ਲੁਧਿਆਣਾ, (ਅ.ਬ.) - ਪੈਟਰੋਲੀਅਮ ਅਤੇ ਪ੍ਰਾਕਿ੍ਤਿਕ ਗੈਸ ਨਿਯਾਮਕ ਬੋਰਡ (ਪੀਐਨਜੀਆਰਬੀ) ਵੱਲੋਂ ਏਕੀਕਿ੍ਤ ਸ਼ੁਲਕ ਵਿੱਚ ਸੋਧ ਤੋਂ ਬਾਅਦ ਥਿੰਕ ਗੈਸ ਨੇ ਪੰਜਾਬ ਵਿੱਚ ਪੀਐਨਜੀ ਅਤੇ ਸੀਐਨਜੀ ਦੇ ਮੁੱਲਾਂ ਵਿਚ ਕਟੌਤੀ ਦੀ ਘੋਸ਼ਣਾ ਕੀਤੀ ਹੈ, ਜਿਸ ਨਾਲ ਇਸ ਖੇਤਰ ਵਿਚ ਪਰਿਵਾਰਾਂ ਲਈ ਸਾਫ਼ ਕੂਕਿੰਗ ਅਤੇ ਆਵਾਜਾਈ ਇੰਧਨ ਕਾਫ਼ੀ ਵੱਧ ਕਿਫ਼ਾਇਤੀ ਹੋ ਜਾਵੇਗਾ | ਸੋਧੀਆਂ ਕੀਮਤਾਂ 1 ਜਨਵਰੀ, 2026 ਤੋਂ ਲਾਗੂ ਹੋਣਗੀਆਂ | ਸੋਧੇ ਗਏ ਸ਼ੁਲਕ ਲਾਗੂ ਹੋਣ ਨਾਲ ਘਰੇਲੂ ਉਪਭੋਗਤਾਵਾਂ ਲਈ ਪਾਈਪਡ ਨੈਚੁਰਲ ਗੈਸ (ਪੀਐਨਜੀ) ਦੀ ਕੀਮਤ 2 ਰੁਪਏ ਪ੍ਰਤੀ ਐਸਸੀਐਮ ਘਟ ਕੇ 42 ਰੁਪਏ ਪ੍ਰਤੀ ਸਟੈਂਡਰਡ ਕਿਊਬਕ ਮੀਟਰ (ਐਸਸੀਐਮ) ਰਹਿ ਜਾਵੇਗੀ | ਕੀਮਤਾਂ ਵਿਚ ਕਮੀ ਨਾਲ ਪਰਿਵਾਰਾਂ ਨੂੰ ਵਧੇਰੇ ਬਚਤ ਹੋਵੇਗੀ ਅਤੇ ਰੋਜ਼ਾਨਾ ਖਾਣਾ ਪਕਾਉਣਾ ਹੋਰ ਕਿਫ਼ਾਇਤੀ ਬਣੇਗਾ |
