜਤ ਕਿਸਾਨਾਂ, ਮਜ਼ਦੂਰਾਂ ਅਤੇ ਲੋਕਾਂ ਦੀ ਮਦਦ ਲਈ ਤੁਰੰਤ ਮੁਆਵਾਜ਼ਾ ਦਿੱਤਾ ਜਾਵੇ | ਇਸ ਮੌਕੇ ਉਨ੍ਹਾਂ ਨਾਲ ਜ਼ਿਲ੍ਹਾ ਪ੍ਰਧਾਨ ਹਰਮਨਪ੍ਰੀਤ ਸਿੰਘ, ਅਰਵਿੰਦਰ ਸਿੰਘ ਕੱਦ ਗਿੱਲ. ਊਧਮ ਸਿੰਘ ਕੱਦਗਿੱਲ, ਯੋਧਬੀਰ ਸਿੰਘ ਕੱਦਗਿੱਲ, ਕਸ਼ਮੀਰ ਸਿੰਘ ਕੱਦਗਿੱਲ, ਜਸਵਿੰਦਰ ਸਿੰਘ ਘੜਕਾ, ਜੱਗਾ ਸਿੰਘ ਘੜਕਾ ਹੋਰ ਮੁਹਤਬਰ ਆਦਿ ਹਾਜ਼ਰ ਸਨ |
