ਲੁਧਿਆਣਾ, 1 ਸਤੰਬਰ (ਜਸਵਿੰਦਰ ਸਿੰਘ)-ਸ਼ਾਕਯਾ ਏਨੀ ਵਿਜੇ ਮੌਰੀਆ ਨੇ ਹਾਲ ਹੀ ਵਿਚ ਸਮਾਪਤ ਹੋਈ 40ਵੀਂ ਦਿੱਲੀ ਸਟੇਟ ਸ਼ੂਟਿੰਗ ਚੈਂਪੀਅਨਸ਼ਿਪ 'ਚ 2 ਸੋਨੇ ਅਤੇ 1 ਚਾਂਦੀ ਦਾ ਤਗਮਾ ਜਿੱਤ ਕੇ ਦਿੱਲੀ ਸ਼ੂਟਿੰਗ ਚੈਂਪੀਅਨ ਦਾ ਖਿਤਾਬ ਹਾਸਲ ਕੀਤਾ ਹੈ | ਉਸ ਨੇ 10 ਮੀਟਰ ਏਅਰ ਪਿਸਟਲ ਯੂਥ ਅਤੇ ਜੂਨੀਅਰ ਵੁਮੈਨ ਆਈ.ਐਸ.ਐਫ. ਸ਼੍ਰੇਣੀ ਵਿਚ 574/600 ਦੇ ਸਕੋਰ ਨਾਲ 1 ਸੋਨਾ ਅਤੇ 1 ਚਾਂਦੀ ਦਾ ਤਗਮਾ ਜਿੱਤਿਆ ਅਤੇ 25 ਮੀਟਰ ਸਪੋਰਟਸ ਪਿਸਤੌਲ ਵੁਮੈਨ ਐਨ.ਆਰ. ਸ਼੍ਰੇਣੀ ਵਿਚ 264/300 ਦੇ ਸਕੋਰ ਨਾਲ 1 ਸੋਨੇ ਦਾ ਤਗਮਾ ਹਾਸਲ ਕੀਤਾ | ਸ਼ਾਕਯਾ ਏਨੀ ਵਿਜੇ ਮੌਰੀਆ ਦੀ ਇਸ ਪ੍ਰਾਪਤੀ ਨੇ ਦਿੱਲੀ ਸਪੋਰਟਸ ਸਕੂਲ ਦੇ ਵਿਦਿਆਰਥੀਆਂ ਲਈ ਵੀ ਮਾਣ ਵਧਾਇਆ ਹੈ | ਖਾਸ ਤੌਰ 'ਤੇ ਸ਼ਾਕਯਾ ਏਨੀ ਵਿਜੇ ਮੌਰੀਆ ਬੀ.ਸੀ.ਐਮ. ਸਕੂਲ, ਸੈਕਰਡ ਹਾਰਟ ਸਕੂਲ, ਗ੍ਰੀਨ ਲੈਂਡ ਅਤੇ ਲੁਧਿਆਣਾ ਸ਼ੂਟਿੰਗ ਰੇਂਜ ਦੀ ਸਾਬਕਾ ਵਿਦਿਆਰਥੀ ਅਤੇ ਖਿਡਾਰੀ ਹੈ | ਇਹ ਮੈਡਲ ਸਾਬਕਾ ਅੰਤਰਰਾਸ਼ਟਰੀ ਸ਼ੂਟਿੰਗ ਖਿਡਾਰੀ, ਅਰਜੁਨ ਐਵਾਰਡ ਜੇਤੂ ਅਤੇ ਪਦਮ ਸ੍ਰੀ ਜਸਪਾਲ ਰਾਣਾ ਨੇ ਦਿੱਤੇ |
