ਤਰਨ ਤਾਰਨ, 26 ਸਤੰਬਰ (ਇਕਬਾਲ ਸਿੰਘ ਸੋਢੀ)-ਤਰਨ ਤਾਰਨ ਦੀ ਗਾਧੀ ਪਾਰਕ ਵਿਖੇ ਪੀ.ਡਬਲਯੂ.ਡੀ. ਫੀਲਡ ਐਂਡ ਵਰਕਸ਼ਾਪ ਵਰਕਰਜ਼ ਯੂਨੀਅਨ ਜ਼ਿਲ੍ਹਾ ਤਰਨ ਤਾਰਨ ਦੀ ਮੀਟਿੰਗ ਪ੍ਰਧਾਨ ਬਲਜਿੰਦਰ ਸਿੰਘ ਦੋਬਲੀਆ ਦੀ ਪ੍ਰਧਾਨਗੀ ਹੇਠ ਹੋਈ | ਇਸ ਮੌਕੇ ਮੁਲਾਜ਼ਮਾਂ ਨੇ ਮੰਗ ਕੀਤੀ ਕਿ ਰਿਟ ਪਟੀਸ਼ਨ 6162 ਦੇ ਬਣਦੇ ਬਕਾਏ ਦੇ ਸੰਬੰਧ ਵਿਚ ਐਕਸੀਅਨ ਨੰ. 2 ਵਾਟਰ ਸਪਲਾਈ ਐਂਡ ਸ਼ੈਨੀਟੇਸਨ ਨੂੰ ਜਥੇਬੰਦੀ ਵਲੋਂ ਮੰਗ ਪਤਰ ਵੀ ਦਿਤਾ ਗਿਆ ਤੇ ਮਿਲ ਕੇ ਵੀ ਦੱਸਿਆ ਗਿਆ, ਪਰ ਅਜੇ ਤੱਕ ਮਹਿਕਮੇਂ ਵਲੋਂ ਨਾ ਕੋਈ ਬਕਾਇਆ ਦਿੱਤਾ ਗਿਆ, ਨਾ ਹੀ ਮੰਗ ਪੱਤਰ ਦੇਣ ਦੇ ਬਾਵਜੂਦ ਜਥੇਬੰਦੀ ਨੂੰ ਬੁਲਾਇਆ ਗਿਆ | ਇਸ ਕਰਕੇ ਮੁਲਾਜ਼ਮਾਂ ਵਿਚ ਭਾਰੀ ਰੋਸ ਪਾਇਆ ਜਾ ਰਿਹਾ | ਜਥੇਬੰਦੀ ਨੇ ਐਕਸੀਅਨ ਨੰ. 2 ਦੇ ਅੱਗੇ ਰੋਸ ਧਰਨਾ 25 ਸਤੰਬਰ 2025 ਨੂੰ ਦੇਣ ਦਾ ਫੈਸਲਾ ਕੀਤਾ ਹੈ | ਇਸ ਮੌਕੇ ਸੂਬਾ ਸੀਨੀਅਰ ਮੀਤ ਪ੍ਰਧਾਨ ਸਤਨਾਮ ਸਿੰਘ, ਜਨਰਲ ਸਕੱਤਰ ਸੁਖਮਿੰਦਰਜੀਤ ਸਿੰਘ, ਅਜੀਤ ਸਿੰਘ ਮੱਲ੍ਹੀ, ਸੰਤੋਖ ਸਿੰਘ, ਦਵਿੰਦਰ ਸਿੰਘ, ਰਸਾਲ ਸਿੰਘ, ਸੰਦੀਪ ਸਿੰਘ, ਸੁਬੇਗ ਸਿੰਘ, ਸਰਵਣ ਸਿੰਘ, ਗੁਰਿਵੰਦਰ ਸਿੰਘ, ਬਲਵਿੰਦਰ ਸਿੰਘ ਆਦਿ ਹਾਜ਼ਰ ਸਨ |
