20-11-2026
ਅੱਖਰ:
Ad Position 18 No active advertisement
ਵਿਚਾਰ ਪ੍ਰਵਾਹ
ਪ੍ਰਕਾਸ਼ਿਤ: 04-06-2025

ਪਿੰਡ ਰੰਗੀਲਪੁਰ 'ਚ ਪਿਛਲੇ ਦੋ ਸਰਪੰਚਾਂ 'ਤੇ ਮਿਲੀ ਭੁਗਤ ਨਾਲ ਪੰਜ ਕਰੋੜ ਦੇ ਕਰੀਬ ਘਪਲੇਬਾਜ਼ੀ ਦੇ ਦੋਸ਼ <br/>

Ad Position 21
No active advertisement
ਅਜੀਤ ਡੈਸਕ 04-06-2025
ਰੂਪਨਗਰ, 3 ਜੂਨ (ਸਤਨਾਮ ਸਿੰਘ ਸੱਤੀ)-ਰੂਪਨਗਰ ਨੇੜਲੇ ਪਿੰਡ ਰੰਗੀਲਪੁਰ 'ਚ ਪਿਛਲੇ ਸਮੇਂ ਦੌਰਾਨ ਗ੍ਰਾਮ ਪੰਚਾਇਤ ਦੇ ਦੋ ਸਰਪੰਚਾਂ 'ਤੇ ਮਿਲੀ ਭੁਗਤ ਨਾਲ ਲਗਪਗ ਪੰਜ ਕਰੋੜ ਰੁਪਏ ਦੇ ਘਪਲੇ ਦਾ ਦੋਸ਼ ਲਗਾਇਆ ਗਿਆ ਹੈ ਤੇ ਇਸ ਮਾਮਲੇ ਦੀ ਜ਼ਿਲ੍ਹਾ ਪ੍ਰਸ਼ਾਸਨ ਰੂਪਨਗਰ ਤੋਂ ਉੱਚ ਪੱਧਰੀ ਜਾਂਚ ਦੀ ਮੰਗ ਕੀਤੀ ਗਈ ਹੈ | ਰੂਪਨਗਰ ਪੈੱ੍ਰਸ ਕਲੱਬ 'ਚ ਸੱਦੀ ਇਕ ਪ੍ਰੈੱਸ ਕਾਨਫ਼ਰੰਸ ਦੌਰਾਨ ਪਿੰਡ ਦੇ ਸਰਪੰਚ ਜਗਮੋਹਨ ਸਿੰਘ ਤੇ ਹੋਰ ਮੁਹਤਬਰਾਂ ਨੇ ਪਿੰਡ ਦੇ ਦੋ ਸਾਬਕਾ ਸਰਪੰਚਾਂ 'ਤੇ ਸਾਲ 2008 ਤੋਂ ਲੈ ਕੇ 2018 ਦੌਰਾਨ ਪਿੰਡ ਦੇ ਵੱਖ-ਵੱਖ ਵਿਕਾਸ ਕਾਰਜਾਂ ਦੇ ਨਾਂਅ 'ਤੇ ਲਗਪਗ ਪੰਜ ਕਰੋੜ ਰੁਪਏ ਦਾ ਘਪਲਾ ਕਰਨ ਦੇ ਦੋਸ਼ ਲਗਾਉਂਦਿਆਂ ਦੱਸਿਆ ਕਿ ਉੱਚ ਅਧਿਕਾਰੀਆਂ ਵਲੋਂ ਜ਼ਾਹਿਰ ਕੀਤੀ ਘਪਲੇਬਾਜ਼ੀ ਦੇ ਬਾਵਜੂਦ ਇਹ ਸਰਪੰਚ ਲੰਬਾ ਸਮਾਂ ਬੀਤ ਜਾਣ ਕਾਰਨ ਅਦਾਲਤ ਤੋਂ ਸਿਸਟਮ ਦੀਆਂ ਘੁੰਡੀਆਂ ਦਾ ਲਾਹਾ ਲੈਂਦੇ ਰਹੇ ਹਨ ਜਦ ਕਿ ਵਧੀਕ ਡਿਪਟੀ ਕਮਿਸ਼ਨਰ ਨੇ ਜਾਂਚ ਕਰਕੇ ਸ਼ਰੇਆਮ ਕਰੀਬ 5 ਕਰੋੜ ਰੁਪਏ ਦੀ ਘਪਲੇਬਾਜ਼ੀ ਨੰਗੀ ਕਰ ਦਿੱਤੀ ਸੀ ਪਰ ਅੱਜ ਤੱਕ ਇਸ ਮਾਮਲੇ 'ਤੇ ਕੋਈ ਕਾਰਵਾਈ ਨਹੀਂ ਹੋ ਸਕੀ | ਉਨ੍ਹਾਂ ਦੱਸਿਆ ਕਿ ਪਿੰਡ 'ਚ ਪਹਿਲਾਂ ਜਨਰਲ ਕੈਟਾਗਰੀ ਦੇ ਇਸ ਸਰਪੰਚ 'ਤੇ ਘਪਲੇਬਾਜ਼ੀ ਦੇ ਦੋਸ਼ ਲੱਗੇ ਫੇਰ ਜਦੋਂ ਇਥੇ ਸੀਟ ਰਿਜ਼ਰਵ ਹੋ ਗਈ ਤਾਂ ਇਕ ਮਹਿਲਾ ਸਰਪੰਚ ਬਣ ਗਈ ਪਰ ਸਾਰਾ ਕੰਮ ਫੇਰ ਇਹੀ ਸਰਪੰਚ ਮਿਲਜੁਲ ਕੇ ਕਰਦਾ ਰਿਹਾ, ਜਿਸ 'ਤੇ ਫਿਰ ਘਪਲੇਬਾਜ਼ੀ ਦੇ ਦੋਸ਼ ਲੱਗੇ ਸਨ | ਉਨ੍ਹਾਂ ਦੱਸਿਆ ਕਿ ਪਿੰਡ ਦੇ ਸੀਵਰੇਜ ਟਰੀਟਮੈਂਟ ਪਲਾਂਟ, ਪੰਚਾਇਤੀ ਫ਼ਰਨੀਚਰ, ਕਮਿਊਨਿਟੀ ਸੈਂਟਰ, ਸਕੂਲ ਦੀ ਇਮਾਰਤ ਤੇ ਮਨਰੇਗਾ ਆਦਿ ਦੇ ਕਾਰਜਾਂ ਵਿਚ ਭਾਰੀ ਘਪਲੇਬਾਜ਼ੀ ਕੀਤੀ ਗਈ ਹੈ | ਉਨ੍ਹਾਂ ਪੈੱ੍ਰਸ ਕਾਨਫ਼ਰੰਸ ਦੌਰਾਨ ਪਿਛਲੇ ਕਾਰਜਕਾਲ ਦੇ ਇਨ੍ਹਾਂ ਸਰਪੰਚਾਂ ਵਿਰੁੱਧ ਦਸਤਾਵੇਜ਼ਾਂ ਦਾ ਇਕ ਠੋਸ ਪੁਲੰਦਾ ਵੀ ਪੇਸ਼ ਕੀਤਾ, ਜਿਸ ਰਾਹੀਂ ਘਪਲੇ ਹੋਣ ਦੀ ਜਾਣਕਾਰੀ ਮਿਲਦੀ ਹੈ | ਉਨ੍ਹਾਂ ਵਧੀਕ ਡਿਪਟੀ ਕਮਿਸ਼ਨਰ ਰੂਪਨਗਰ ਸ੍ਰੀਮਤੀ ਦੀਪ ਸ਼ਿਖਾ ਵਲੋਂ ਸਾਬਕਾ ਸਰਪੰਚਾਂ ਵਿਰੁੱਧ ਜਾਰੀ ਕੀਤੀ ਇਕ ਰਿਪੋਰਟ ਵੀ ਦਿਖਾਈ, ਜਿਸ 'ਚ ਇਨ੍ਹਾਂ ਦੋਵਾਂ ਸਰਪੰਚਾਂ ਖ਼ਿਲਾਫ਼ ਰਿਕਵਰੀ ਕੀਤੀ ਜਾਣੀ ਸੀ ਪਰ ਮਾਮਲਾ ਅੱਗੇ ਨਹੀਂ ਵਧ ਸਕਿਆ | ਉਨ੍ਹਾਂ ਕਿਹਾ ਕਿ ਇਸ ਘਪਲੇਬਾਜ਼ੀ 'ਚ ਸਰਪੰਚਾਂ ਦੇ ਨਾਲ ਪੰਚਾਇਤ ਵਿਭਾਗ ਦੇ ਕੁਝ ਅਧਿਕਾਰੀ ਵੀ ਸ਼ਾਮਿਲ ਦੱਸੇ ਜਾਂਦੇ ਹਨ ਜੇਕਰ ਇਸ ਮਾਮਲੇ ਦੀ ਉੱਚ ਪੱਧਰੀ ਜਾਂਚ ਹੋਈ ਤਾਂ ਉਹ ਤੇ ਉਨ੍ਹਾਂ ਦੇ ਸਾਥੀ ਅਧਿਕਾਰੀਆਂ ਨੂੰ ਸਹਿਯੋਗ ਦੇਣਗੇ | ਸਿਸਟਮ ਦੀਆਂ ਪੇਚੀਦਗੀਆਂ ਕਾਰਨ ਪਿਛਲੀਆਂ ਪੰਚਾਇਤ ਚੋਣਾਂ ਦੌਰਾਨ ਸਰਪੰਚ ਸੁਨੀਲ ਕੁਮਾਰ ਨੂੰ ਸਰਪੰਚ ਐਲਾਨਿਆ ਗਿਆ ਸੀ ਪਰ ਮੌਜੂਦਾ ਸਰਪੰਚ ਜਗਮੋਹਨ ਸਿੰਘ ਨੇ ਇਸ ਨੂੰ ਐਸ. ਡੀ. ਐਮ. ਰੂਪਨਗਰ ਸਾਹਮਣੇ ਚੁਣੌਤੀ ਦੇ ਦਿੱਤੀ ਅਤੇ ਜਾਂਚ ਮਗਰੋਂ ਐਸ. ਡੀ. ਐਮ. ਨੇ ਸੁਨੀਲ ਕੁਮਾਰ ਦੇ ਕਾਗ਼ਜ਼ ਰੱਦ ਕਰ ਦਿੱਤੇ ਸਨ ਅਤੇ ਨਾਲ ਹੀ ਮੌਜੂਦਾ ਸਰਪੰਚ ਜਗਮੋਹਣ ਸਿੰਘ ਨੂੰ ਸਰਪੰਚ ਐਲਾਨ ਦਿੱਤਾ ਗਿਆ ਸੀ ਪਰ ਮਗਰੋਂ ਸੁਨੀਲ ਕੁਮਾਰ ਨੇ ਐਸ. ਡੀ. ਐਮ. ਦੇ ਇਨ੍ਹਾਂ ਹੁਕਮਾਂ ਨੂੰ ਪੰਜਾਬ ਤੇ ਹਰਿਆਣਾ ਹਾਈ ਕੋਰਟ ਵਿਚ ਚੁਨੌਤੀ ਦੇ ਦਿੱਤੀ ਜਿਸ ਤੋਂ ਬਾਅਦ ਅਦਾਲਤ ਨੇ ਮੌਜੂਦਾ ਸਰਪੰਚ ਜਗਮੋਹਣ ਸਿੰਘ ਦੇ ਵਿਰੁੱਧ ਸਟੇਅ ਆਰਡਰ ਜਾਰੀ ਕਰ ਦਿੱਤੇ ਸਨ ਤੇ ਇਹ ਮਾਮਲਾ ਹੁਣ ਹਾਈ ਕੋਰਟ 'ਚ ਪੈਂਡਿੰਗ ਪਿਆ ਹੈ ਅਤੇ ਪਿੰਡ 'ਚ ਕੋਈ ਵੀ ਸਰਪੰਚ ਨਹੀਂ ਹੈ | ਉਨ੍ਹਾਂ ਕਿਹਾ ਕਿ ਪਿੰਡ ਵਿਚ ਘਪਲੇਬਾਜ਼ੀ ਦੇ ਇਸ ਮਾਹੌਲ ਨੇ ਲੋਕਾਂ ਅੱਗੇ ਹੋਰ ਘਪਲੇ ਹੋਣ ਦੇ ਖ਼ਦਸ਼ੇ ਪੈਦਾ ਕੀਤੇ ਹੋਏ ਹਨ, ਜਿਨ੍ਹਾਂ ਤੋਂ ਉਹ ਨਿਜਾਤ ਪਾਉਣਾ ਚਾਹੁੰਦੇ ਹਨ | ਇਸ ਮੌਕੇ ਨੰਬਰਦਾਰ ਜਗਤਾਰ ਸਿੰਘ, ਨੰਬਰਦਾਰ ਸੁਰਿੰਦਰ ਕੁਮਾਰ, ਮੈਂਬਰ ਪੰਚਾਇਤ ਰਵਨੀਤ ਸਿੰਘ ਕੰਗ, ਧੀਰਜ ਕੁਮਾਰ, ਜਸਪਾਲ ਸਿੰਘ ਪੰਚ, ਹਿੰਮਤ ਸਿੰਘ, ਹਰਵਿੰਦਰ ਸਿੰਘ, ਸੁਰਿੰਦਰ ਸਿੰਘ, ਜਸਵੀਰ ਸਿੰਘ, ਦਵਿੰਦਰ ਸਿੰਘ, ਸਿਕੰਦਰ ਸਿੰਘ, ਨਰਿੰਦਰ ਸਿੰਘ, ਦਲਵੀਰ ਸਿੰਘ, ਬਲਵੰਤ ਸਿੰਘ, ਸਤਪਾਲ ਸ਼ਰਮਾ ਅਤੇ ਇੰਦਰ ਕੁਮਾਰ ਦੇਵਰਾਜ ਅਤੇ ਜੰਗਬੀਰ ਸਿੰਘ ਆਦਿ ਹਾਜ਼ਰ ਸਨ |
ਸਰਪੰਚ ਸੁਨੀਲ ਕੁਮਾਰ ਵਲੋਂ ਦੋਸ਼ਾਂ ਦਾ ਖੰਡਨ : ਦੂਜੇ ਪਾਸੇ ਸੁਨੀਲ ਕੁਮਾਰ ਨੇ ਇਨ੍ਹਾਂ ਦੋਸ਼ਾਂ ਦਾ ਖੰਡਨ ਕੀਤਾ ਤੇ ਦੱਸਿਆ ਕਿ ਇਹ ਮਾਮਲਾ ਪਿੰਡ ਦੀਆਂ ਸਰਕਾਰੀ ਪੰਜ-ਪੰਜ 10 ਹਜ਼ਾਰ ਗਰਾਂਟਾਂ ਦਾ ਮਾਮਲਾ ਹੈ, ਜਿਸ ਨੂੰ ਕਰੋੜਾਂ ਰੁਪਏ ਦੱਸਿਆ ਜਾ ਰਿਹਾ ਹੈ | ਉਨ੍ਹਾਂ ਕਿਹਾ ਕਿ ਉਨ੍ਹਾਂ ਨੂੰ ਹਾਈ ਕੋਰਟ ਤੋਂ ਰਾਹਤ ਮਿਲੀ ਹੋਈ ਹੈ | ਦੋਸ਼ ਲਾਉਣ ਵਾਲੇ ਮਨ ਘੜਤ ਕਹਾਣੀਆਂ ਪੇਸ਼ ਕਰ ਰਹੇ ਹਨ |

Ad Position 22
No active advertisement
ਪਿਛਲੀ ਖ਼ਬਰ ਸਾਬਕਾ ਚੇਅਰਮੈਨ ਦੀ ਮਾਤਾ ਦੇ ਅਕਾਲ ਚਲਾਣੇ 'ਤੇ ਦੁੱਖ ਦਾ ਇਜ਼ਹਾਰ <br/> ਅਗਲੀ ਖ਼ਬਰ ਝੋਨੇ ਦੀ ਸਿੱਧੀ ਬਿਜਾਈ ਖੇਤੀ ਖਰਚੇ ਘਟਾਉਣ ਲਈ ਸਾਰਥਕ ਤਰੀਕਾ-ਸਨਦੀਪ ਸਿੰਘ ਏ.ਡੀ.ਓ.
Ad Position 24