ਕਲਾ ਸੁਮਨ ਵਲੋਂ ਪ੍ਰੋਗਰਾਮ 'ਵੰਦੇ ਮਾਤਰਮ' ਅੱਜ
ਅਜੀਤ ਡੈਸਕ
22-12-2025
ਤਰਨ ਤਾਰਨ, 21 ਦਸੰਬਰ (ਪਰਮਜੀਤ ਜੋਸ਼ੀ)-ਐਨ.ਜੀ.ਓ. ਕਲਾ ਸੁਮਨ ਰੰਗਮੰਚ ਦੀ ਵਿਦਿਆਰਥੀ ਯੂਨਿਟ- 'ਐਸੋਸੀਏਸ਼ਮ ਆਫ ਸਟੂਡੈਂਟਸ ਐਂਡ ਟੀਚਰਸ' ਵਲੋਂ ਦੇਸ਼ ਦੇ ਰਾਸ਼ਟੀ ਗੀਤ-ਵੰਦੇ ਮਾਤਰਮ ਦੀ 150ਵੀਂ ਵਰ੍ਹੇਗੰਢ ਦੇ ਮੌਕੇ ਇਕ ਵਿਸ਼ੇਸ਼ ਪ੍ਰੋਗਰਾਮ 'ਵੰਦੇ ਮਾਤਰਮ ਸਮਾਰੋਹ' ਅੱਜ ਮਿਤੀ 22 ਦਸੰਬਰ ਨੂੰ ਕਰਵਾਇਆ ਜਾ ਰਿਹਾ ਹੈ | ਜਾਣਕਾਰੀ ਦਿੰਦਿਆਂ ਸੰਸਥਾ ਦੇ ਡਾਇਰੈਕਟਰ ਰਮੇਸ਼ ਸਿੰਘ ਚੰਦੇਲ ਨੇ ਦੱਸਿਆ ਕਿ ਇਸ ਦਾ ਪਹਿਲਾ ਪੜ੍ਹਾਅ ਬਲਾਕ ਪੱਧਰ 'ਤੇ ਸੋਮਵਾਰ 22 ਦਸੰਬਰ ਨੂੰ ਤਰਨ ਤਾਰਨ ਦੇ ਸਰਕਾਰੀ ਐਮੀਨੈਂਸ ਸੀਨੀ. ਸੈਕੰ. ਸਕੂਲ ਵਿਖੇ ਹੋਵੇਗਾ | ਇਸ ਵਿਚ ਜ਼ਿਲ੍ਹੇ ਦੇ ਸੀਨੀ. ਸੈਕੰ. ਸਕੂਲਾਂ ਦੇ ਰਾਸ਼ਟਰੀ ਅਤੇ ਲੋਕ ਸੰਸਕਿ੍ਤੀ ਨੂੰ ਸਮਰਪਿਤ ਅਧਿਆਪਕ ਅਤੇ ਹੁਨਰਮੰਦ ਵਿਦਿਆਰਥੀ ਨੂੰ ਪ੍ਰੋਗਰਾਮਾਂ ਦੀ ਪੇਸ਼ਕਾਰੀ ਉਪਰੰਤ ਸਨਮਾਨਤ ਕੀਤਾ ਜਾਵੇਗਾ | ਇਸ ਪਰੋਗਰਾਮ ਦੇ ਦੂਜੇ ਅਤੇ ਤੀਜੇ ਪੜਾਅ ਦੀਆਂ ਤਰੀਕਾਂ ਦੀ ਸੂਚਨਾ ਜਨਵਰੀ ਦੇ ਪਹਿਲੇ ਹਫਤੇ 'ਚ ਘੋਸ਼ਿਤ ਕਰ ਦਿੱਤੀ ਜਾਵੇਗੀ |
