ਚੰਡੀਗੜ੍ਹ 19 ਦਸੰਬਰ (ਅ. ਬ.)-ਭਾਰਤ ਦੇ ਸਭ ਤੋਂ ਵੱਡੇ ਜਿਊਲਰੀ ਰਿਟੇਲ ਬਰਾਂਡ ਤੇ ਟਾਟਾ ਗਰੁੱਪ ਦੇ ਹਿੱਸੇ ਤਨਿਸ਼ਕ ਨੇ ਚੰਡੀਗੜ੍ਹ ਦੇ 'ਦ ਲਲਿਤ' ਵਿਚ ਆਪਣੇ ਚੁਣਿੰਦੇ ਗਾਹਕਾਂ ਲਈ ਇਕ ਵਿਸ਼ੇਸ਼ 'ਇਨਵਾਈਟਓਨਲੀ' ਸ਼ਾਮ ਦਾ ਆਯੋਜਨ ਕੀਤਾ | ਪ੍ਰੋਗਰਾਮ ਦੇਸ਼ ਦੇ ਕੁਝ ਮੁੱਖ ਸ਼ਹਿਰਾਂ 'ਚ ਆਯੋਜਿਤ ਕੀਤੀ ਖ਼ਾਸ ਲੜੀ ਦਾ ਹਿੱਸਾ ਸੀ | ਇਸ ਸ਼ਾਮ ਦਾ ਮੁੱਖ ਉਦੇਸ਼ 'ਡਾਇਮੰਡ ਐਕਸਪਰਟੀਜ਼ ਸੈਂਟਰ' ਰਾਹੀਂ ਗਾਹਕਾਂ ਨੂੰ ਕੁਦਰਤੀ ਹੀਰਿਆਂ ਬਾਰੇ ਗਹਿਰੀ ਜਾਣਕਾਰੀ ਦੇਣਾ ਸੀ | ਇਸ ਨਾਲ ਨਾਲ, ਤਨਿਸ਼ਕ ਨੇ ਆਪਣੀ ਆਧੁਨਿਕ ਡਿਜ਼ਾਈਨ ਮਹਾਨਤਾ ਤੇ ਬੇਮਿਸਾਲ ਕਾਰੀਗਰੀ ਦਾ ਪ੍ਰਦਰਸ਼ਨ ਵੀ ਕੀਤਾ | ਸ਼ਾਮ ਦਾ ਮੁੱਖ ਕੇਂਦਰ ਬਿੰਦੂ ਸੀਤਨਿਸ਼ਕ ਡਾਇਮੰਡ ਐਕਸਪਰਟੀਜ਼ ਸੈਂਟਰ | ਇਹ ਬਰਾਂਡ ਦੀ ਪਾਰਦਰਸ਼ਤਾ ਤੇ ਗਾਹਕ ਜਾਗਰੂਕਤਾ ਦੇ ਪ੍ਰਤੀ ਵਚਨਬੱਧਤਾ ਦਾ ਇਕ ਮਹੱਤਵਪੂਰਨ ਸਤੰਭ ਹੈ, ਤਾਂ ਜੋ ਗਾਹਕ ਪੂਰੀ ਜਾਣਕਾਰੀ ਤੇ ਭਰੋਸੇ ਨਾਲ ਹੀਰੇ ਖ਼ਰੀਦ ਸਕਣ | ਪ੍ਰੋਗਰਾਮ 'ਚ ਡਾਇਮੰਡ ਐਕਸਪਰਟੀਜ਼ ਸੈਂਟਰ ਦਾ ਵਿਸ਼ੇਸ਼ ਜ਼ੋਨ ਤਿਆਰ ਕੀਤਾ, ਜਿਥੇ ਮਾਹਰਾਂ ਨੇ ਮਹਿਮਾਨਾਂ ਨੂੰ ਵੱਖਵੱਖ ਪੜਾਅ 'ਚ ਲੈ ਜਾ ਕੇ ਹੀਰਿਆਂ ਦੀ ਕੁਆਲਿਟੀ ਅਤੇ ਪੈਰਾਮੀਟਰ ਬਾਰੇ ਵਿਸਥਾਰ ਨਾਲ ਜਾਣਕਾਰੀ ਦਿੱਤੀ | ਮਹਿਮਾਨਾਂ ਨੇ ਮਾਹਰਾਂ ਦੇ ਸਹਿਯੋਗ ਨਾਲ ਖ਼ੁਦ ਹੀਰਿਆਂ ਦੀ ਜਾਂਚ ਕੀਤੀ ਤੇ ਬਰੀਕੀਆਂ ਨੂੰ ਸਮਝਿਆ | ਪੰਜ ਆਧੁਨਿਕ ਨੈਦਾਨਿਕ ਉਪਕਰਨਲਾਈਟਸਕੋਪ, ਸਿੰਥਡਿਟੈਕਟ, ਹਾਰਟਸ ਐਂਡ ਐਰੋ ਵੀਊਅਰ, ਗਰਡਲ ਮਾਰਕਿੰਗ ਵੀਊਅਰ ਅਤੇ ਇਨਕਲੂਸ਼ਨ ਵੀਊਅਰ ਨਾਲ ਲੈਸ ਇਹ ਸੈਂਟਰ ਗਾਹਕਾਂ ਨੂੰ ਹੀਰਿਆਂ ਦੀ ਲਾਈਟ ਪਰਫ਼ਾਰਮੈਂਸ, ਅਸਲੀਅਤ, ਸਮਰੂਪਤਾ ਤੇ ਇਨਕਲੂਸ਼ਨ ਦੀ ਜਾਂਚ ਵਿਗਿਆਨਕ ਢੰਗ ਨਾਲ ਕਰਨ ਯੋਗ ਬਣਾਉਂਦਾ ਹੈ | ਇਸ ਤਰੀਕੇ ਨਾਲ, ਗਾਹਕ ਮੌਖਿਕ ਭਰੋਸੇ ਦੀ ਬਜਾਏ ਵਿਗਿਆਨ ਤੇ ਪਾਰਦਰਸ਼ਤਾ ਨਾਲ ਹੀਰਿਆਂ ਦੀ ਸ਼ੁੱਧਤਾ ਦੇਖ ਸਕਦੇ ਹਨ, ਜਿਸ ਨਾਲ ਖ਼ਰੀਦ ਫ਼ੈਸਲੇ ਵਿਚ ਵਧੀਆ ਵਿਸ਼ਵਾਸ ਬਣਦਾ ਹੈ |
