ਲੁਧਿਆਣਾ, 22 ਸਤੰਬਰ (ਭੁਪਿੰਦਰ ਸਿੰਘ ਬੈਂਸ)-ਸੈਕਰਡ ਹਾਰਟ ਕਾਨਵੈਂਟ ਸਕੂਲ, ਸੈਕਟਰ-39 ਵਿਖੇ ਪੀਸ ਕਲੱਬ ਵਲੋਂ ਅੰਤਰਰਾਸ਼ਟਰੀ ਸ਼ਾਂਤੀ ਦਿਵਸ ਮਨਾਉਣ ਲਈ ਇਕ ਵਿਸ਼ੇਸ਼ ਸਵੇਰ ਦੀ ਸਭਾ ਕਰਵਾਈ ਗਈ, ਜਿਸ ਵਿਚ ਸੰਸਾਰ 'ਚ ਸ਼ਾਂਤੀ ਅਤੇ ਸਾਂਝ ਲਈ ਪ੍ਰਭੂ ਦੀਆਂ ਅਸੀਸਾਂ ਮੰਗੀਆਂ ਗਈਆਂ | ਇਸ ਮੌਕੇ ਸਕੂਲੀ ਵਿਦਿਆਰਥੀਆਂ ਵਲੋਂ ਸ਼ਾਂਤੀ ਦਿਵਸ 'ਤੇ ਭਾਸ਼ਣ ਦਿੱਤੇ ਗਏ ਅਤੇ ਦਰਸ਼ਕਾਂ ਨੂੰ ਯਾਦ ਦਿਵਾਇਆ ਗਿਆ ਕਿ ਹਰ ਵਿਅਕਤੀ ਦਾ ਫਰਜ਼ ਹੈ ਕਿ ਉਹ ਦਇਆਵਾਨ ਅਤੇ ਟਿਕਾਊ ਭਵਿੱਖ ਦੇ ਨਿਰਮਾਣ ਲਈ ਆਪਣੀ ਭੂਮਿਕਾ ਨਿਭਾਏ | ਸਭਾ ਦਾ ਮੁੱਖ ਆਕਰਸ਼ਨ ਵਿਦਿਆਰਥੀਆਂ ਵਲੋਂ ਪੇਸ਼ ਕੀਤਾ ਗਿਆ ਛੋਟਾ ਨਾਟਕ Tਪੀਸ ਬਿਗਿਨਜ਼ ਵਿਦ ਮੀU ਸੀ, ਜਿਸ ਵਿਚ ਇਹ ਸੁੰਦਰ ਸੰਦੇਸ਼ ਦਿੱਤਾ ਗਿਆ ਕਿ ਸ਼ਾਂਤੀ ਦੀ ਸ਼ੁਰੂਆਤ ਰੋਜ਼ਾਨਾ ਜੀਵਨ ਵਿਚ ਪਿਆਰ, ਸਹਿਣਸ਼ੀਲਤਾ ਅਤੇ ਆਦਰ-ਸਤਿਕਾਰ ਵਰਗੀਆਂ ਛੋਟੀਆਂ ਕਰਮਾਂ ਨਾਲ ਹੁੰਦੀ ਹੈ | ਇਸ ਤੋਂ ਬਾਅਦ ਸ਼ਾਂਤੀ ਅਤੇ ਮੇਲਮਿਲਾਪ 'ਤੇ ਆਧਾਰਿਤ ਇਕ ਕਵਿਤਾ ਪਾਠ ਕੀਤਾ ਗਿਆ | ਇਸ ਮੌਕੇ ਵਿਦਿਆਰਥੀਆਂ ਨੇ ਇਕ ਪ੍ਰੇਰਣਾਦਾਇਕ ਸ਼ਾਂਤੀ ਵੀਡੀਓ ਵੀ ਦੇਖੀ, ਜਿਸ ਨੇ ਉਨ੍ਹਾਂ ਨੂੰ ਸਮਾਜ ਵਿਚ ਧਨਾਤਮਿਕ ਯੋਗਦਾਨ ਪਾਉਣ ਅਤੇ ਏਕਤਾ ਅਤੇ ਸਹਿਯੋਗ ਦੀਆਂ ਮੁੱਲਾਂ ਨੂੰ ਸਾਂਭਣ ਲਈ ਪ੍ਰੋਤਸਾਹਿਤ ਕੀਤਾ | ਸਭਾ ਦਾ ਸਮਾਪਨ ਸ਼ਾਂਤੀ ਦੀ ਸਹੁੰ ਨਾਲ ਹੋਇਆ, ਜਿਸ ਵਿਚ ਸਾਰੇ ਵਿਦਿਆਰਥੀਆਂ ਨੇ ਆਪਣੇ ਪਰਿਵਾਰ, ਸਕੂਲ ਅਤੇ ਸਮਾਜ 'ਚ ਸ਼ਾਂਤੀ ਦੇ ਰਾਜਦੂਤ ਬਣਨ ਦੀ ਗੰਭੀਰ ਸਹੁੰ ਖਾਦੀ | ਸਭਾ ਦੇ ਅਖੀਰ 'ਚ ਪਿ੍ੰਸੀਪਲ ਕ੍ਰਿਸਪਿਨ ਮਾਰੀਆ ਨੇ ਵਿਦਿਆਰਥੀਆਂ ਨੂੰ ਸੰਬੋਧਨ ਕਰਦਿਆਂ ਕਿਹਾ ਕਿ ਸ਼ਾਂਤੀ ਸਿਰਫ਼ ਸ਼ਬਦਾਂ ਵਿਚ ਨਹੀਂ, ਸਗੋਂ ਆਚਰਨ 'ਚ ਵੀ ਹੋਣੀ ਚਾਹੀਦੀ ਹੈ | ਉਨ੍ਹਾਂ ਇਸ ਗੱਲ 'ਤੇ ਵੀ ਜ਼ੋਰ ਦਿੱਤਾ ਕਿ ਸਸਟੇਨਏਬਲ ਡਿਵੈਲਪਮੈਂਟ ਗੋਲਜ਼ ਹਾਸਲ ਕਰਨਾ ਮਨੁੱਖਤਾ ਅਤੇ ਧਰਤੀ ਦੇ ਭਵਿੱਖ ਲਈ ਬਹੁਤ ਜ਼ਰੂਰੀ ਹੈ |
