ਚੰਡੀਗੜ੍ਹ, 31 ਮਈ (ਮਾਰਕੰਡਾ)-ਸ਼ਹੀਦ ਭਗਤ ਸਿੰਘ ਸਮਾਜ ਵਿਗਿਆਨ ਸੁਸਾਇਟੀ ਵਲੋਂ ਸੰਚਾਲਿਤ 'ਨਵੀਂ ਸਵੇਰ ਪਾਠਸ਼ਾਲਾ' ਨੇ ਹੱਲੋਮਾਜਰਾ ਚੰਡੀਗੜ੍ਹ 'ਚ ਇਕ 'ਖੇਡ ਮੁਕਾਬਲਾ' ਕਰਵਾਇਆ, ਜਿਸ 'ਚ ਨੌਜਵਾਨਾਂ ਤੇ ਬੱਚਿਆਂ ਨੇ ਉਤਸ਼ਾਹ ਨਾਲ ਹਿੱਸਾ ਲਿਆ | ਪ੍ਰੋਗਰਾਮ 'ਚ ਕਈ ਤਰ੍ਹਾਂ ਦੀਆਂ ਖੇਡ ਗਤੀਵਿਧੀਆਂ ਜਿਵੇਂ ਕਿ ਹੋਲੀ ਸਾਈਕਲ ਦੌੜ, ਪੁੱਲ-ਅੱਪ, ਬਾਰ ਹੈਂਗਿੰਗ, ਰੱਸਾਕਸ਼ੀ, ਪਲੈਂਕਸ ਤੇ ਪੁਸ਼-ਅੱਪ ਆਦਿ ਕਰਵਾਏ ਗਏ | ਖਿਡਾਰੀਆਂ ਨੇ ਇਨ੍ਹਾਂ ਖੇਡਾਂ 'ਚ ਉਤਸ਼ਾਹ ਨਾਲ ਹਿੱਸਾ ਲਿਆ | ਸਭਾ ਹੱਲੋਮਾਜਰਾ ਦੇ ਨੌਜਵਾਨਾਂ ਨੂੰ ਨਸ਼ਿਆਂ ਤੋਂ ਦੂਰ ਰੱਖਣ ਦੇ ਉਦੇਸ਼ ਨਾਲ ਇਹ ਖੇਡ ਮੁਕਾਬਲੇ ਕਰਵਾਏ ਗਏ | ਇਨ੍ਹਾਂ ਪ੍ਰੋਗਰਾਮਾਂ ਰਾਹੀਂ ਨੌਜਵਾਨਾਂ ਨੂੰ ਨਸ਼ਿਆਂ ਤੋਂ ਦੂਰ ਇਕ ਬਿਹਤਰ ਸਮਾਜ ਵੱਲ ਵਧਣ ਦਾ ਮੌਕਾ ਮਿਲੇਗਾ | ਮੁਕਾਬਲਿਆਂ 'ਚੋਂ ਜੇਤੂ ਨੌਜਵਾਨਾਂ ਨੂੰ ਸਨਮਾਨਿਤ ਕੀਤਾ ਗਿਆ |
