ਨੰਗਲ, 31 ਮਈ (ਪ੍ਰੀਤਮ ਸਿੰਘ ਬਰਾਰੀ)-ਜ਼ਿਲ੍ਹਾ ਸਿਵਲ ਤੇ ਪੁਲਿਸ ਪ੍ਰਸ਼ਾਸਨ ਵਲੋਂ ਅੱਜ ਰਾਤ 8 ਵਜੇ ਤੋਂ 8.15 ਵਜੇ ਤੱਕ ਨੰਗਲ ਸ਼ਹਿਰ 'ਚ ਬਲੈਕ ਆਊਟ ਅਭਿਆਸ ਦੇ ਦਿੱਤੇ ਗਏ ਨਿਰਦੇਸ਼ਾਂ ਦੀ ਸ਼ਹਿਰ ਵਾਸੀਆਂ ਵਲੋਂ ਮੁਕੰਮਲ ਹਮਾਇਤ ਕੀਤੀ ਗਈ | ਸ਼ਹਿਰ ਵਾਸੀਆਂ ਵਲੋਂ ਜਿਥੇ ਆਪੋ ਆਪਣੇ ਘਰਾਂ ਤੇ ਦੁਕਾਨਾਂ ਦੀਆਂ ਬੱਤੀਆਂ ਬੰਦ ਰੱਖੀਆਂ ਗਈਆਂ ਉਥੇ ਹੀ ਰਾਹਗੀਰਾਂ ਵਲੋਂ ਵੀ ਆਪੋ ਆਪਣੇ ਵਾਹਨ ਮੁੱਖ ਸੜਕਾਂ 'ਤੇ ਖੜੇ੍ਹ ਕਰਕੇ ਬੱਤੀਆਂ ਬੰਦ ਕਰਕੇ ਪ੍ਰਸ਼ਾਸਨਿਕ ਹੁਕਮਾਂ ਦੀ ਕਾਫੀ ਹੱਦ ਤੱਕ ਪਾਲਣਾ ਕੀਤੀ ਗਈ, ਪਰ ਕੁੱਝ ਗੈਰ ਜ਼ਿੰਮੇਵਾਰਾਨਾ ਲੋਕਾਂ ਵਲੋਂ ਆਪਣੇ ਵਾਹਨਾਂ ਦੀਆਂ ਲਾਈਟਾਂ ਜਗਾ ਕੇ ਪ੍ਰਸ਼ਾਸਨਿਕ ਹੁਕਮਾਂ ਦੀਆਂ ਧੱਜੀਆਂ ਵੀ ਉਡਾਈਆਂ ਗਈਆਂ | ਇਥੋਂ ਤੱਕ ਕੇ ਇਲਾਕੇ ਦੇ ਕੁੱਝ ਦੁਕਾਨਦਾਰਾਂ ਵਲੋਂ ਲਗਾਏ ਇਨਵਰਟਰ ਰਾਹੀਂ ਚੱਲਦੀਆਂ ਲਾਈਟਾਂ ਵੀ 15 ਮਿੰਟ ਲਈ ਬੰਦ ਨਹੀਂ ਕੀਤੀਆਂ ਗਈਆਂ |
