ਤਰਨ ਤਾਰਨ, 27 ਦਸੰਬਰ (ਹਰਿੰਦਰ ਸਿੰਘ)-ਬਲਾਕ ਸੰਮਤੀ ਅਤੇ ਜ਼ਿਲ੍ਹਾ ਪ੍ਰੀਸ਼ਦ ਚੋਣਾਂ ਵਿਚ ਜੋਨ ਚੁਤਾਲਾ ਤੋਂ ਮੇਹਰ ਸਿੰਘ ਚੁਤਾਲਾ ਨੇ ਆਪਣੇ ਵਿਰੋਧੀ ਉਮੀਦਵਾਰ ਨੂੰ 300 ਵੋਟਾਂ ਦੇ ਫਰਕ ਦੀ ਵੱਡੀ ਲੀਡ ਨਾਲ ਹਰਾ ਕੇ ਬਲਾਕ ਸੰਮਤੀ ਦੀ ਸੀਟ ਜਿੱਤ ਕੇ ਕਾਂਗਰਸੀ ਦੀ ਝੋਲੀ 'ਚ ਪਾਈ ਹੈ | ਮੇਹਰ ਸਿੰਘ ਚੁਤਾਲਾ ਦਾ ਮੁਕਾਬਲਾ ਆਮ ਆਦਮੀ ਪਾਰਟੀ ਦੇ ਉਮੀਦਵਾਰ ਅਤੇ ਅਕਾਲੀ ਦਲ, ਭਾਜਪਾ ਤਿੰਨਾਂ ਪਾਰਟੀਆਂ ਦੇ ਉਮੀਦਵਰਾਂ ਨਾਲ ਸਨ, ਪ੍ਰੰਤੂ ਉਨ੍ਹਾਂ ਨੇ ਇਹ ਸੀਟ ਵੱਡੀ ਲੀਡ ਨਾਲ ਜਿੱਤੀ | ਇਸ ਮੌਕੇ ਪਿੰਡ ਚੁਤਾਲਾ ਨਿਵਾਸੀਆਂ ਅਤੇ ਮੁਹਤਬਰਾਂ ਵਲੋਂ ਉਨ੍ਹਾਂ ਨੂੰ ਜਿੱਤ ਦੀ ਖੁਸ਼ੀ ਵਿਚ ਸਨਮਾਨਿਤ ਕੀਤਾ | ਇਸ ਮੌਕੇ ਮੇਹਰ ਸਿੰਘ ਚੁਤਾਲਾ ਨੇ ਕਿਹਾ ਕਿ ਮੁਕਾਬਲਾ ਸਖ਼ਤ ਹੋਣ ਦੇ ਬਾਵਯੂਦ ਲੋਕਾਂ ਵਲੋਂ ਦਿੱਤੇ ਫਤਵੇ ਕਾਰਨ ਉਹ ਵੱਡੀ ਲੀਡ ਨਾਲ ਜਿੱਤੇ ਹਨ, ਜਿਸ ਕਾਰਨ ਉਹ ਵੋਟਰਾਂ ਅਤੇ ਸਪੋਰਟਰਾਂ ਦਾ ਧੰਨਵਾਦ ਕਰਦੇ ਹਨ | ਇਸ ਮੌਕੇ ਭਾਗ ਸਿੰਘ ਸਰਪੰਚ ਦੀਨਪੁਰ, ਕੁਲਦੀਪ ਸਿੰਘ, ਅਜੈਬ ਸਿੰਘ, ਬਲਵੰਤ ਸਿੰਘ ਰਾਜੂ, ਰਸੂਲਪੁਰ ਤੋਂ ਹਰਬਿੰਦਰ ਸਿੰਘ ਲਾਡੀ ਗੁੱਗੂ ਸਰਪੰਚ, ਚੁਤਾਲਾ ਤੋਂ ਜਥੇਦਾਰ ਪਾਲ ਸਿੰਘ, ਮੈਂਬਰ ਸਾਹਿਬ ਸਿੰਘ, ਗੁਰਦੇਵ ਸਿੰਘ, ਬਲਜੀਤ ਸਿੰਘ, ਗੁਰਦੇਵ ਸਿੰਘ, ਫੌਜੀ ਕਾਬਲ ਸਿੰਘ, ਸਰਵਣ ਸਿੰਘ, ਚੰਨ, ਬਲਦੇਵ ਸਿੰਘ ਸਰਪੰਚ ਸੁਖਦੇਵ ਸਿੰਘ, ਮਹਿੰਦਰ ਸਿੰਘ, ਚੇਅਰਮੈਨ ਗੁਰਦੀਪ ਸਿੰਘ ਸਰਪੰਚ, ਹਰਜਿੰਦਰ ਸਿੰਘ, ਗੁਰਦਿਆਲ ਸਿੰਘ, ਸਿਕੰਦਰ ਸਿੰਘ ਆਦਿ ਨੇ ਮੇਹਰ ਸਿੰਘ ਚੁਤਾਲਾ ਨੂੰ ਸਨਮਾਨਿਤ ਕੀਤਾ |
