ਰੂਪਨਗਰ, 26 ਸਤੰਬਰ (ਸਟਾਫ਼ ਰਿਪੋਰਟਰ)-ਸੀ.ਪੀ.ਆਈ.ਐੱਮ. ਜ਼ਿਲ੍ਹਾ ਕਮੇਟੀ ਵਲੋਂ ਮਹਾਰਾਜਾ ਰਣਜੀਤ ਸਿੰਘ ਬਾਗ ਵਿਚ ਇਜ਼ਰਾਇਲ ਵਲੋਂ ਫ਼ਲਸਤੀਨੀਆਂ ਉੱਤੇ ਹੋ ਰਹੇ ਹਮਲਿਆਂ ਅਤੇ ਨਸਲਕੁਸ਼ੀ ਵਿਰੁੱਧ ਰੋਸ ਮੁਜ਼ਾਹਰਾ ਕੀਤਾ ਗਿਆ | ਕਾਮਰੇਡ ਬਜਿੰਦਰ ਪੰਡਿਤ ਨੇ ਯੂ.ਐੱਨ.ਓ. ਅਤੇ ਅੰਤਰਰਾਸ਼ਟਰੀ ਭਾਈਚਾਰੇ ਨੂੰ ਤੁਰੰਤ ਕਾਰਵਾਈ ਕਰਕੇ ਫ਼ਲਸਤੀਨੀਆਂ ਉੱਤੇ ਜੁਲਮ ਰੋਕਣ ਦੀ ਮੰਗ ਕੀਤੀ | ਮੁਜ਼ਾਹਰੇ ਦੌਰਾਨ ਅਮਰੀਕੀ ਅਤੇ ਇਜ਼ਰਾਇਲੀ ਰਾਸ਼ਟਰਪਤੀਆਂ ਦੇ ਪੁਤਲੇ ਫੂਕੇ ਗਏ ਅਤੇ ਫ਼ਲਸਤੀਨ ਨਾਲ ਇੱਕਮੁੱਠਤਾ ਜਤਾਈ ਗਈ | ਇਸ ਮੌਕੇ ਕਈ ਕਾਮਰੇਡ ਅਤੇ ਇਸਤਰੀ ਸਭਾ ਦੇ ਨੇਤਾ ਹਾਜ਼ਰ ਸਨ |