17-11-2026
ਅੱਖਰ:
Ad Position 18 No active advertisement
ਵਿਚਾਰ ਪ੍ਰਵਾਹ
ਪ੍ਰਕਾਸ਼ਿਤ: 27-09-2025

ਪੰਜਾਬ ਸਰਕਾਰ ਹਰੀ ਊਰਜਾ ਤੇ ਟਿਕਾਊ ਸ਼ਹਿਰੀ ਵਿਕਾਸ ਨੂੰ ਆਪਣੀਆਂ ਤਰਜੀਹਾਂ ਦੇ ਸਿਖਰ 'ਤੇ ਰੱਖ ਕੇ ਅੱਗੇ ਵਧ ਰਹੀ ਹੈ- ਅਮਨ ਅਰੋੜਾ <br/>

Ad Position 21
No active advertisement
ਅਜੀਤ ਡੈਸਕ 27-09-2025
ਚੰਡੀਗੜ੍ਹ, 26 ਸਤੰਬਰ (ਅਜੀਤ ਬਿਊਰੋ)-ਬਿ੍ਕਸ ਸੀ.ਸੀ.ਆਈ. ਇਨਫਰਾਕੋਨ ਚੰਡੀਗੜ੍ਹ ਦੇ ਹਯਾਤ ਸੈਂਟਰਿਕ ਵਿਖੇ ਕਰਵਾਇਆ ਗਿਆ | ਚੈਂਬਰ ਆਫ਼ ਕਾਮਰਸ ਐਂਡ ਇੰਡਸਟਰੀ ਦੁਆਰਾ ਕਰਵਾਈ ਗਈ ਇਸ ਕਾਨਫ਼ਰੰਸ ਵਿਚ ਭਾਰਤ ਅਤੇ ਵਿਦੇਸ਼ਾਂ ਦੀਆਂ ਪ੍ਰਮੁੱਖ ਸ਼ਖ਼ਸੀਅਤਾਂ ਨੇ ਸ਼ਿਰਕਤ ਕੀਤੀ | ਇਸ ਸਮਾਗਮ ਦਾ ਰਸਮੀ ਉਦਘਾਟਨ ਦੀਪਕ ਸ਼ੁਕਲਾ (ਖੇਤਰੀ ਪ੍ਰਧਾਨ, ਬਿ੍ਕਸ ਸੀ.ਸੀ.ਆਈ ਚੰਡੀਗੜ੍ਹ ਚੈਪਟਰ) ਦੁਆਰਾ ਸਵਾਗਤੀ ਨੋਟ ਨਾਲ ਕੀਤਾ ਗਿਆ | ਇਸ ਤੋਂ ਬਾਅਦ, ਸਮੀਪ ਸ਼ਾਸਤਰੀ (ਵਾਈਸ ਚੇਅਰਮੈਨ, ਬਿ੍ਕਸ ਸੀ.ਸੀ.ਆਈ) ਨੇ ਆਪਣੇ ਭਾਸ਼ਣ 'ਚ ਕਾਨਫਰੰਸ ਦੀ ਮਹੱਤਤਾ 'ਤੇ ਚਾਨਣਾ ਪਾਇਆ | ਪ੍ਰਾਣਨ ਸ਼ਰਮਾ (ਪ੍ਰਧਾਨ, ਬਿ੍ਕਸ ਸੀ.ਸੀ.ਆਈ. ਹੈਲਥਕੇਅਰ ਵਰਟੀਕਲ ਅਤੇ ਬਿ੍ਜਡ ਫਾਰ ਹੈਲਥਕੇਅਰ ਸਟਰੈਟਜੀ) ਨੇ ਇਕ ਵਿਸ਼ੇਸ਼ ਭਾਸ਼ਣ ਦਿੱਤਾ, ਜਿਸ 'ਚ ਵਿਸ਼ਵ-ਵਿਆਪੀ ਬੁਨਿਆਦੀ ਢਾਂਚੇ 'ਚ ਸਿਹਤ ਅਤੇ ਨਵੀਨਤਾ ਦੀ ਭੂਮਿਕਾ 'ਤੇ ਜ਼ੋਰ ਦਿੱਤਾ ਗਿਆ |
ਦੀਵਾ ਜਗਾਉਣ ਤੋਂ ਬਾਅਦ, ਮੁੱਖ ਮਹਿਮਾਨ ਅਮਨ ਅਰੋੜਾ (ਕੈਬਨਿਟ ਮੰਤਰੀ, ਸੂਚਨਾ ਅਤੇ ਲੋਕ ਸੰਪਰਕ, ਪੰਜਾਬ ਸਰਕਾਰ) ਨੇ ਸ਼ਹਿਰੀ ਵਿਕਾਸ ਅਤੇ ਨਵਿਆਉਣਯੋਗ ਊਰਜਾ ਦੇ ਖੇਤਰਾਂ ਵਿਚ ਪੰਜਾਬ ਸਰਕਾਰ ਦੀਆਂ ਪ੍ਰਾਪਤੀਆਂ ਸਾਂਝੀਆਂ ਕੀਤੀਆਂ | ਉਨ੍ਹਾਂ ਕਿਹਾ ਕਿ ਪੰਜਾਬ ਸਰਕਾਰ ਹਰੀ ਊਰਜਾ ਅਤੇ ਟਿਕਾਊ ਸ਼ਹਿਰੀ ਵਿਕਾਸ ਨੂੰ ਆਪਣੀਆਂ ਤਰਜੀਹਾਂ ਦੇ ਸਿਖਰ 'ਤੇ ਰੱਖ ਕੇ ਅੱਗੇ ਵਧ ਰਹੀ ਹੈ | ਰਾਜ ਨੇ ਨਵਿਆਉਣਯੋਗ ਊਰਜਾ ਪ੍ਰੋਜੈਕਟਾਂ, ਸੂਰਜੀ ਊਰਜਾ ਪਲਾਂਟਾਂ ਅਤੇ ਸਮਾਰਟ ਸਿਟੀ ਮਿਸ਼ਨ ਅਧੀਨ ਮਹੱਤਵਪੂਰਨ ਤਰੱਕੀ ਕੀਤੀ ਹੈ | ਸਾਡਾ ਟੀਚਾ ਨਾ ਸਿਰਫ਼ ਆਧੁਨਿਕ ਬੁਨਿਆਦੀ ਢਾਂਚਾ ਬਣਾਉਣਾ ਹੈ, ਸਗੋਂ ਭਵਿੱਖ ਦੀਆਂ ਪੀੜ੍ਹੀਆਂ ਨੂੰ ਲਾਭ ਪਹੁੰਚਾਉਣ ਵਾਲੇ ਵਿਕਾਸ ਨੂੰ ਯਕੀਨੀ ਬਣਾਉਣਾ ਵੀ ਹੈ | ਵਿਸ਼ੇਸ਼ ਮਹਿਮਾਨ ਹਰਪ੍ਰੀਤ ਕੌਰ ਬਬਲਾ (ਮੇਅਰ, ਚੰਡੀਗੜ੍ਹ), ਨੇ ਭਾਗੀਦਾਰਾਂ ਨੂੰ ਇਕ ਪ੍ਰੇਰਨਾਦਾਇਕ ਭਾਸ਼ਣ ਦਿੱਤਾ | ਰੂਸ, ਦੱਖਣੀ ਅਫਰੀਕਾ, ਕਜ਼ਾਕਿਸਤਾਨ, ਇਥੋਪੀਆ ਅਤੇ ਹੋਰ ਦੇਸ਼ਾਂ ਦੇ ਡਿਪਲੋਮੈਟਾਂ ਅਤੇ ਉਦਯੋਗ ਪ੍ਰਤੀਨਿਧੀਆਂ ਨੇ ਕਾਨਫ਼ਰੰਸ ਦੇ ਮੁੱਖ ਸੈਸ਼ਨ, ਭਵਿੱਖ ਦੇ ਬੁਨਿਆਦੀ ਢਾਂਚੇ ਲਈ ਟਿਕਾਊ ਵਿਕਾਸ ਅਤੇ ਤਕਨਾਲੋਜੀ ਵਿਚ ਆਪਣੇ ਵਿਚਾਰ ਪੇਸ਼ ਕੀਤੇ | ਇਸ ਤੋਂ ਬਾਅਦ, ਹਰਿਆਣਾ ਰੇਰਾ ਦੇ ਚੇਅਰਮੈਨ ਪਰਨੀਤ ਸਚਦੇਵ ਨੇ ਇਕ ਮੁੱਖ ਭਾਸ਼ਣ ਦਿੱਤਾ | ਟਾਊਨਸ਼ਿਪਾਂ ਤੇ ਲਗਜ਼ਰੀ ਘਰਾਂ ਦੇ ਭਵਿੱਖ 'ਤੇ ਇਕ ਪੈਨਲ ਚਰਚਾ ਹੋਈ, ਜਿੱਥੇ ਵੱਖ-ਵੱਖ ਮਾਹਰਾਂ ਨੇ ਆਪਣੇ ਵਿਚਾਰ ਸਾਂਝੇ ਕੀਤੇ | ਓਮੈਕਸ ਲਿਮਟਿਡ ਦੇ ਡਾਇਰੈਕਟਰ ਅੰਕੁਰ ਗੁਪਤਾ ਨੇ ਇਕ ਪੇਸ਼ਕਾਰੀ ਦਿੱਤੀ ਅਤੇ ਮਾਹਿਰਾਂ ਨੇ ਵਿੱਤ ਮਾਡਲਾਂ 'ਤੇ ਆਪਣੇ ਵਿਚਾਰ ਸਾਂਝੇ ਕੀਤੇ |

Ad Position 22
No active advertisement
ਪਿਛਲੀ ਖ਼ਬਰ ਐਂਟੀ ਇਮੀਗ੍ਰੇਸ਼ਨ ਫ੍ਰਾਡ ਯੂਨਿਟ ਨੇ ਠੱਗੀ ਦੇ ਮਾਮਲੇ 'ਚ ਤੀਜੇ ਮੁਲਜ਼ਮ ਨੂੰ ਕੀਤਾ ਗਿ੍ਫ਼ਤਾਰ <br/> ਅਗਲੀ ਖ਼ਬਰ ਚੋਰੀ ਤੇ ਲੁੱਟ ਦੀਆਂ ਵਾਰਦਾਤਾਂ ਸੰਬੰਧੀ ਦੋ ਐੱਫ. ਆਈ. ਆਰ. ਦਰਜ <br/>
Ad Position 24