ਮਲਕਪੁਰ-ਜਿਊਲੀ ਸੰਪਰਕ ਸੜਕ ਦੀ ਹਾਲਤ ਖਸਤਾ ਹੋਣ ਕਾਰਨ ਰਾਹਗੀਰ ਪ੍ਰੇਸ਼ਾਨ <br/>

ਅ

ਅਜੀਤ ਡੈਸਕ 03-06-2025

ਲਾਲੜੂ, 2 ਜੂਨ (ਰਾਜਬੀਰ ਸਿੰਘ)-ਮਲਕਪੁਰ-ਜਿਊਲੀ ਸੰਪਰਕ ਸੜਕ ਪੰਜਾਬ ਸਰਕਾਰ ਲਈ ਬੀਰਬਲ ਦੀ ਖਿੱਚੜੀ ਬਣ ਗਈ ਹੈ, ਜਿਸ ਨੂੰ ਹਾਲੇ ਤੱਕ ਨਹੀਂ ਬਣਾਇਆ ਗਿਆ | ਇਸ ਸੜਕ 'ਚ ਥਾਂ-ਥਾਂ ਪਏ ਟੋਇਆਂ ਨੇ ਰਾਹਗੀਰਾਂ ਤੇ ਵਾਹਨ ਚਾਲਕਾਂ ਨੂੰ ਭਾਰੀ ਪ੍ਰੇਸ਼ਾਨੀਆਂ 'ਚ ਪਾਇਆ ਹੋਇਆ ਹੈ | ਰਾਹਗੀਰਾਂ ਦਾ ਕਹਿਣਾ ਹੈ ਕਿ ਪਿੰਡ ਮਲਕਪੁਰ ਨੂੰ ਜਿਊਲੀ ਨਾਲ ਜੋੜਨ ਵਾਲੀ ਕਰੀਬ 2 ਕਿੱਲੋਮੀਟਰ ਸੜਕ ਦਾ ਟੋਟਾ ਪੰਜਾਬ ਸਰਕਾਰ ਲਈ ਜੀਅ ਦਾ ਜੰਜਾਲ ਬਣ ਗਿਆ ਹੈ | ਉਨ੍ਹਾਂ ਦੱਸਿਆ ਕਿ ਉਕਤ ਸੜਕ ਦੀ ਮਿਆਦ ਵੀ 2 ਸਾਲ ਪਹਿਲਾਂ ਖ਼ਤਮ ਹੋ ਚੁੱਕੀ ਹੈ, ਪਰ ਸੂਬਾ ਸਰਕਾਰ ਇਸ ਸੜਕ ਵੱਲ ਉੱਕਾ ਹੀ ਧਿਆਨ ਨਹੀਂ ਦੇ ਰਹੀ | ਇਸ ਸੜਕ ਰਾਹੀਂ ਆਉਣ-ਜਾਣ ਵਾਲੇ ਪਿੰਡਾਂ ਦੇ ਲੋਕਾਂ ਦਾ ਕਹਿਣਾ ਹੈ ਕਿ ਸੜਕ ਦੀ ਖਸਤਾ ਹਾਲਤ ਕਾਰਨ ਉਨ੍ਹਾਂ ਨੇ ਲਾਲੜੂ ਮੰਡੀ ਜਾਣ ਲਈ ਰਸਤਾ ਹੀ ਬਦਲ ਲਿਆ ਹੈ ਅਤੇ ਹੁਣ ਉਹ ਆਪਣੇ ਵਾਹਨਾਂ ਰਾਹੀਂ ਪਿੰਡ ਜੌਲਾ ਕਲਾਂ ਨੂੰ ਘੁੰਮ ਕੇ ਲਾਲੜੂ ਮੰਡੀ ਜਾਂਦੇ ਹਨ | ਦਰਜਨਾਂ ਪਿੰਡਾਂ ਨੂੰ ਲਾਲੜੂ ਸ਼ਹਿਰ ਨਾਲ ਜੋੜਦੀ ਇਸ ਸੜਕ ਰਾਹੀਂ ਰੋਜ਼ਾਨਾ ਵੱਡੀ ਤਾਦਾਦ 'ਚ ਵਾਹਨ ਗੁਜਰਦੇ ਸਨ, ਪਰ ਹੁਣ ਇਸ ਦੀ ਹਾਲਤ ਜ਼ਿਆਦਾ ਮਾੜੀ ਹੋਣ ਕਾਰਨ 30 ਫ਼ੀਸਦੀ ਆਵਾਜਾਈ ਹੀ ਰਹਿ ਗਈ ਹੈ |
ਰਾਹਗੀਰਾਂ ਦਾ ਕਹਿਣਾ ਹੈ ਕਿ ਉਨ੍ਹਾਂ ਨੂੰ ਹੁਣ ਲਾਲੜੂ ਸ਼ਹਿਰ ਜਾਣ ਲਈ ਕਰੀਬ 4 ਕਿੱਲੋਮੀਟਰ ਦਾ ਵਾਧੂ ਰਸਤਾ ਤੈਅ ਕਰਨਾ ਪੈ ਰਿਹਾ ਹੈ | ਪਿੰਡਾਂ ਦੇ ਲੋਕਾਂ ਤੇ ਮਾਈ ਭਾਗੋ ਸੁਸਾਇਟੀ ਨੇ ਉਕਤ ਸੜਕ ਨੂੰ ਜਲਦ ਬਣਾਉਣ ਦੀ ਮੰਗ ਕੀਤੀ ਹੈ ਤਾਂ ਜੋ ਉਨ੍ਹਾਂ ਨੂੰ ਸ਼ਹਿਰ ਆਉਣ-ਜਾਣ ਵੇਲੇ ਕਿਸੇ ਤਰ੍ਹਾਂ ਦੀ ਪ੍ਰੇਸ਼ਾਨੀ ਨਾ ਝੱਲਣੀ ਪਵੇ | ਓਧਰ ਦੂਜੇ ਪਾਸੇ ਇਸ ਸੰਬੰਧੀ ਸੰਪਰਕ ਕਰਨ 'ਤੇ ਪੰਜਾਬ ਮੰਡੀ ਬੋਰਡ ਮੁਹਾਲੀ ਦੇ ਜੇ. ਈ. ਵਿਕਾਸ ਚੌਧਰੀ ਨੇ ਕਿਹਾ ਕਿ ਮਲਕਪੁਰ-ਜਿਊਲੀ ਸੰਪਰਕ ਸੜਕ ਦੀ ਪ੍ਰਪੋਜ਼ਲ ਭੇਜੀ ਹੋਈ ਹੈ ਅਤੇ ਜਦੋਂ ਵੀ ਪ੍ਰਪੋਜ਼ਲ ਪਾਸ ਹੋਵੇਗੀ ਤਾਂ ਕੰਮ ਸ਼ੁਰੂ ਕਰਵਾ ਦਿੱਤਾ ਜਾਵੇਗਾ |

ਪਿਛਲੀ ਖ਼ਬਰ ਗੁਰਦੁਆਰਾ ਸ੍ਰੀ ਗੁਰੂ ਸਿੰਘ ਸਭਾ ਸੈਕਟਰ-79 ਵਿਖੇ 15 ਰੋਜ਼ਾ ਵਿਸ਼ੇਸ਼ ਟ੍ਰੇਨਿੰਗ ਕੈਂਪ ਦੀ ਸ਼ੁਰੂਆਤ <br/> ਅਗਲੀ ਖ਼ਬਰ ਸੂਬੇ ਦੇ ਨਿੱਜੀ ਸਪੋਰਟਸ ਕਾਲਜਾਂ 'ਚ ਪੰਜਾਬੀ ਵਿਦਿਆਰਥੀਆਂ ਦੀ ਗਿਣਤੀ ਨਾਂਹ ਦੇ ਬਰਾਬਰ <br/>

ਮਲਕਪੁਰ-ਜਿਊਲੀ ਸੰਪਰਕ ਸੜਕ ਦੀ ਹਾਲਤ ਖਸਤਾ ਹੋਣ ਕਾਰਨ ਰਾਹਗੀਰ ਪ੍ਰੇਸ਼ਾਨ <br/>

ਸੰਬੰਧਿਤ ਖ਼ਬਰਾਂ